Home  Altaf Hussain  English News  Urdu News  Sindhi News  Photo Gallery
International Media Inquiries
+44 20 3371 1290
+1 909 273 6068
[email protected]
 
 Events  Blogs  Fikri Nishist  Study Circle  Songs  Videos Gallery
 Manifesto 2013  Philosophy  Poetry  Online Units  Media Corner  RAIDS/ARRESTS
 About MQM  Social Media  Pakistan Maps  Education  Links  Poll
 Web TV  Feedback  KKF  Contact Us        

میئر کراچی وسیم اختر شہرکے ترقیاتی کاموں کو ہرقسم کی سیاست سے علیحدہ رکھیں ، کنوینر ندیم نصرت


میئر کراچی وسیم اختر شہرکے ترقیاتی کاموں کو ہرقسم کی سیاست سے علیحدہ رکھیں ، کنوینر ندیم نصرت
 Posted on: 12/1/2016
میئر کراچی وسیم اختر شہرکے ترقیاتی کاموں کو ہرقسم کی سیاست سے علیحدہ رکھیں ، کنوینر ندیم نصرت
کراچی کی ترقی اور عوامی مسائل کے حل کیلئے میئرکراچی وسیم اختر کو کام کرنے دیا جائے، ندیم نصرت
میئرکراچی کے کاموں اوردوروں کے دوران کسی قسم کا احتجاج نہ کیاجائے، ندیم نصرت
منتخب ارکان کی اسمبلیوں اورسینیٹ کی رکنیت قائد تحریک اورعوام کی امانت ہے ، ندیم نصرت
کوئی بھی رکن قومی یاصوبائی اسمبلی جب تک اپنی رکنیت سے مستعفی نہیں ہوجاتے میئرکراچی ،انہیں اپنے ساتھ لیکر نہ چلیں،ندیم نصرت
جن لوگوں کو ایم کیوایم سے نکال دیا گیا ہے ان سے کوئی تعلق نہ رکھیں ، ندیم نصرت
کیونکہ ایسے عناصر کی میئرکراچی کے ساتھ موجودگی سے ہی عوام وکارکنان کے جذبات مجروح ہورہے ہیں، ندیم نصرت

متحدہ قومی موومنٹ کی رابطہ کمیٹی کے کنوینر ندیم نصرت نے میئر کراچی وسیم اختر سے کہاہے کہ وہ شہرکے ترقیاتی کاموں کو ہرقسم کی سیاست سے علیحدہ رکھیں اور ایم کیوایم سے نکالے گئے افراد سے کوئی تعلق نہ رکھیں ۔ انہوں نے مزیدکہاکہ قائد تحریک جناب الطاف حسین نے عوام وکارکنان سے اپیل کی ہے کہ کراچی کی ترقی اور عوامی مسائل کے حل کیلئے میئرکراچی وسیم اختر کو کام کرنے دیا جائے اور ان کے کاموں اوردوروں کے دوران کسی قسم کا احتجاج نہ کیاجائے ۔ ایک بیان میں ندیم نصرت نے کہاکہ فاروق ستار سمیت ایم کیوایم کے تمام ارکان سینیٹ ، قومی وصوبائی اسمبلی کو قائد تحریک جناب الطاف حسین کے نام پرایوانوں کی رکنیت ملی ہے ، ان کی الیکشن مہم کے دوران قائد تحریک جناب الطاف حسین نے سینکڑوں خطابات کئے ، قائد تحریک کی اپیل پر عوام نے کروڑوں روپے کے عطیات ان کی الیکشن مہم پرخرچ کیے اوران کی اسمبلیوں اورسینیٹ کی رکنیت قائد تحریک اورعوام کی امانت ہے ۔ندیم نصرت نے کہاکہ یہ منتخب نمائندے اب قائد تحریک جناب الطاف حسین سے لاتعلقی اختیار کرچکے ہیں ، اخلاقیات کا تقاضا ہے کہ وہ فوری طورپر یہ امانت واپس کریں ، پہلے اپنے استعفے جمع کرائیں اورپھر اپنے نام سے الیکشن لڑیں ، اگر عوام انہیں دوبارہ منتخب کرتے ہیں تووہ شوق سے سیاست کریں۔ انہوں نے میئرکراچی وسیم اختر سے کہاکہ وہ کراچی کے ترقیاتی وبلدیاتی امور کو ہرقسم کی سیاست سے علیحدہ رکھیں ، فاروق ستار سمیت کوئی بھی رکن قومی یاصوبائی اسمبلی جب تک اپنی رکنیت سے مستعفی نہیں ہوجاتے انہیں اپنے ساتھ لیکر نہ چلیں، جن لوگوں کو ایم کیوایم سے نکال دیا گیا ہے ان سے کوئی تعلق نہ رکھیں ، شہرکے ترقیاتی کاموں کے سلسلے میں انہیں ساتھ لیکر نہ چلیں اوربلدیاتی امور میں ان سیاسی عناصر کاعمل دخل نہ ہونے دی جائے کیونکہ ایسے عناصر کی میئرکراچی کے ساتھ موجودگی سے ہی عوام وکارکنان کے جذبات مجروح ہورہے ہیں۔ ندیم نصرت نے کہاکہ قائد تحریک جناب الطاف حسین نے حق پرست عوام وکارکنان سے اپیل کی کہ کراچی کی ترقی اور عوامی مسائل کے حل کیلئے میئرکراچی وسیم اختر کو کام کرنے دیا جائے اور ان کے کاموں اوردوروں کے دوران کسی قسم کا احتجاج نہ کیاجائے ۔
*****
6/22/2025 5:17:43 PM