Home  Altaf Hussain  English News  Urdu News  Sindhi News  Photo Gallery
International Media Inquiries
+44 20 3371 1290
+1 909 273 6068
[email protected]
 
 Events  Blogs  Fikri Nishist  Study Circle  Songs  Videos Gallery
 Manifesto 2013  Philosophy  Poetry  Online Units  Media Corner  RAIDS/ARRESTS
 About MQM  Social Media  Pakistan Maps  Education  Links  Poll
 Web TV  Feedback  KKF  Contact Us        

بعض عناصرایم کیوایم کے یوم شہداء کو متنازعہ بنانے کی کوشش کررہے ہیں ۔ ندیم نصرت کنوینر متحدہ قومی موومنٹ


بعض عناصرایم کیوایم کے یوم شہداء کو متنازعہ بنانے کی کوشش کررہے ہیں ۔ ندیم نصرت کنوینر متحدہ قومی موومنٹ
 Posted on: 11/24/2016
بعض عناصرایم کیوایم کے یوم شہداء کو متنازعہ بنانے کی کوشش کررہے ہیں ۔ ندیم نصرت کنوینر متحدہ قومی موومنٹ
ہم 17نومبر کو اپنی پریس کانفرنس میں اعلان کرچکے ہیں کہ حق پرست عوام 9دسمبرکوشہداکی یادگاراورشہداقبرستان جاکر پھول چڑھائیں 
ایک گروہ کی جانب سے یوم شہداء کے روزہی جناح گراؤنڈمیں سیاسی اجتماع منعقد کرنے کی درخواست دینا یوم شہداء کو
سبوتاژ کرنے کی کوشش ہے ۔ ندیم نصرت 
یوم شہداء انہی شہیدوں کادن ہے جنہوں نے قائدتحریک الطاف حسین کی قیادت میں حقوق کی جدوجہدمیں اپنی جانوں کانذرانہ پیش کیا،
ہزاروں باوفا شہیدوں میں قائدتحریک الطاف حسین کے بڑے بھائی ناصرحسین اوربھتیجے عارف حسین بھی شامل ہیں، قائدتحریک الطاف حسین ہی ان شہیدوں کے اصل وارث ہیں 
جولوگ تحریک کے شہیدوں کو ’’ مرنے والے ‘‘ اور ’’ ہلاک ہونے والے ‘‘ کہہ کر شہیدوں کی توہین کریں ، وہ کس منہ
سے یوم شہداکی بات کرسکتے ہیں؟ ندیم نصرت

متحدہ قومی موومنٹ کی رابطہ کمیٹی کے کنوینر ندیم نصرت نے کہاہے کہ یوم شہداء ایم کیوایم کی جدوجہدمیں نہایت محترم اورمقدس دن ہے لیکن بعض عناصریوم شہداء کوبھی متنازعہ بنانے کی کوشش کررہے ہیں ۔ اپنے ایک بیان میں ندیم نصرت نے کہاکہ 9 دسمبرتحریک کے شہیدوں کوخراج عقیدت پیش کرنے کادن ہے اورہرسال ایم کیوایم کے زیراہتمام نہایت عقیدت واحترام کے ساتھ یوم شہدا منایاجاتاہے لیکن اس مرتبہ حالات کے جبرکے باعث ہم نے 17نومبر کو لندن میں منعقدہ اپنی پریس کانفرنس میں یوم شہداء عوامی سطح پر منانے کااعلان کیااورعوام سے اپیل کی کہ وہ 9دسمبرکوجناح گراؤنڈعزیزآباد میں واقع شہداکی یادگاراورشہداقبرستان جاکر پھول چڑھائیں ، شہداء کوخراج عقیدت پیش کریں،اپنے طورپرقرآن خوانی اورفاتحہ خوانی کریں ۔لیکن ہمارے اعلان کے بعد ایک گروہ کی جانب سے اب 9، دسمبرکوہی جناح گراؤنڈ عزیزآباد میں عوامی اجتماع منعقد کرنے کی درخواست جمع کرائی گئی ہے ۔ انہوں نے کہاکہ ہم سمجھتے ہیں کہ یوم شہداء کے روزہی جناح گراؤنڈمیں سیاسی اجتماع منعقد کرنے کی درخواست دیناعوامی سطح پرمنائے جانے والے یوم شہداء کوسبوتاژ کرنے کی کوشش ہے ۔ ندیم نصرت نے کہا کہ یوم شہداء تحریک کے انہی ہزاروں شہیدوں کادن ہے جنہوں نے قائدتحریک الطاف حسین کی قیادت میں مہاجروں اور تمام مظلوموں کے حقوق کی جدوجہدمیں اپنی جانوں کانذرانہ پیش کیا، ایم کیوایم کی تمام ترکامیابیاں انہی شہیدوں کی قربانیوں کی بدولت ہیں اوران ہزاروں باوفا شہیدوں میں قائدتحریک الطاف حسین کے بڑے بھائی ناصرحسین اوربھتیجے عارف حسین بھی شامل ہیں، قائدتحریک الطاف حسین ہی ان ہزاروں شہیدوں کے اصل وارث ہیں لیکن جولوگ قائدتحریک الطاف حسین سے ہی لاتعلقی اختیارکرچکے ہوں، جو شہداء کے لہو کا سودا کرچکے ہوں،حتیٰ کہ تحریک کے ان شہیدوں کو شہید کہنے کے بجائے ’’ مرنے والے ‘‘ اور ’’ ہلاک ہونے والے ‘‘ کہہ کر شہیدوں کی توہین کریں ،شہداء کے لواحقین اورحق پرست عوام کے جذبات مجروح کریں وہ کس منہ سے یوم شہداکی بات کرسکتے ہیں؟ ندیم نصرت نے کہاکہ یوم شہداء نہ صرف شہیدوں کے لواحقین بلکہ تحریک کے ہر سچے کارکن اور ہرحق پرست کیلئے تقدس واحترام کادن ہے ، قائد تحریک الطاف حسین کے چاہنے والے حق پرست عوام یوم شہداء کوسبوتاژہونے نہیں دیں گے اور اپنے شہداء کا دن نہ صرف انتہائی عقیدت واحترام سے منائیں گے بلکہ یادگارشہدائے حق اور شہداء قبرستان پر حاضری دے کر شہیدوں کو خراج عقیدت پیش کریں گے ۔
*****
6/24/2025 6:04:03 AM