Altaf Hussain  English News  Urdu News  Sindhi News  Photo Gallery
International Media Inquiries
+44 20 3371 1290
+1 909 273 6068
[email protected]
 
 Events  Blogs  Fikri Nishist  Study Circle  Songs  Videos Gallery
 Manifesto 2013  Philosophy  Poetry  Online Units  Media Corner  RAIDS/ARRESTS
 About MQM  Social Media  Pakistan Maps  Education  Links  Poll
 Web TV  Feedback  KKF  Contact Us        

پروفیسر ڈاکٹر حسن ظفرعارف اورامجداللہ خان کو فی الفور رہا کیا جائے، قاسم علی رضا


  پروفیسر ڈاکٹر حسن ظفرعارف اورامجداللہ خان کو فی الفور رہا کیا جائے، قاسم علی رضا
 Posted on: 11/30/2016
  پروفیسر ڈاکٹر حسن ظفرعارف اورامجداللہ خان کو فی الفور رہا کیا جائے، قاسم علی رضا
مہذب معاشرے میں اساتذہ اور کاروباری شخصیات کی عزت وتوقیر کی جاتی ہے، قاسم علی رضا
مہاجردشمنی میں پروفیسرڈاکٹر حسن ظفرعارف اور امجداللہ خان کی تذلیل بھی کی جارہی ہے، قاسم علی رضا
استاد جیسی محترم شخصیات کی پگڑی اچھالنے والے عناصرقدرت کے مکافات عمل سے نہیں بچ سکیں گے، قاسم علی رضا
متحدہ قومی موومنٹ کی سیاسی سرگرمیوں پر عائد پابندی ختم کی جائے ، قاسم علی رضا
آئین وقانون کے تحت ایم کیوایم کو سیاسی سرگرمیوں کی مکمل آزادی فراہم کی جائے، قاسم علی رضا

ایم کیوایم کے سینئر رکن قاسم علی رضا نے مطالبہ کیا ہے کہ رابطہ کمیٹی کے ارکان پروفیسر ڈاکٹر حسن ظفرعارف اورامجداللہ خان کو فی الفور رہا کیا جائے اورمتحدہ قومی موومنٹ کو سیاسی سرگرمیوں کی مکمل آزادی فراہم کی جائے ۔ ایک بیان میں قاسم علی رضا نے کہاکہ ظفرعارف 75 سالہ بزرگ پروفیسرڈاکٹرحسن نہ صرف ایم کیوایم کی رابطہ کمیٹی کے رکن ہیں بلکہ جامعہ کراچی کے ریٹائرڈ پروفیسر، ایک محقق، دانشور اور تاریخ داں بھی ہیں اور انہوں نے لاکھوں طلباوطالبات کو زیورعلم سے آراستہ کیا ہے اسی طرح رابطہ کمیٹی کے رکن امجداللہ خان ، کراچی کے معزز شہری اور کاروباری شخصیت ہیں ۔ انہوں نے کہاکہ پروفیسر ڈاکٹرحسن ظفرعارف اور امجداللہ خان کو قائد تحریک جناب الطاف حسین سے وابستگی کی پاداش میں 22 اکتوبرکو کراچی پریس کلب سے گرفتارکرکے ایم پی او کے تحت ایک ماہ کیلئے جیل میں ڈال دیاگیا اور پھر ان کی حراست میں مزید ایک ماہ کی توسیع کردی گئی جس کی جتنی بھی مذمت کی جائے کم ہے ۔ قاسم علی رضا نے کہاکہ ایک مہذب معاشرے میں اساتذہ اور کاروباری شخصیات کو قدر کی نگاہ سے دیکھا جاتا ہے اور ان کی عزت وتوقیر کی جاتی ہے لیکن بدقسمتی سے مہاجردشمنی میں نہ صرف پروفیسرڈاکٹر حسن ظفرعارف اور امجداللہ خان کو بلاجواز پابند سلاسل کیاجارہا ہے بلکہ ان کی تذلیل بھی کی جارہی ہے ۔انہوں نے کہاکہ جس ملک میں استاد جیسی محترم شخصیات کی پگڑی اچھالی جائے ، پگڑی اچھالنے والے اہم عہدوں پرفائز ہوں اور ان کی جانب سے سیاسی مخالفین کو انتقام کا نشانہ بنایاجائے ، انکی بزرگی،ملک وقوم کیلئے خدمات ، عزت واحترام اورمقام کا خیال نہ کیاجائے ایسے عناصرقدرت کے مکافات عمل سے نہیں بچ سکیں گے۔ قاسم علی رضا نے وزیراعظم میاں محمد نواز شریف ، چیف آف آرمی اسٹاف جنرل قمر جاوید باجوہ ، وفاقی وزیرداخلہ چوہدری نثارعلی خان اور وزیراعلیٰ سندھ سے مطالبہ کیاکہ پروفیسر ڈاکٹر حسن ظفرعارف اورامجداللہ خان کو فی الفور رہا کیا جائے، متحدہ قومی موومنٹ کی سیاسی سرگرمیوں پر عائد پابندی ختم کی جائے اورملک کے آئین وقانون کے تحت ایم کیوایم کو سیاسی سرگرمیوں کی مکمل آزادی فراہم کی جائے۔

*****

12/6/2016 2:08:39 AM