21 جنوری کو’ استحکام پاکستان ریلی ‘‘ اورمزار قائداعظم پرجلسہ کراچی کی تاریخ کا بڑاجلسہ ہوگا۔ندیم نصرت

Posted on: 1/9/2017 1

21 جنوری کو’ استحکام پاکستان ریلی ‘‘ اورمزار قائداعظم پرجلسہ کراچی کی تاریخ کا بڑاجلسہ ہوگا۔ندیم نصرت
مختلف ہم خیال گروپوں سے رابطے میں ہیں، پاکستان قومی موومنٹ بھی ان میں سے ایک ہے
21جنوری کو کراچی میں عائشہ منزل سے مزارقائداعظم تک’’ استحکام پاکستان ریلی ‘‘ ہوگی اور مزار قائداعظم پر جلسہ ہوگا
ریلی اورجلسہ کے انعقادکے سلسلے میں کراچی کی انتظامیہ سے اجازت کے لئے باقاعدہ درخواست دی گئی ہے
پاکستان کی سلامتی اور استحکام پریقین رکھتے ہیں اورچاہتے ہیں کہ پاکستان مضبوط ومستحکم ہو
ملک میں انصاف کاایسانظام قائم ہوجہاں تمام نسلی ولسانی اکائیوں کے ساتھ مساوی سلوک ہو ،سب کوجائزحقوق حاصل ہوں
ایم کیوایم انٹرنیشنل سیکریٹریٹ میں لندن میں زیرتعلیم پاکستانی طلبہ وطالبات کے وفد سے گفتگو

متحدہ قومی موومنٹ کی رابطہ کمیٹی کے کنوینرندیم نصرت نے کہاہے کہ 21 جنوری کوکراچی میں’’ استحکام پاکستان ریلی ‘‘ اورمزار قائداعظم پرجلسہ کراچی کی تاریخ کا بڑاجلسہ ہوگا۔ انہوں نے یہ بات آج ایم کیوایم انٹرنیشنل سیکریٹریٹ میں لندن میں زیرتعلیم پاکستانی طلبہ وطالبات کے ایک وفد سے گفتگوکرتے ہوئے کہی۔ مختلف یونیورسٹیوں میں زیرتعلیم یہ طلبہ وطالبات پاکستان کی سیاست اورایم کیوایم پر پی ایچ ڈی کررہے ہیں۔ ندیم نصرت نے کہاکہ پاکستان ہمارے آباؤاجدادنے بنایاہے اوراس کے قیام میں ہمارے لاکھوں بزرگوں نے اپنی جانوں کا نذرانہ پیش کیااورلازوال قربانیاں دی ہیں لیکن افسوس کہ بانیان پاکستان کی اولادوں کے ساتھ منصفانہ سلوک نہیں کیاجارہاہے اورانہیں ان کے حق سے محروم رکھاجارہاہے۔ ندیم نصرت نے کہاکہ ہم پاکستان کی سلامتی اور استحکام پریقین رکھتے ہیں اورچاہتے ہیں کہ پاکستان مضبوط ومستحکم ہواورملک میں انصاف کاایسانظام قائم ہوجہاں تمام نسلی ولسانی اکائیوں کے ساتھ مساوی سلوک ہو اورسب کوان کے جائزحقوق حاصل ہوں، ہماری جدوجہدایسے ہی منصفانہ نظام کے قیام کیلئے ہے ۔ انہوں نے کہاکہ پاکستان میں منصفانہ نظام کے قیام کی جدوجہدکے سلسلے میں ہم پاکستان میں مختلف ہم خیال گروپوں سے رابطے میں ہیں ،پاکستان قومی موومنٹ بھی انہی میں سے ایک ہے ،اس ضمن میں ہم خیال لوگوں میں ہمارے لئے مثبت جذبات پائے جاتے ہیں، ۔ انہوں نے مزیدکہاکہ اپنے اسی عزم کے عملی اظہارکیلئے 21جنوری کو کراچی میں عائشہ منزل سے مزارقائداعظم تک’’ استحکام پاکستان ریلی ‘‘ نکالنے اورمزار قائداعظم پر جلسہ کے انعقاد کافیصلہ کیاگیاہے ۔ اس ریلی اورجلسہ کے انعقادکے سلسلے میں کراچی کی انتظامیہ سے اجازت کیلئے باقاعدہ درخواست دی گئی ہے ،انشاء اللہ یہ ریلی اوریہ جلسہ کراچی کی تاریخ کا بڑاجلسہ ہوگا۔اس موقع پر طلبہ وطالبات نے پاکستان سے فرسودہ جاگیردارانہ نظام اورموروثی سیاسی کلچرکے خاتمہ،ملک بھرسے مڈل کلاس قیادت کوآگے لانے اورملک میں مڈل کلاس قیادت کی حکمرانی کے امکانات ، ایم کیوایم کے طرزسیاست، غریب ومتوسط طبقہ کے انقلاب کیلئے ایم کیوایم کی جدوجہد، ایم کیوایم پر لگائے جانے والے مختلف الزامات، ایم کیوایم کے خلاف جاری آپریشن کے اسباب اورایم کیوایم میں تقسیم کے حوالے سے مختلف سوالات کئے ، کنوینرندیم نصرت نے ان سوالات کے تفصیلی جوابات دیئے جس پر طلبہ وطالبات کے وفد نے اپنے اطمینان کااظہارکیا۔

*****

12/7/2025 7:13:55 PM

ایم کیوایم کے بانی وقائد جناب الطاف حسین نے پاکستان کی تیزی سےبدلتی ہ... 03 Dec 2025	اس سال میں بہت کچھ ہواہے اورمیں کہہ رہا ہوں کہ مستقبل قریب میں بھی بہت... 03 Dec 2025
ایم کیوایم کی کوآرڈی نیشن کمیٹی کے ارکان کا معصوم ابراہیم کے سوگوارلوا... 02 Dec 2025	متحدہ قومی موومنٹ کے سینئرارکان مطلوب زیدی ، یوسف سعید اورکاشف زیدی کو... 02 Dec 2025
1973ء کاآئین مکمل طورپر مسخ کیاجاچکاہے،کیااب اس بات کی ضرورت نہیں ہے ک... 02 Dec 2025	وزیراعلیٰ سندھ کو معلوم ہوناچاہیے کہ برصغیرکی تقسیم سے قبل سندھ بمبئی ... 02 Dec 2025
پیپلزپارٹی کی کراچی دشمن پالیسیوں کی وجہ سے کراچی کو علیحدہ صوبہ بنانے... 01 Dec 2025	کراچی میں نیپاچورنگی کے علاقے میں کھلے مین ہول میں تین سالہ بچے ابراہی... 01 Dec 2025
فوج کے جرنیلوں اور کورکمانڈروں سے درخواست ہےکہ سندھ سیکریٹریٹ کادورہ ک... 30 Nov 2025	انڈین ٹی وی چینل کو انٹرویو د ینے سےمحترمہ نورین نیازی غدار اورملک د... 30 Nov 2025