Home  Altaf Hussain  English News  Urdu News  Sindhi News  Photo Gallery
International Media Inquiries
+44 20 3371 1290
+1 909 273 6068
[email protected]
 
 Events  Blogs  Fikri Nishist  Study Circle  Songs  Videos Gallery
 Manifesto 2013  Philosophy  Poetry  Online Units  Media Corner  RAIDS/ARRESTS
 About MQM  Social Media  Pakistan Maps  Education  Links  Poll
 Web TV  Feedback  KKF  Contact Us        

قائد تحریک الطاف حسین کے اظہار رائے کے حق پر عائد پابندی فی الفور ختم کی جائے، ندیم نصرت کنوینر متحدہ قومی موومنٹ


قائد تحریک الطاف حسین کے اظہار رائے کے حق پر عائد پابندی فی الفور ختم کی جائے، ندیم نصرت کنوینر متحدہ قومی موومنٹ
 Posted on: 12/21/2016

قائد تحریک الطاف حسین کے اظہار رائے کے حق پر عائد پابندی فی الفور ختم کی جائے، ندیم نصرت کنوینر متحدہ قومی موومنٹ 
قائدتحریک الطاف حسین کے ایک جملے کو جوا ز بناکر انہیں اظہار رائے کے آئینی ، قانونی ، جمہوری حق سے محروم رکھا جارہا ہے ، ندیم نصرت
ان سے زیادہ سخت باتیں کرنے والے سیاسی ومذہبی رہنماؤں کو اظہار رائے کی مکمل آزادی حاصل ہے ، ندیم نصرت
ملک کی تمام اکائیوں کی شکایات کو سنجیدگی سے سنا جائے ،جائز شکایات دور کی جائیں، ندیم نصرت
تمام سیاسی ومذہبی جماعتوں کو اظہار رائے کی مکمل آزادی دی جائے، ایم کیوایم کو سیاسی سرگرمیوں کی مکمل آزادی دی جائے،ندیم نصرت
جے یو آئی کے رہنما مولانا محمد خان شیرانی اور پختونخوا ملی عوامی پارٹی کے رہنما محمود خان اچکزئی کے بیانات پر ندیم نصرت کاتبصرہ 

متحدہ قومی موومنٹ کی رابطہ کمیٹی کے کنوینر ندیم نصرت نے ارباب اختیارسے مطالبہ کیاہے کہ قائد تحریک جناب الطاف حسین کے اظہار رائے کے حق پر عائد پابندی فی الفور ختم کی جائے اورانہیں بھی ملک کے دیگرسیاسی ومذہبی رہنماؤں کی طرح اظہاررائے کاحق دیاجائے ۔جے یو آئی کے رہنما مولانا محمد خان شیرانی اور پختونخوا ملی عوامی پارٹی کے رہنما محمود خان اچکزئی کے حالیہ بیانات پر تبصرہ کرتے ہوئے کہاہے کہ جس طرح ان رہنماؤں کو اظہاررائے کی آزادی حاصل ہے اسی طرح دوسروں کوبھی ملنی چاہیے۔انہوں نے ایک بیان میں ندیم نصرت نے کہاکہ ایم کیوایم ، ایک جمہوریت پسند جماعت ہے اور شہریوں کے اظہاررائے کی آزادی کے حق پرمکمل یقین رکھتی ہے اور ملک میں جمہوریت کے استحکام کیلئے خلوص نیت سے جدوجہد کررہی ہے ۔ انہوں نے کہاکہ قائد تحریک جناب الطاف حسین نے ایم کیوایم کے خلاف تین سالہ بدترین آپریشن ، حراست کے دوران ماورائے عدالت قتل ، بلاجوا زگرفتاریوں ، گرفتارکیے گئے کارکنان کی جبری گمشدگیوں، ایم کیوایم کے خلاف میڈیاٹرائل اور اظہا ررائے کی آزادی پر غیرآئینی ،غیرقانونی اورغیرجمہوری پابندی کے مسلسل واقعات پر شدت جذبات میں ایک جملہ کہا جس پر انہوں نے دومرتبہ تحریری معذرت بھی کرلی۔ انہوں نے کہاکہ ایک جانب معذرت کے باوجود جناب الطاف حسین کے ایک جملے کو جوا ز بناکر انہیں اظہار رائے کی آزادی کے آئینی ، قانونی ، جمہوری اور انسانی حق سے محروم رکھاجارہا ہے جبکہ دوسری جانب جناب الطاف حسین سے زیادہ سخت باتیں کرنے والے بعض سیاسی ومذہبی رہنماؤں کے اظہار رائے کی مکمل آز ادی دی جارہی ہے جوقطعی دوعملی ہے ۔ ندیم نصرت نے کہا کہ پاکستان کی بقا ء وسلامتی ، ترقی وخوشحالی اور ملک میں جمہوری اقدار کے فروغ کیلئے تمام شہریوں کو اظہاررائے کی آزادی کا حق دیا جانا چاہیے، جب مولانا شیرانی اور محمود خان اچکزئی اور ان کی جماعتوں کوآزادی اظہار کاحق ہے تو پھر قائد تحریک جناب الطاف حسین کی میڈیاکوریج اور ایم کیوایم کی سیاسی سرگرمیوں پر پابندی کیوں عائد کردی گئی ہے؟ ندیم نصرت نے وزیراعظم میاں محمد نواز شریف ،چیف آف آرمی اسٹاف جنرل قمرجاوید باجوہ اوروفاقی حکومت سے مطالبہ کیا کہ ملک کی تمام اکائیوں کی شکایات کو سنجیدگی سے سنا جائے ،جائز شکایات دور کی جائیں، تمام سیاسی ومذہبی جماعتوں کو اظہار رائے کی مکمل آزادی دی جائے ، قائد تحریک جناب الطاف حسین کے اظہار رائے کے حق پر عائد پابندی فی الفور ختم کی جائے اور ایم کیوایم کو سیاسی سرگرمیوں کی مکمل آزادی دی جائے ۔
*****
6/27/2017 12:27:20 PM