ایم کیوایم کے کارکنان کے خلاف بلوے کی جھوٹی ایف آئی آر کا اندراج قابل مذمت ہے ندیم نصرت کنوینرمتحدہ قومی موومنٹ

Posted on: 11/16/2016

ایم کیوایم کے کارکنان کے خلاف بلوے کی جھوٹی ایف آئی آر کا اندراج قابل مذمت ہے
ندیم نصرت کنوینرمتحدہ قومی موومنٹ
کارکنان عزیزآباد میں واقع یادگار شہدائے حق پر جمع ہوکرجمہوری انداز میں نعرے لگارہے تھے ، ندیم نصرت
پرامن کارکنان نہ تو کسی قسم کی اشتعال انگیزی کررہے تھے اور نہ ہی کسی گاڑی کو روک رہے تھے ، ندیم نصرت
پولیس نے محض نعرے لگانے کی پاداش میں کارکنان کو گرفتارکرکے ان پر بلوے کے مقدمات بھی قائم کردیئے، ندیم نصرت
ایم کیوایم کے تمام کارکنان پر قائم جھوٹے مقدمات فی الفور ختم کیے جائیں اور انہیں فوری رہا کیاجائے، ندیم نصرت

متحدہ قومی موومنٹ کے کنوینر ندیم نصرت نے ایم کیوایم کے کارکنان کے خلاف بلوے کی جھوٹی ایف آئی آر کے اندراج کی سخت ترین الفاظ میں مذمت کی ہے اور مطالبہ کیا ہے کہ بے گناہ کارکنان کو فی الفور رہا کیاجائے ۔ ایک بیان میں ندیم نصرت نے کہاکہ آج ایم کیوایم کے کارکنان نے عزیزآباد میں واقع یادگار شہدائے حق پر جمع ہوکرجمہوری انداز میں نعرے لگائے اورپرامن رہتے ہوئے اپنے جوش وخروش کا اظہارکیا ۔ یہ پرامن کارکنان نہ تو کسی قسم کی اشتعال انگیزی کررہے تھے اور نہ ہی کسی گاڑی کو روک رہے تھے لیکن پولیس کی جانب سے محض نعرے لگانے کی پاداش میں نہ صرف ایم کیوایم کے کارکنان پر لاٹھی چارج کیاگیا بلکہ متعدد کارکنان کو گرفتارکرکے ان پر بلوے کے مقدمات بھی قائم کردیئے گئے۔ انہوں نے کہاکہ پرامن احتجاج کرنا اور نعرے لگانا ہرپاکستانی شہری کا آئینی ، قانونی اورجمہوری حق ہے لیکن مہاجردشمنی میں ایم کیوایم کے کارکنان وعوام کو انکے بنیادی حق سے بھی محروم کیاجارہا ہے اور پرامن رہتے ہوئے جمہوری حق استعمال کرنے والے ایم کیوایم کے سات کارکنان کوجھوٹی ایف آئی آر میں ملوث کرکے انہیں پابند سلاسل کردیا جس کی جتنی بھی مذمت کی جائے کم ہے ۔ندیم نصرت نے وزیراعلیٰ سندھ مراد علی شاہ سے مطالبہ کیاکہ ایم کیوایم کے تمام کارکنان پر قائم جھوٹے مقدمات فی الفور ختم کیے جائیں اور انہیں فوری رہا کیاجائے ۔

*****

2/25/2020 6:13:05 PM

سندھ کاغیرت مند بچہ بچہ پنجاب سامراج کی غلامی سے آزادی چاہتاہے ۔ الطا... 18 Feb 2020	جئے سندھ تحریک کے جلاوطن سربراہ ڈاکٹرصفدر سرکی کی لندن میں ایم کیوایم ... 17 Feb 2020
سائیں جی ایم سید مرحوم کی 116ویں سالگرہ پر ایم کیوایم کے بانی وقائد ... 16 Jan 2020	سائیں جی ایم سید کی فکر کے مطابق پنجاب کے سامراج سے نجات میں ہی سندھ ک... 16 Jan 2020
پاکستان اور مختلف ممالک میں شہیدوفاپروفیسرڈاکٹرحسن ظفرعارف شہید کی د... 14 Jan 2020	سقراط نے اپنے وقت کے جاہلوںکے ہاتھوںزہرکاپیالہ پیاتھاجبکہ پروفیسر ڈاک... 14 Jan 2020
پاکستان اور مختلف ممالک میں شہیدوفاپروفیسرڈاکٹرحسن ظفرعارف شہید کی دو... 14 Jan 2020	شہیدوفاپروفیسرڈاکٹرحسن ظفرعارف شہید کی برسی پر سخی حسن قبرستان جاکرشہ... 13 Jan 2020
شہیدوفاپروفیسرڈاکٹرحسن ظفرعارف شہید کی دوسری برسی کے موقع پر ایم کیوای... 13 Jan 2020	وفاپرست عوام 17جنوری کو سندھ کے بزرگ سیاستداں ، دانشور، تاریخ داں ... 13 Jan 2020