ایم کیوایم کے رکن سندھ اسمبلی محمد کامران فاروق کی گرفتاری سیاسی انتقام کی کارروائی ہے ۔ الطاف حسین

Posted on: 12/15/2016

ایم کیوایم کے رکن سندھ اسمبلی محمد کامران فاروق کی گرفتاری سیاسی انتقام کی کارروائی ہے ۔ الطاف حسین
پیپلزپارٹی کی حکومت ایم کیوایم سے وابستہ لوگوں کوسیاسی انتقام کانشانہ بنا رہی ہے۔ الطاف حسین
ایم کیوایم کے رہنماؤں، منتخب نمائندوں، تنظیمی ذمہ داروں اورکارکنوں کوگرفتارکرکرکے جھوٹے مقدمات میں ملوث کیا جارہاہے
کراچی اورحیدرآبادکی جیلوں میں ایم کیوایم کے ڈیڑھ ہزارسے زائدذمہ داران وکارکنان جھوٹے مقدمات میں قیدہیں
محمد کامران فاروق، کنورنوید، قمرمنصور، شاہدپاشا،پروفیسرڈاکٹرحسن ظفرعارف، امجداللہ خان، مومن خان مومن اوردیگرکارکنوں کو
فی الفوررہاکیاجائے ۔الطاف حسین

متحدہ قومی موومنٹ کے قائدجناب الطاف حسین نے ایم کیوایم کے رکن سندھ اسمبلی محمد کامران فاروق کی گرفتاری کی شدیدالفاظ میں مذمت کی ہے اوراسے سیاسی انتقام کی کارروائی قراردیاہے ۔ اپنے بیان میں انہوں نے کہاکہ پیپلزپارٹی جمہوریت کی دعویدار ہے لیکن اس کی صوبائی حکومت نے صوبہ سندھ خصوصاً کراچی اورحیدرآبادمیں آمریت قائم کررکھی ہے اور وہ ایم کیوایم کے خلاف آپریشن کرکے اسے کچلنے کی پالیسی پر گامزن ہے، ایم کیوایم کے رہنماؤں، منتخب نمائندوں، تنظیمی ذمہ داروں اورکارکنوں کو گرفتارکرکے جھوٹے مقدمات میں ملوث کیا جارہاہے اور ان کی کردارکشی کی جارہی ہے ۔ جناب الطاف حسین نے کہاکہ اس وقت کراچی اورحیدرآبادکی جیلوں میں ایم کیوایم کے ڈیڑھ ہزارسے زائدذمہ داران وکارکنان جھوٹے مقدمات میں قیدوبندکی اذیتیں جھیل رہے ہیں ، ان میں رکن قومی اسمبلی کنورنوید، رابطہ کمیٹی کے سابق ار کان قمرمنصور، شاہدپاشا،عارضی رابطہ کمیٹی کے ارکان 70سالہ سینئر پروفیسرڈاکٹرحسن ظفرعارف،ممتازدانشوراورترقی پسندرہنما مومن خان مومن، امجداللہ خان اور تنظیمی ذمہ داران وکارکنان شامل ہیں اورآج رکن سندھ اسمبلی محمد کامران فاروق کوبھی گرفتارکرلیاگیاہے ۔جناب الطاف حسین نے کہاکہ ایم کیو ایم کے رہنماؤں، منتخب نمائندوں، ذمہ داروں اورکارکنوں کی ان گرفتاریاں اس بات کاثبوت ہیں کہ آپریشن صرف ایم کیوایم کے خلاف کیا جارہا ہے اور اس سے وابستہ لوگوں کو سیاسی انتقام کانشانہ بنایاجارہاہے۔جناب الطاف حسین نے مطالبہ کیاکہ ایم کیوایم کے رکن سندھ اسمبلی محمدکامران فاروق، رکن قومی اسمبلی کنورنوید، رابطہ کمیٹی کے سابق ار کان قمرمنصور، شاہدپاشا ، پروفیسر ڈاکٹرحسن ظفر عارف، امجداللہ خان، مومن خان مومن اور دیگر گرفتار شدگان کوفی الفوررہاکیاجائے، ایم کیوایم کو سیاسی انتقام کانشانہ بنانے اور بے گناہ کارکنوں کی گرفتاریوں کاسلسلہ بند کیا جائے ۔ جناب الطاف حسین نے انسانی حقوق کی تنظیموں سے بھی اپیل کی کہ وہ رکن سندھ اسمبلی محمد کامران فاروق اور ایم کیو ایم کے دیگرکارکنوں کی گرفتاریوں کانوٹس لیں اور انسانی حقوق کی خلاف ورزیوں پر صدائے احتجاج بلندکریں۔

*****

8/5/2020 11:16:11 AM

تمام وفاپرست عوام وکارکنان اورپاکستان سمیت دنیابھرکے مسلمانوں کو ایم... 31 Jul 2020	فوج اورآئی ایس آئی نے چائناکے ساتھ ملکرکراچی کو وفاق کاحصہ بنانے کا ... 30 Jul 2020
متحدہ قومی مووومنٹ کے قائد الطاف حسین پیر 3 اگست کو تاریخی حقائق کے... 28 Jul 2020	رہبر سندھ سائیں جی ایم سید کی بہوکے انتقال پر قائد تحریک الطاف حسین ... 27 Jul 2020
متحدہ قومی موومنٹ کے 23ویں یوم تاسیس کے موقع پر قائد تحریک جناب الط... 26 Jul 2020	متحدہ قومی موومنٹ کا یوم تاسیس اتوارکل بروز اتواردنیابھرمیں منایاجائے ... 25 Jul 2020
پاکستان ، سلطنت برطانیہ کی ساز ش کے تحت قائم کیاگیاتھا، قائد تحریک ال... 25 Jul 2020	متحدہ قومی موومنٹ کا یوم تاسیس اتوار26جولائی کودنیابھرمیں منایاجائے گ... 24 Jul 2020
تاریخی حقائق : جناب الطاف حسین کل بروز جمعہ چوتھا لیکچر دیںگے ... 23 Jul 2020	متحدہ قومی موومنٹ کا یوم تاسیس اتوار26جولائی کومنایاجائے گا۔ اس سلسلے... 23 Jul 2020