Home  Altaf Hussain  English News  Urdu News  Sindhi News  Photo Gallery
International Media Inquiries
+44 20 3371 1290
+1 909 273 6068
[email protected]
 
 Events  Blogs  Fikri Nishist  Study Circle  Songs  Videos Gallery
 Manifesto 2013  Philosophy  Poetry  Online Units  Media Corner  RAIDS/ARRESTS
 About MQM  Social Media  Pakistan Maps  Education  Links  Poll
 Web TV  Feedback  KKF  Contact Us        

کراچی کے مختلف علاقوں سے ایم کیوایم کے کارکنوں کی بڑے پیمانے پر گرفتاریاں قابل مذمت ہیں ۔ رابطہ کمیٹی متحدہ قومی موومنٹ


کراچی کے مختلف علاقوں سے ایم کیوایم کے کارکنوں کی بڑے پیمانے پر گرفتاریاں قابل مذمت ہیں ۔ رابطہ کمیٹی متحدہ قومی موومنٹ
 Posted on: 1/12/2017
کراچی کے مختلف علاقوں سے ایم کیوایم کے کارکنوں کی بڑے پیمانے پر گرفتاریاں قابل مذمت ہیں ۔ رابطہ کمیٹی متحدہ قومی موومنٹ
ایم کیوایم کے خلاف رینجرزکے آپریشن میں شدت وفاقی وزیرداخلہ چوہدری نثار کی ہدایت پر آئی ہے
ایم کیوایم کے کارکنوں کی بڑے پیمانے پر گرفتاریوں کا مقصد پاک سرزمین پارٹی نامی ٹولے کے29جنوری کے جلسہ کی کامیابی
کی راہ ہموارکرناہے۔ رابطہ کمیٹی 
حیدرآبادمیں بھی پی ایس پی نامی ٹولے کے جلسہ سے قبل وہاں ایم کیوایم کے کارکنوں کی بڑے پیمانے پرگرفتاریاں شروع کردی گئی تھیں
اب یہی کچھ کراچی میں بھی کیاجارہاہے، ایک ہی رات میں متعددکارکنوں کوگرفتارکیاجاچکاہے ۔ رابطہ کمیٹی 
بے گناہ کارکنوں کے گھروں پرچھاپوں اورگرفتاریوں کایہ سلسلہ بندکیاجائے اورگرفتارشدگان کوفی الفوررہاکیاجائے ۔ رابطہ کمیٹی 

متحدہ قومی موومنٹ کی رابطہ کمیٹی نے کراچی کے مختلف علاقوں سے ایم کیوایم کے کارکنوں کی بڑے پیمانے پر گرفتاریوں اورچھاپوں کی شدیدمذمت کی ہے ۔ اپنے بیان میں رابطہ کمیٹی نے کہاکہ جمعرات کی صبح سے ایم کیوایم کے خلاف جاری آپریشن میں شدت آگئی ہے ، ایم کیوایم کے سینئررکن عارف حیدر کوکراچی یونیورسٹی سے اورعبوری رابطہ کمیٹی کے انچارج ساتھی اسحاق ایڈوکیٹ کوانکے دفترکے باہرسے گرفتارکیاگیااس کے بعد گلشن اقبال، گلستان جوہر، محمودآباد، نارتھ کراچی ،فیڈرل بی ایریا، لیاقت آباد، نارتھ ناظم آباد، رنچھوڑلائن، اورنگی ٹاؤن اور کراچی کے مختلف علاقوں میں ایم کیوایم کے کارکنوں کے گھروں پر بڑے پیمانے پرچھاپوں کا سلسلہ شروع کردیاگیاجس کے دوران متعددکارکنوں کوگرفتارکرلیاگیا۔ چھاپوں اورگرفتاریوں کایہ سلسلہ جاری ہے ۔ رابطہ کمیٹی نے کہاکہ ایم کیوایم کے خلاف رینجرزکے اس آپریشن میں شدت وفاقی وزیرداخلہ چوہدری نثارکی ہدایت پر آئی ہے اورایم کیوایم کے رہنماؤں اور کارکنوں کی بڑے پیمانے پر کی جانے والی ان گرفتاریوں کا مقصد سرکاری سرپرستی میں تشکیل پانے والے ’’ پاک سرزمین پارٹی ‘‘ نامی ٹولے کی جانب سے 29جنوری کوکراچی میں کئے جانے والے جلسہ کی بلاروک ٹوک کامیابی کی راہ ہموارکرناہے۔ رابطہ کمیٹی نے کہاکہ گزشتہ دنوں لطیف آباداورحیدرآبادمیں بھی پی ایس پی نامی ٹولے کے جلسہ سے قبل اسی طرح وہاں ایم کیوایم کے کارکنوں کی بڑے پیمانے پرگرفتاریاں شروع کردی گئی تھیں اوراب یہی کچھ کراچی میں بھی کیاجارہاہے اوراب تک ایک ہی رات میں متعددکارکنوں کوگرفتارکیاجاچکاہے ۔ رابطہ کمیٹی نے ان گرفتاریوں اورچھاپوں کی شدیدمذمت کرتے ہوئے مطالبہ کیاہے کہ ایم کیوایم کے بے گناہ کارکنوں کے گھروں پرچھاپوں اورگرفتاریوں کایہ سلسلہ بندکیاجائے اورگرفتارشدگان کوفی الفوررہاکیاجائے ۔ 

*****
10/7/2026 3:14:19 PM