Home  Altaf Hussain  English News  Urdu News  Sindhi News  Photo Gallery
International Media Inquiries
+44 20 3371 1290
+1 909 273 6068
[email protected]
 
 Events  Blogs  Fikri Nishist  Study Circle  Songs  Videos Gallery
 Manifesto 2013  Philosophy  Poetry  Online Units  Media Corner  RAIDS/ARRESTS
 About MQM  Social Media  Pakistan Maps  Education  Links  Poll
 Web TV  Feedback  KKF  Contact Us        

ریاستی طاقت کے ذریعہ کراچی پر قبضہ کرنے کا خواب دیکھنے والے احمقوں کی جنت میں رہتے ہیں امجداللہ خان


ریاستی طاقت کے ذریعہ کراچی پر قبضہ کرنے کا خواب دیکھنے والے احمقوں کی جنت میں رہتے ہیں امجداللہ خان
 Posted on: 10/16/2016
ریاستی طاقت کے ذریعہ کراچی پر قبضہ کرنے کا خواب دیکھنے والے احمقوں کی جنت میں رہتے ہیں امجداللہ خان
بلاول بھٹو ریاستی طاقت کے بل پر کراچی پر قبضہ کرنے کا خواب دیکھنا بند کردیں، امجداللہ خان 
کراچی کے عوام قائد تحریک جناب الطاف حسین کی قیادت میں آج بھی متحد ہیں، امجداللہ خان
پیپلزپارٹی اپنے قیام سے لیکر آج کے دن تک کراچی میں تین سے زیادہ نشستیں حاصل نہیں کرسکی ، امجداللہ خان
متعصبانہ طرز عمل کے باعث کراچی کے عوام ہرعام انتخابات میں پیپلزپارٹی کو مسترد کرتے چلے آرہے ہیں، امجداللہ خان
ملک کے جیالوں کوکراچی میں جمع کرکے ایم کیوایم کے جمہوری مینڈیٹ پر ڈاکہ نہیں ڈالاجاسکتا، امجداللہ خان
بلاول بھٹو کو یادرکھنا چاہیے کہ کل انکے پاس یہ اقتدار نہ رہا تووہ لیاری میں بھی ایک کارنرمیٹنگ کیلئے ترس جائیں گے، امجداللہ خان
پیپلزپارٹی کی سنجیدہ قیادت کو مشورہ دیا کہ وہ اپنے چیئرمین کو خدائی دعوے کرنے سے بازرکھے، امجداللہ خان

متحدہ قومی موومنٹ کی رابطہ کمیٹی کے رکن امجداللہ خان نے کہاہے کہ ریاستی طاقت کے ذریعہ کراچی پر قبضہ کرنے کا خواب دیکھنے والے احمقوں کی جنت میں رہتے ہیں ۔ ایک بیان میں انہوں نے پیپلزپارٹی کے چیئرمین بلاول بھٹو زرداری کی جانب سے ایم کیوایم مخالف بیان پرتبصرہ کرتے ہوئے کہاکہ بلاول بھٹو زرداری آج اقتدار کی طاقت کی بنیادپر بلندوبانگ دعوے کررہے ہیں ، اس قسم کے خدائی دعوے ماضی میں بھی کیے جاتے رہے ہیں، دعوے کرنے والے خودتو مٹ گئے لیکن بدترین ریاستی مظالم ، ماورائے عدالت قتل ، غیرقانونی چھاپوں اورقیدوبند کی صعوبتوں کے لامتناہی سلسلے کے باوجود اللہ تعالیٰ کے فضل وکرم سے کراچی کے عوام قائد تحریک جناب الطاف حسین کی قیادت میں آج بھی متحد ہیں اور آئندہ شفاف اور غیرجانبدارانتخابات میں بھی کراچی کے عوام اپنے جمہوری عمل سے ثابت کردیں گے کہ کراچی ، قائدتحریک جناب الطاف حسین کے چاہنے والوں کا شہر تھا اور ہمیشہ رہے گا۔ امجداللہ خان نے کہاکہ پوری دنیا جانتی ہے کہ پیپلزپارٹی اپنے قیام سے لیکر آج کے دن تک کراچی میں تین سے زیادہ نشستیں حاصل نہیں کرسکی ہے اور پیپلزپارٹی کے ادوارحکومت میں متعصبانہ اورظالمانہ طرز عمل کے باعث کراچی کے عوام ہرعام انتخابات میں اس جماعت کو مسترد کرتے چلے آرہے ہیں۔ انہوں نے مزید کہاکہ ملک بھرکے باشعور عوام اس حقیقت سے بخوبی واقف ہیں کہ لسانی بل اور کوٹہ سسٹم کے ذریعہ سندھ میں دیہی اور شہری آبادی کی تفریق کس نے پیدا کی ، سندھ کے شہری عوام کے آئینی ، قانونی اور انسانی حقوق کس نے سلب کیے اورمہاجروں کے ساتھ زندگی کے ہرشعبہ میں ناانصافیوں کا عمل کون کررہا ہے۔انہوں نے کہاکہ ایم کیوایم کے ہاتھ پیرباندھ کر اور اس کے کارکنان وعوام کو بدترین ریاستی دہشت گردی کا نشانہ بناکرخدائی دعوے کرنے والوں کو یادرکھنا چاہیے کہ کل انکے پاس یہ اقتدار نہ رہا تو پیپلزپارٹی ، کراچی تو کجا لیاری میں بھی ایک کارنرمیٹنگ کیلئے ترس جائے گی ۔انہوں نے کہاکہ اگر بلاول بھٹو زرداری یہ سمجھ رہے ہیں کہ وہ ملک سمیت سندھ بھر کے جیالوں کوکراچی میں جمع کرکے اورشہداء ریلی کے نام پر ناچ گانا اوربھنگڑے ڈال کر ایم کیوایم کے جمہوری مینڈیٹ پر ڈاکہ ڈال سکتے ہیں تو یہ ان کی سب سے بڑی بھول ہے اور بلاول بھٹو کو یاد رکھناچاہیے کہ سیاست میں نشیب وفراز آتے رہتے ہیں لہٰذاانہیں سیاسی بلوغت کا مظاہرہ کرنا چاہیے، ایم کیوایم اورمہاجردشمنی میں اتنا آگے نہیں جاناچاہیے کہ واپسی کا راستہ نہ ملے ۔ امجداللہ خان نے پیپلزپارٹی کی سنجیدہ قیادت کو مشورہ دیا کہ وہ اپنے چیئرمین کو خدائی دعوے کرنے سے بازرکھے اورریاستی طاقت کے بل پرکراچی کو فتح کرنے کاخواب دیکھنا بند کردیں۔
*****
8/12/2026 1:35:29 PM