Altaf Hussain  English News  Urdu News  Sindhi News  Photo Gallery
International Media Inquiries
+44 20 3371 1290
+1 909 273 6068
[email protected]
 
 Events  Blogs  Fikri Nishist  Study Circle  Songs  Videos Gallery
 Manifesto 2013  Philosophy  Poetry  Online Units  Media Corner  RAIDS/ARRESTS
 About MQM  Social Media  Pakistan Maps  Education  Links  Poll
 Web TV  Feedback  KKF  Contact Us        

ایم کیو ایم شکاگو چیپٹر کے زیر اہتمام 9 دسمبر کے شہداء کی یادکو انتہائی عقیدت و احترام سے منایا گیا ۔


ایم کیو ایم شکاگو چیپٹر کے زیر اہتمام 9 دسمبر کے شہداء کی یادکو انتہائی عقیدت و احترام سے منایا گیا ۔
 Posted on: 12/17/2016
ایم کیو ایم شکاگو چیپٹر کے زیر اہتمام 9 دسمبر کے شہداء کی یادکو انتہائی عقیدت و احترام سے منایا گیا ۔
قائد تحریک الطاف حسین سے جڑے ر ہیں اور یقین رکھیں کے شہداء کے لہو کے صدقے ہم منزل مقصود کو ضرور پائیں گے۔ شمیم صدیقی
آج یوم شہداء کے موقع پرہم اس بات کا عزم کرتے ہیں کہ قائد تحریک الطاف حسین کے فلسفے کو دنیا کے کونے کونے میں پھیلائیں گے۔ جنید فہمی 
بڑی تعداد میں شرکت تحریک، قائد تحریک اور شہیدوں سے بے پناہ پیاراور الفت کو ثابت کرتا ہے جو انتہائی قابل تحسین ہے۔سہیل شمس

 ایم کیو ایم شکاگو چیپٹر کے زیر اہتمام سانحہ9دسمبر کے حق پرست شہداء کی یادمیں ایک تعزیتی پروگرام منعقد کیا گیا۔ جس میں ممبران سینٹرل آرگنائزنگ کمیٹی شمیم صدیقی اور جنید فہمی، انچارج شعبہ خواتین تحریم شاہد، سابق حق پرست رکن اسمبلی اور جوائنٹ انچارج میڈیا سیل سہیل یوسف زئی، چیپٹر انچارج سہیل شمس، جوائنٹ چیپٹر انچارج فہد خان، اراکین چیپٹر کمیٹی سمیت ذمہ داران و کارکنان اور ہمدردوں کی بڑی تعداد نے شرکت کی۔اس موقع پر شمیم صدیقی نے شہداء کی لازوال قربانیوں پر روشنی ڈالتے ہوئے کہا کہ حق پرست شہیدوں کی قربانیوں کے صدقے مظلوموں کے حقوق کی جدوجہد کامیابی سے ضرور ہمکنار ہوگی۔انہوں نے کہا کہ اڑتیس سال قبل جب یہ تحریک بانی ایم کیو ایم قائد تحریک جناب الطاف حسین نے شروع کی تھی اس وقت سے اب تک ہزاروں کارکنان اپنی جانوں کے نذرانے پیش کر چکے ہیں جس میں قائد تحریک جناب الطاف حسین کے بھائی ناصر حسین اور بھتیجے عارف حسین کا لہو بھی شامل ہے۔ انہوں نے کارکنان پر زور دیا کہ قائد تحریک الطاف حسین سے جڑیں رہیں اور یقین رکھیں کہ شہداء کے لہو کے صدقے ہم منزل مقصود کو ضرور پائیں گے۔ 

رکن سینٹرل کمیٹی جنید فہمی شہداء کی بے مثال قربانیوں کا ذکر کرتے ہوئے اس بات کا عزم کیا کہ قائد تحریک الطاف حسین کے فکر و فلسفے کو دنیا کے کونے کونے میں پھیلائیں گے ۔ انہوں نے امید ظاہر کی کہ ہزاروں مشکلات اور ظلم و ستم کے باوجود ہم اپنے محبوب قائد کی رہنمائی میں منزل کو ضرور پائیں گے کہ جس کے لئے ہزاروں شہیدوں نے لازوال قربانیاں پیش کیں۔ شعبہ خواتین کی انچارج تحریم شاہد نے 9 دسمبر کے دردناک واقع کا ذکر کرتے ہوئے کہا کہ ایل خانہ کے سامنے کارکنان کو گولیاں مار کر شہید کیا گیا جو انتہائی افسوسناک اور شرمناک واقع ہے جس کی جتنی بھی مذمت کی جائے کم ہے۔انچارج میڈیا سیل اور سابق حق پرست رکن اسمبلی سہیل یوسف زئی نے اپنی گفتگو میں قائد تحریک ، تحریک کے شہیدوں اور ان کے لواحقین کو تحریک کی شہ رگ قرار دیتے ہوئے بتایا کہ یہی تین عناصر ہیں کہ جن کی نفی کا مطلب ایم کیو ایم کی نفی ہے۔ ان کا کہنا تھا کہ قائد تحریک الطاف حسین اس تحریک کے بانی ہیں اور ان کی نفی کا خواب دیکھنے والے ریاضی کے اصول مائنس مائنس برابر پلس ہوتا ہے سے قطعی ناواقف ہیں ،۔ یہی وجہ ہے کہ ان سازشی عناصر کی مائنس مائنس کی رٹ الطاف بھائی کو پلس کرتی رہی اور پھر 9دسمبر کو کراچی اور حیدراباد کے عوام نے ہزاروں کی تعداد میں باہر نکل کر فیصلہ سنا دیا کہ ان کا رہبر اور رہنما صرف اور صرف الطاف حسین ہیں۔
چیپٹر انچارج سہیل شمس نے اپنے خطاب میں تمام شرکاء کو زبردست شاباش پیش کی کہ سخت موسم اور برفباری کے باوجود اتنی بڑی تعداد میں آپ نے شرکت کرکے تحریک، قائد تحریک اور شہیدوں سے اپنے بے پناہ پیار اور الفت کو ثابت کر دیا ہے جو انتہائی قابل تحسین ہے۔آخر میں سہیل یوسف زئی نے قائد تحریک کی صحت، تندرستی و درازی عمر، تحریک کے شہیدوں کے درجات کی بلندی سمیت طیارہ کے حادثے میں شہید ہو جانے والے جنید جمشید اور دیگر مسافروں کے درجات کی بلندی کی دعاء کرائی اور اللہ کے حضور التجا کی کہ وہ اپنے پیارے حبیب صلعم کے صدقے پورے پاکستان کے مظلوموں کی داد رسی فرما اور ہمیں اپنے قائد کی رہبری میں جلد از جلد منزل مقصود پر پہنچادے۔

10/19/2017 1:24:05 PM