ایم کیوایم کے بے گناہ رہنماؤں کی بلاجواز گرفتاریوں کا فوری نوٹس لیاجائے ،کنوینر رابطہ کمیٹی متحدہ قومی موومنٹ ندیم نصرت

Posted on: 12/31/2016

ایم کیوایم کے بے گناہ رہنماؤں کی بلاجواز گرفتاریوں کا فوری نوٹس لیاجائے ،کنوینر رابطہ کمیٹی متحدہ قومی موومنٹ ندیم نصرت
رابطہ کمیٹی کے رکن اشرف نور ، سینئر رہنما سلیم شہزاداورAPMSOکے سیکریٹری جنرل احمدعلی کی گرفتاری قابل مذمت ہے ، ندیم نصرت
پروفیسر ڈاکٹرحسن ظفرعارف، مومن خان مومن، امجداللہ خان اورکنورخالد یونس کو گرفتارکرکے جیل میں قید کیاجاچکا ہے، ندیم نصرت
بے گناہ رہنماؤں وکارکنوں کو گرفتارکرکے ایم کیوایم کی سیاسی سرگرمیوں پرقدغن لگائی جارہی ہے،ندیم نصرت
انسانی حقوق کی تنظیمیں ایم کیوایم کے رہنماؤں کی غیرقانونی گرفتاریوں کے واقعات کا نوٹس لیں، ندیم نصرت

متحدہ قومی موومنٹ کی رابطہ کمیٹی کے کنوینر ندیم نصرت نے رابطہ کمیٹی کے رکن اشرف نور، سینئر رہنما سلیم شہزاد، اے پی ایم ایس او کے سیکریٹری جنرل احمدعلی بیگ کی گرفتاریوں کی سخت ترین الفاظ میں مذمت کی ہے ۔ ایک بیان میں ندیم نصرت نے کہاکہ 31 دسمبر2016 ء کی صبح تقریباً 5 بجے قانون نافذ کرنے والے اداروں نے ناظم آباد کے مختلف علاقوں میں چھاپہ مار کررابطہ کمیٹی کے رکن اشرف نور اور ایم کیوایم کے رہنما سلیم شہزادکو گرفتارکرلیا جبکہ گزشتہ روز ہی سرسید یونیورسٹی کے قریب سے اے پی ایم ایس او کے سیکریٹری جنرل احمدعلی بیگ کو گرفتارکرلیا۔ انہوں نے کہاکہ قائد تحریک جناب الطاف حسین سے وابستگی کے جرم میں ایم کیوایم کے بے گناہ رہنماؤں اورکارکنوں کو بلاجوا زگرفتارکرکے نہ صرف جھوٹے مقدمات میں ملوث کیاجارہا ہے بلکہ انہیں قیدوبند کی صعوبتیں برداشت کرنے پربھی مجبورکیاجارہا ہے ۔ اس سے قبل رابطہ کمیٹی کے رکن 71 سالہ بزرگ دانشور، مؤرخ، مفکراور جامعہ کراچی کے ریٹائرڈ پروفیسر ڈاکٹرحسن ظفرعارف، سینئر سیاستدان ودانشور مومن خان مومن ، معروف کاروباری شخصیت امجداللہ خان اورسینئرسیاستداں کنورخالدیونس کو گرفتارکرکے جیل میں قید کیاجاچکا ہے اوراب مزید رہنماؤں وکارکنوں کو گرفتارکرکے ایم کیوایم کی سیاسی سرگرمیوں پرقدغن لگائی جارہی ہے جس کی جتنی بھی مذمت کی جائے کم ہے ۔ندیم نصرت نے صدر پاکستان ممنون حسین ، وزیراعظم پاکستان میاں محمد نواز شریف ،وفاقی وزیرداخلہ چوہدری نثارعلی اور وزیراعلیٰ سندھ مراد علی شاہ سے مطالبہ کیاکہ ایم کیوایم کے بے گناہ رہنماؤں کی بلاجواز گرفتاریوں کا فوری نوٹس لیاجائے ، ایم کیوایم کی سیاسی سرگرمیوں پرعائد پابندی ختم کی جائے اور تمام گرفتارشدگان کو فی الفور رہا کیاجائے ۔ ندیم نصرت نے انسانی حقوق کی ملکی اور بین الاقوامی تنظیموں سے بھی اپیل کی کہ وہ ایم کیوایم کے رہنماؤں کی غیرقانونی گرفتاریوں کے واقعات کا نوٹس لیں اورمہاجروں کے بنیادی انسانی حقوق کی خلاف ورزیوں پرصدائے احتجاج بلندکریں۔

*****

1/25/2020 9:19:21 AM

سائیں جی ایم سید کی فکر کے مطابق پنجاب کے سامراج سے نجات میں ہی سندھ ک... 16 Jan 2020	سائیں جی ایم سید مرحوم کی 116ویں سالگرہ پر ایم کیوایم کے بانی وقائد ... 16 Jan 2020
پاکستان اور مختلف ممالک میں شہیدوفاپروفیسرڈاکٹرحسن ظفرعارف شہید کی د... 14 Jan 2020	سقراط نے اپنے وقت کے جاہلوںکے ہاتھوںزہرکاپیالہ پیاتھاجبکہ پروفیسر ڈاک... 14 Jan 2020
پاکستان اور مختلف ممالک میں شہیدوفاپروفیسرڈاکٹرحسن ظفرعارف شہید کی دو... 14 Jan 2020	شہیدوفاپروفیسرڈاکٹرحسن ظفرعارف شہید کی برسی پر سخی حسن قبرستان جاکرشہ... 13 Jan 2020
شہیدوفاپروفیسرڈاکٹرحسن ظفرعارف شہید کی دوسری برسی کے موقع پر ایم کیوای... 13 Jan 2020	وفاپرست عوام 17جنوری کو سندھ کے بزرگ سیاستداں ، دانشور، تاریخ داں ... 13 Jan 2020
آزاد سندھ ہی سندھیوں اورمہاجروں کے مسائل کادائمی اورمستقل حل ہے ۔الط... 06 Jan 2020	پاکستان پنجابستان بن چکاہے ، اب کسی بھی مظلوم قوم کا پنجابستان کے سات... 04 Jan 2020