Home  Altaf Hussain  English News  Urdu News  Sindhi News  Photo Gallery
 
 Events  Blogs  Fikri Nishist  Study Circle  Songs  Videos Gallery
 Manifesto 2013  Philosophy  Poetry  Online Units  Media Corner  RAIDS/ARRESTS
 About MQM  Social Media  Pakistan Maps  Education  Links  Poll
 Web TV  Feedback  KKF  Contact Us        

پروفیسر ڈاکٹر حسن ظفر عارف ، مومن خان مومن اور امجداللہ خان کو فی الفور رہا کیاجائے، ڈاکٹر ندیم احسان


پروفیسر ڈاکٹر حسن ظفر عارف ، مومن خان مومن اور امجداللہ خان کو فی الفور رہا کیاجائے، ڈاکٹر ندیم احسان
 Posted on: 12/2/2016
پروفیسر ڈاکٹر حسن ظفر عارف ، مومن خان مومن اور امجداللہ خان کو فی الفور رہا کیاجائے، ڈاکٹر ندیم احسان
پروفیسر ڈاکٹر حسن ظفر عارف ، مومن خان مومن اور امجداللہ خان کی گرفتاری سیاسی انتقام کی بدترین مثال ہے، ڈاکٹرندیم احسان
قائد تحریک سے محبت کے جرم میں بلند پایہ علمی ، ادبی اورکاروباری شخصیات کو انتقام کا نشانہ بنایاجارہا ہے ، ڈاکٹرندیم احسان

متحدہ قومی موومنٹ کی رابطہ کمیٹی کے رکن ڈاکٹر ندیم احسان نے کہاہے کہ رابطہ کمیٹی کے ارکان پروفیسر ڈاکٹر حسن ظفر عارف ، مومن خان مومن اور امجداللہ خان جیسی معزز شخصیات کی گرفتاری مہاجردشمنی اور سیاسی انتقام کی بدترین مثال ہے ۔ ایک بیان میں ڈاکٹر ندیم احسان نے کہاکہ 75 سالہ بزرگ پروفیسر ڈاکٹر حسن ظفر عارف جامعہ کراچی کے ریٹائر پروفیسر ہونے کے ساتھ ساتھ ایک مؤرخ، دانشور ، ادیب اورمصنف بھی ہیں اورانہوں نے ملک کے لاکھوں طلبا وطالبات کو علم وشعور کی روشنی سے منور کیاہے ۔ اسی طرح بزرگ سیاستداں مومن خان مومن نے زندگی بھرعوام کے حقوق اور جمہوریت کے استحکام کیلئے جدوجہد کی اور قیدوبند کی صعوبتیں بھی برداشت کیں جبکہ امجداللہ خان ایک معروف سیاسی اور کاروباری شخصیت ہیں اور ان کا شمار بھی عمائدین شہر میں کیاجاتا ہے ۔ انہوں نے کہاکہ پروفیسر حسن ظفرعارف اور امجداللہ خان نہ تو کسی جرم میں ملوث تھے اورنہ ان کے خلاف کوئی ایف آئی آر درج تھی اس کے باوجود انہیں 22 اکتوبر کو ایم پی او کے تحت کراچی پریس کلب سے گرفتارکرکے جیل میں ڈال دیاگیا اور پھران کی حراست میں ایک ماہ کی توسیع کردی گئی جبکہ مومن خان مومن کو جھوٹے مقدمہ میں ملوث کردیا گیا۔ڈاکٹر ندیم احسان نے کہاکہ یہ امر انتہائی افسوسناک ہے کہ قانون نافذکرنے والے اداروں کی جانب سے محض قائد تحریک جناب الطاف حسین سے عقیدت اورمحبت کے جرم میں بلند پایہ علمی ، ادبی ،کاروباری اور سیاسی شخصیات کو انتقام کا نشانہ بنایاجارہا ہے جس کی جتنی بھی مذمت کی جائے کم ہے ۔ڈاکٹرندیم احسان نے وزیراعظم پاکستان میاں محمد نوازشریف ، چیف آف آرمی اسٹاف جنرل قمرجاوید باجوہ ، وفاقی وزیرداخلہ چوہدری نثارعلی خان اور وزیراعلیٰ سندھ مراد علی شاہ سے مطالبہ کیاکہ پروفیسر ڈاکٹر حسن ظفر عارف ، مومن خان مومن اور امجداللہ خان کی بلاجوا ز گرفتاری کانوٹس لیاجائے اور انہیں فی الفور رہا کیاجائے۔
*****
4/22/2021 5:45:23 PM