قائد تحریک الطاف حسین سے لاتعلقی کا اظہار کرنے والے اپنے معافی نامے جمع کراکربانی تحریک سے آ ملیں، ندیم نصرت

Posted on: 10/1/2016

ایم کیوایم کے تمام رہنماؤں ، منتخب ارکان سینیٹ ، قومی وصوبائی اسمبلی ، ذمہ داران اورکارکنان سے کنوینر ایم کیوایم کی آخری مرتبہ یہ اپیل
اپنی غلطیوں کی اصلاح کرلیں اور قائد تحریک الطاف حسین کے قافلے میں واپس آجائیں، ندیم نصرت
جو بھی اپنی اصلاح کا زرہ برابر بھی ارادہ رکھتا ہے وہ ایسی جگہوں پر ہرگزحاضریاں لگانے سے گریز کرے جہاں
قائد تحریک الطاف حسین کے خلاف باتیں کی جاتی ہیں، ندیم نصرت
مجھے یا لندن میں رابطہ کمیٹی کے دیگر وفادار اراکین کو اپنے پیغام اور خیالات سے ضرور آگاہ کریں، ندیم نصرت

متحدہ قومی موومنٹ کی رابطہ کمیٹی کنوینر ندیم نصرت نے کہاہے کہ قائد تحریک جناب الطاف حسین سے لاتعلقی کا اظہار کرنے والے اپنے معافی نامے جمع کراکر بانی تحریک جناب الطاف حسین سے آملیں ۔ ایک بیان میں ندیم نصرت نے کہاکہ میں، ایم کیوایم کے کارکنوں کے منتخب کردہ اور قائد تحریک جناب الطاف حسین کے توثیق یافتہ کنوینر کی حیثیت سے تمام رہنماؤں ، منتخب ارکان سینیٹ ، قومی وصوبائی اسمبلی ، ذمہ داران اورکارکنان سے آخری مرتبہ یہ اپیل کررہا ہوں کہ وہ اپنی غلطیوں کی اصلاح کرلیں اور قائد تحریک جناب الطاف حسین کے قافلے میں واپس آجائیں ۔انہوں نے کہاکہ کسی بھی وجہ سے قائد تحریک جناب الطاف حسین سے لاتعلقی کے اظہار پر شرمندہ ہونے والے اپنے معافی نامے جمع کراکر بانی تحریک جناب الطاف حسین سے آملیں اور اسٹیبلشمنٹ کے خوف ،جبراور دھونس ودھمکی کا شکار ہوکر ایسی تحریک سے خود کو علیحدہ نہ کریں جس میں مہاجرقوم کی ماں ، بہن ، بیٹیوں ، بزرگوں اور 20 ہزار سے زائد شہداء کی قربانیاں شامل ہیں۔ انہوں نے کہاکہ بحیثیت کنوینر ،قائد تحریک جناب الطاف حسین کی جو تعلیمات میں نے سنیں اور سمجھیں اس کے مطابق میرا فرض ہے کہ میں ایک ایک ساتھی تک یہ تمام باتیں پہنچاؤں تاکہ جو بھی اپنی اصلاح کا زرہ برابر بھی ارادہ رکھتا ہو وہ تحریک کے خلاف عمل کرنے والوں کا حصہ بن کر اپنی عاقبت ہرگز خراب نہ کرے اورایسی جگہوں پرحاضریاں لگانے سے گریز کرے جہاں قائد تحریک جناب الطاف حسین کے خلاف باتیں کی جاتی ہیں ۔ ندیم نصرت نے تمام رہنماؤں ، منتخب نمائندگان ،ذمہ داران اورکارکنان سے کہاکہ وہ محفوظ طریقہ اختیارکرکے مجھے یا لندن میں رابطہ کمیٹی کے دیگر وفادار اراکین کوجو رات دن یہاں کام کررہے ہیں، اپنے پیغام اور خیالات سے ضرور آگاہ کریں۔

*****

12/9/2025 7:08:14 AM

ایم کیوایم کے بانی وقائد جناب الطاف حسین نے پاکستان کی تیزی سےبدلتی ہ... 03 Dec 2025	اس سال میں بہت کچھ ہواہے اورمیں کہہ رہا ہوں کہ مستقبل قریب میں بھی بہت... 03 Dec 2025
ایم کیوایم کی کوآرڈی نیشن کمیٹی کے ارکان کا معصوم ابراہیم کے سوگوارلوا... 02 Dec 2025	متحدہ قومی موومنٹ کے سینئرارکان مطلوب زیدی ، یوسف سعید اورکاشف زیدی کو... 02 Dec 2025
1973ء کاآئین مکمل طورپر مسخ کیاجاچکاہے،کیااب اس بات کی ضرورت نہیں ہے ک... 02 Dec 2025	وزیراعلیٰ سندھ کو معلوم ہوناچاہیے کہ برصغیرکی تقسیم سے قبل سندھ بمبئی ... 02 Dec 2025
پیپلزپارٹی کی کراچی دشمن پالیسیوں کی وجہ سے کراچی کو علیحدہ صوبہ بنانے... 01 Dec 2025	کراچی میں نیپاچورنگی کے علاقے میں کھلے مین ہول میں تین سالہ بچے ابراہی... 01 Dec 2025
فوج کے جرنیلوں اور کورکمانڈروں سے درخواست ہےکہ سندھ سیکریٹریٹ کادورہ ک... 30 Nov 2025	انڈین ٹی وی چینل کو انٹرویو د ینے سےمحترمہ نورین نیازی غدار اورملک د... 30 Nov 2025