Home  Altaf Hussain  English News  Urdu News  Sindhi News  Photo Gallery
International Media Inquiries
+44 20 3371 1290
+1 909 273 6068
[email protected]
 
 Events  Blogs  Fikri Nishist  Study Circle  Songs  Videos Gallery
 Manifesto 2013  Philosophy  Poetry  Online Units  Media Corner  RAIDS/ARRESTS
 About MQM  Social Media  Pakistan Maps  Education  Links  Poll
 Web TV  Feedback  KKF  Contact Us        

میدان کربلا میں حضرت امام حسین ؑ کاعمل وکردار دنیا بھر کے حق پرستوں کیلئے مشعل راہ ہے، بانی وقائد الطاف حسین


میدان کربلا میں حضرت امام حسین ؑ کاعمل وکردار دنیا بھر کے حق پرستوں کیلئے مشعل راہ ہے، بانی وقائد الطاف حسین
 Posted on: 10/11/2016
حضرت امام حسین ؑ ؑ نے باطل پرست یزیدی قوتوں کے سامنے سرجھکانا ہرگز گوارا نہیں کیا، الطاف حسین
چودہ سو سال گزرجانے کے باوجود حضرت امام حسین ؑ اور دیگرمعصومین کربلا کا نام عقیدت واحترام سے لیاجاتا ہے، الطاف حسین
میں حسینیت ؑ کا ماننے والا ہوں اوراپنی آخری سانس تک باطل پرست قوتوں کے خلاف جدوجہد کرتا رہوں گا، الطاف حسین
عوام، مثالی اتحاد کامظاہرہ کرکے فرقہ وارانہ تفریق پیداکرنے کی ہرسازش کو ناکام بنادیں، الطاف حسین
یوم عاشور کے موقع پر بانی وقائد متحدہ قومی موومنٹ الطاف حسین کا بیان

متحدہ قومی موومنٹ کے قائد جناب الطاف حسین نے کہاہے کہ میدان کربلا میں نواسہ رسول ؐ امام عالی مقام حضرت امام حسین ؑ کاعمل وکردار دنیا بھر کے حق پرستوں کیلئے مشعل راہ ہے ۔ یوم عاشور پر اپنے خصوصی بیان میں جناب الطاف حسین نے کہاکہ حضرت امام حسین ؑ ؑ نے میدان کربلا میں اپنی اور اپنے خاندان کی قربانی دیدی لیکن باطل پرست یزیدی قوتوں کے سامنے سرجھکانا ہرگز گوارا نہیں کیا۔ کربلا کے میدان میں خاندان اہل بیتؑ نے کرب وبلا کے اذیت ناک لمحات کاسامنا کرتے ہوئے صبرورضااور ایثاروقربانی کی لازوال مثالیں قائم کیں ۔ جناب الطاف حسین نے کہاکہ آج چودہ سو سال گزرجانے کے باوجود حضرت امام حسین ؑ اور دیگرمعصومین کربلا کا نام عقیدت واحترام سے لیاجاتا ہے جبکہ آج کوئی یزیدکا نام لیوا بھی نہیں ہے اوریزید کا نام عبرت اورلعنت کے طورپر لیاجاتاہے۔جناب الطاف حسین نے کہاکہ دنیا میں صرف دوطبقہ ہیں ایک حسینیت ؑ کے ماننے والا حق پرست طبقہ ہے اور دوسرا یزیدیت کو ماننے والا باطل پرست ہے اورمیں حسینیت ؑ کا ماننے والا ہوں اوراپنی آخری سانس تک باطل پرست قوتوں کے خلاف جدوجہد کرتا رہوں گا۔جناب الطاف حسین نے تمام مکاتب فکر کے علمائے کرام اور عوام سے اپیل کی کہ وہ فرقہ وارانہ ہم آہنگی اوربھائی چارے کی فضا قائم رکھیں اورمثالی اتحاد کامظاہرہ کرتے ہوئے فرقہ وارانہ تفریق پیداکرنے کی ہرسازش کو ناکام بنادیں۔

*****
7/22/2026 9:36:40 PM