کارکنان وعوام9، دسمبرکو یوم شہداء انتہائی عقیدت واحترام سے منائیں، قائد تحریک الطاف حسین

Posted on: 11/23/2016

کارکنان وعوام9، دسمبرکو یوم شہداء انتہائی عقیدت واحترام سے منائیں، قائد تحریک الطاف حسین
شہداء کے ایصال ثواب کیلئے عوامی سطح پر قرآن خوانی وفاتحہ خوانی کے اجتماعات منعقد کریں، الطاف حسین
یوم شہداء کے موقع پر یادگارشہدائے حق اور شہداء قبرستان پر حاضری دیکر شہداء کو زبردست خراج عقیدت پیش کریں، الطاف حسین
جوقومیں اپنے شہداء کی قربانیوں کو فراموش کردیں انہیں زمانہ فراموش کردیتا ہے، الطاف حسین
ایم کیوایم کی تاریخ ،حق پرست شہداء کی لازوال قربانیوں سے عبارت ہے ، الطاف حسین
حق پرست شہداء نہ صرف میرا فخر ہیں بلکہ میرا غرور بھی ہیں ، الطاف حسین
جب تک میرے جسم میں آخری سانس باقی ہے شہداء کی قربانیوں کو رائیگاں نہیں جانے دوں گا، الطا ف حسین

متحدہ قومی موومنٹ کے قائد جناب الطاف حسین نے حق پرست کارکنان وعوام سے پرزوراپیل کی ہے کہ وہ 9، دسمبرکو یوم شہداء انتہائی عقیدت واحترام سے منائیں اور شہداء کے ایصال ثواب کیلئے عوامی سطح پر قرآن خوانی وفاتحہ خوانی کے اجتماعات منعقد کریں ۔ ایک بیان میں جناب الطاف حسین نے حق پرست شہداء کو زبردست خراج عقیدت پیش کرتے ہوئے کہا کہ جوقومیں اپنے شہداء کی قربانیوں کو فراموش کردیں انہیں زمانہ فراموش کردیتا ہے ۔ایم کیوایم کی تاریخ ،حق پرست شہداء کی لازوال قربانیوں سے عبارت ہے ، حق پرست شہداء نے ایک سچے نظریہ کی بقاء اور آنے والی نسلوں کے بہتر مستقبل کیلئے اپنی جانوں کے نذرانے پیش کیے ، باطل پرست استحصالی قوتوں کے سامنے جھکنے اور بکنے کے بجائے اپنے مقدس لہو کی قربانی دی اورآخری سانس تک تحریک اورنظریہ سے وفانبھائی، حق پرست شہداء کی لازوال قربانیوں کی بدولت ہی ایم کیوایم کو آج نہ صرف پاکستان بلکہ دنیا بھر میں جانا پہچانا جاتا ہے اور آج منتخب ایوانوں کی رکنیت بھی حق پرست شہداء کی قربانیوں کی مرہون منت ہے ۔ جناب الطاف حسین نے کہاکہ ایم کیوایم کے مخلص اور وفادارکارکنوں نے ہمیشہ حق پرست شہداء کو یادرکھا ہے اور اپنی بساط کے مطابق شہداء کے لواحقین کی خبرگیری کی ہے کیونکہ نیک مشن ومقصد کیلئے اپنی جانوں کے نذرانے پیش کرنے والے حق پرست شہداء نہ صرف میرا فخر ہیں بلکہ میرا غرور بھی ہیں اورشہداء کی لازوال قربانیاں ہمیشہ یاد رکھی جائیں گی ۔انہوں نے کہاکہ جب تک میرے جسم میں آخری سانس باقی ہے میں ، حق پرست شہداء کی قربانیوں کو رائیگاں نہیں جانے دوں گااورجس مشن ومقصد کیلئے شہداء نے اپنی جانوں کے نذرانے پیش کیے ہیں اس مشن ومقصد کے حصول کی جدوجہد جاری رکھوں گا۔ جناب الطاف حسین نے کراچی سمیت سندھ بھرکے حق پرست کارکنان وعوام سے پرزوراپیل کی کہ وہ 9، دسمبرکو یوم شہداء انتہائی عقیدت واحترام سے منائیں اور شہداء کے ایصال ثواب کیلئے عوامی سطح پر قرآن خوانی وفاتحہ خوانی کے اجتماعات منعقد کریں، یوم شہداء کے موقع پر یادگارشہدائے حق عزیزآباد اور شہداء قبرستان پر حاضری دیکر شہداء کو زبردست خراج عقیدت پیش کریں ۔

*****

6/15/2026 8:10:46 PM

ایم کیو ایم آسٹریلیا، میلبرن یونٹ میں اے پی ایم ایس او کا 48واں یومِ ... 13 Jun 2026	کشمیرمیں فوج کشی فی الفوربند کی جائے، یہ کشمیر کے لئے بہترہے اور پاکس... 13 Jun 2026
ایم کیو ایم ہیوسٹن چیپٹر کے زیرِ اہتمام اے پی ایم ایس او کا 48واں یوم... 12 Jun 2026	سینئر صحافی،یوٹیوبراوروی لاگرصابر علی کو ایم کیوایم کے بانی وقائدالطا... 12 Jun 2026
ایم کیوایم لیگل ایڈ کمیٹی کے سینئررکن ادریس علوی ایڈوکیٹ، سلمان ایڈو... 12 Jun 2026	فیلڈ مارشل جنرل عاصم منیر صاحب سے الطاف حسین کا مطالبہ ... 11 Jun 2026
پاکستان ٹائمزنیوز کے دفترکوایم کیوایم کادفتر قراردینا قطعی غلط اورحقا... 11 Jun 2026	ہزاروں نوجوانوں اور طلبہ و طالبات نے اے پی ایم ایس اوکی رکنیت حاصل ک... 11 Jun 2026
اے پی ایم ایس او ……کیا ہے! ... 11 Jun 2026	میں پاکستان کے تمام سیکٹروں، زونوں، اوورسیزیونٹوں میں موجود تحریکی سات... 11 Jun 2026