ایم کیوایم کی رابطہ کمیٹی کے ارکان پروفیسرحسن ظفرعارف اورکنورخالدیونس کی گرفتاری کھلاظلم ہے۔کنوینرندیم نصرت

Posted on: 10/22/2016

ایم کیوایم کی رابطہ کمیٹی کے ارکان پروفیسرحسن ظفرعارف اورکنورخالدیونس کی گرفتاری کھلاظلم ہے۔کنوینرندیم نصرت
کالعدم تنظیمیں کھلے عام اپنی سرگرمیاں کررہی ہیں، پی ٹی آئی کی جانب سے اسلام آبادکوبندکرنے کااعلان کیاگیاہے لیکن اس
کی راہ میں کوئی رکاوٹ نہیں ہے
ایم کیو ایم جوایک قانونی جماعت ہے اس کواس کی پرامن سیاسی سرگرمیاں انجام دینے تک کی اجازت نہیں دی جارہی ہے
ایم کیوایم کی رابطہ کمیٹی کے ارکان کو اپنے شہیدوں کی یادگار پر حاظری دینے سے روکاجارہاہے حتیٰ کہ انہیں پریس کانفرنس تک کرنے کی اجازت نہیں دی جارہی ہے،ریاستی طاقت کے ذریعے ایم کیوایم کوختم کرنے کی کوشش کی جارہی ہے۔ندیم نصرت
پروفیسرحسن ظفر ایک سینئر پروفیسر ہیں ، کنورخالدیونس تین مرتبہ رکن اسمبلی رہ ہوچکے ہیں ، انہیں کسی قانونی جوازکے بغیر گرفتار کرکیا گیا ہے
پیپلزپارٹی جمہوریت کی علمبرداربنتی ہے اسکی سندھ حکومت کے دورمیں ایک بارپھر ایم کیوایم کی جمہوری اورسیاسی آزادیوں کوسلب کیاجارہاہے ۔ ندیم نصرت
آپریشن صرف ایم کیوایم کوکچلنے کیلئے کیاجارہاہے اورایم کیوایم کودیوارسے لگایاجارہاہے۔ندیم نصرت
پروفیسرحسن ظفرعارف اورکنورخالدیونس کوفی الفور رہا کیاجائے ، ایم کیوایم کے رہنماؤں اورکارکنوں کی گرفتاریوں کاسلسلہ بندکیاجائے ،
ایم کیوایم کے خلاف ریاستی طاقت کااستعمال بند کیاجائے ۔ انسانی حقوق کی تنظیمیں اس ظلم پر صدائے احتجاج بلندکریں۔ندیم نصرت

متحدہ قومی موومنٹ کی رابطہ کمیٹی کے کنوینرندیم نصرت نے رینجرزکی جانب سے ایم کیوایم کی رابطہ کمیٹی کے ارکان پروفیسرحسن ظفرعارف اورکنورخالدیونس کی گرفتاری کی شدیدالفاظ میں مذمت کی ہے اوراسے کھلاظلم قراردیاہے۔اپنے ایک بیان میں ندیم نصرت نے کہاکہ رابطہ کمیٹی کے ارکان آج کچھ وکلاء کی ایم کیوایم میں شمولیت کے حوالے سے کراچی پریس کلب میں پریس کانفرنس کرناچاہتے تھے لیکن آج جب پروفیسرحسن ظفرعارف اورکنورخالدیونس پریس کانفرنس کے سلسلے میں پریس کلب پہنچے تو رینجرزنے انہیں وہاں سے گرفتارکرلیا۔ندیم نصرت نے پروفیسرحسن ظفرعارف اورکنورخالدیونس کی گرفتاری کی شدیدالفاظ میں مذمت کرتے ہوئے کہاکہ کالعدم تنظیمیں توکراچی سمیت ملک بھرمیں کھلے عام اپنی سرگرمیاں کررہی ہیں، پی ٹی آئی کی جانب سے ملک کے دارالحکومت اسلام آبادکوبندکرنے کااعلان کیاگیاہے،اس کے سربراہ عمران خان اوردیگررہنماؤں کی جانب سے اسلام آبادبندکرنے کیلئے دھمکی آمیز اعلانات کئے جارہے ہیں حکومت لیکن ان کی راہ میں کوئی رکاوٹ نہیں ہے لیکن ایم کیو ایم جوایک قانونی جماعت ہے اس کواس کی پرامن سیاسی سرگرمیاں انجام دینے تک کی اجازت نہیں دی جارہی ہے ، ایم کیوایم کی رابطہ کمیٹی کے ارکان کو اپنے شہیدوں کی یادگار پر حاظری دینے سے روکاجارہاہے حتیٰ کہ انہیں پریس کانفرنس تک کرنے کی اجازت نہیں دی جارہی ہے،ریاستی طاقت کے ذریعے ایم کیوایم کوختم کرنے کی کوشش کی جارہی ہے۔ندیم نصرت نے کہا کہ پروفیسرحسن ظفر ایک سینئر پروفیسراورڈاکٹر ہیں ،جبکہ کنورخالدیونس جوتین مرتبہ قومی اسمبلی کے رکن منتخب ہوچکے ہیں اوران پر کسی قسم کا کوئی مقدمہ نہیں ہے ، انہیں کسی قانونی جوازکے بغیر گرفتار کرلیا گیا ہے ،یہ سراسر ظلم ہے ، ہم اس ظلم کی شدید الفاظ میں مذمت کرتے ہیں،یہ انسانی حقوق کی کھلی خلاف ورذی ہے ۔ ندیم نصرت نے کہاکہ پروفیسرحسن ظفرعارف اورکنورخالدیونس کی طبیعت ناساز ہیں اوروہ باقاعدگی سے دوائیاں لیتے ہیں۔ندیم نصرت نے کہاکہ پیپلزپارٹی جوجمہوریت کی علمبرداربنتی ہے اس کی سندھ حکومت کے دورمیں ایک بارپھر ایم کیوایم کی جمہوری اورسیاسی آزادیوں کوسلب کیاجارہاہے اور طاقت کے ذریعے اس کوکچلنے کاعمل کیاجارہاہے۔ ندیم نصرت نے کہاکہ پروفیسرحسن ظفر عارف اورکنورخالدیونس کی گرفتاری سے ایک بارپھر ثابت ہوگیا ہے کہ آپریشن صرف ایم کیوایم کوکچلنے کیلئے کیاجارہاہے اورایم کیوایم کودیوارسے لگایاجارہاہے۔ندیم نصرت نے وزیراعظم نوازشریف، چیف آف آرمی اسٹاف جنرل راحیل شریف سے مطالبہ کیاکہ پروفیسرحسن ظفرعارف اورکنورخالدیونس کوفی الفور رہا کیاجائے ، ایم کیوایم کے رہنماؤں اورکارکنوں کی گرفتاریوں کاسلسلہ بندکیاجائے ، ایم کیو ایم کے خلاف ریاستی طاقت کااستعمال بند کیاجائے ۔ندیم نصرت نے انسانی حقوق کی تنظیموں سے بھی اپیل کی کہ وہ اس ظلم کے خلاف صدائے احتجاج بلندکریں۔

*****

1/17/2020 8:07:51 AM

سائیں جی ایم سید مرحوم کی 116ویں سالگرہ پر ایم کیوایم کے بانی وقائد ... 16 Jan 2020	پاکستان اور مختلف ممالک میں شہیدوفاپروفیسرڈاکٹرحسن ظفرعارف شہید کی دو... 14 Jan 2020
شہیدوفاپروفیسرڈاکٹرحسن ظفرعارف شہید کی برسی پر سخی حسن قبرستان جاکرشہ... 13 Jan 2020	شہیدوفاپروفیسرڈاکٹرحسن ظفرعارف شہید کی دوسری برسی کے موقع پر ایم کیوای... 13 Jan 2020
وفاپرست عوام 17جنوری کو سندھ کے بزرگ سیاستداں ، دانشور، تاریخ داں ... 13 Jan 2020	آزاد سندھ ہی سندھیوں اورمہاجروں کے مسائل کادائمی اورمستقل حل ہے ۔الط... 06 Jan 2020
پاکستان پنجابستان بن چکاہے ، اب کسی بھی مظلوم قوم کا پنجابستان کے سات... 04 Jan 2020	تمام مظلوم قومیں نئے سال کی آمد پر ''فوجستان '' کی غلامی سے نجات ، ا... 31 Dec 2019
27دسمبر 2007کو آگ اورخون کی ہولی ایک طے شدہ سازش کاحصہ تھاجس میں آصف ... 29 Dec 2019	قائد تحریک الطاف حسین کی رہائش گاہ پرتواتر کے ساتھ مشکوک سرگرمیوں کا س... 27 Dec 2019