Home  Altaf Hussain  English News  Urdu News  Sindhi News  Photo Gallery
International Media Inquiries
+44 20 3371 1290
+1 909 273 6068
[email protected]
 
 Events  Blogs  Fikri Nishist  Study Circle  Songs  Videos Gallery
 Manifesto 2013  Philosophy  Poetry  Online Units  Media Corner  RAIDS/ARRESTS
 About MQM  Social Media  Pakistan Maps  Education  Links  Poll
 Web TV  Feedback  KKF  Contact Us        

سانحہ 30 ستمبر حیدرآباد کے شہداء کی قربانیاں ناقابل فراموش ہیں، بانی وقائد الطاف حسین


سانحہ 30 ستمبر حیدرآباد کے شہداء کی قربانیاں ناقابل فراموش ہیں، بانی وقائد الطاف حسین
 Posted on: 9/29/2016
30 ستمبر، پاکستان کی تاریخ میں ایک سیاہ دن کی حیثیت سے یادرکھا جائے گا، الطاف حسین
مسلح دہشت گردوں نے حیدرآباد میں دوسوسے زائدمہاجروں کو خاک وخون میں نہلایا درجنوں زخمی کردیئے
سانحہ حیدرآبادکے مرکزی کردار نام نہاد قوم پرست قادرمگسی اور جانو آرائیں آج بھی کھلے عام گھو م رہے ہیں، الطاف حسین
کراچی اور حیدرآبادکے بے گناہ مہاجروں کو انصاف دلانے کیلئے کوئی صدائے احتجاج بلند نہیں کرتا، الطاف حسین
تحریک کے پرخلوص اور پرعزم کارکنان شہداء کی قربانیاں ہرگز رائیگاں نہیں جانے دیں گے، الطاف حسین
سانحہ حیدرآباد 30 ستمبر1988ء کے شہداء کی 28 ویں برسی کے موقع پربیان

متحدہ قومی موومنٹ کے بانی وقائد جناب الطاف حسین نے ایم کیوایم کی تمام ترکامیابیاں حق پرست شہداء کی قربانیاں کی بدولت ہیں اور تحریک کے پرخلوص اور پرعزم کارکنان شہداء کی قربانیاں ہرگز رائیگاں نہیں جانے دیں گے ۔ سانحہ حیدرآباد 30 ستمبر1988ء کے شہداء کی 28 ویں برسی کے موقع پر اپنے خصوصی بیان میں جناب الطاف حسین نے تمام حق پرست شہداء کو زبردست خراج عقیدت پیش کرتے ہوئے کہا کہ30 ستمبر، پاکستان کی تاریخ میں ایک سیاہ دن کی حیثیت سے یادرکھا جائے گا۔ آج سے 28 برس قبل موٹرسائیکل اور کارسوار مسلح دہشت گردوں نے سرکاری سرپرستی میں دن دیہاڑے حیدرآباد کے مختلف علاقوں میں200 سے زائد مہاجربزرگوں، خواتین ، نوجوانوں اوربچوں کو گولیوں کا نشانہ بناکر خاک وخون میں نہلادیا، درجنوں شدیدزخمی کردیئے اوردہشت گرد یہ خونی کارروائی کرکے آسانی سے فرارہوگئے۔ انہوں نے کہاکہ مسلح دہشت گرد تین گھنٹے تک کھلے عام آگ اور خون کی ہولی کھیلتے رہے لیکن سفاک دہشت گردوں کو روکنے والاکوئی نہیں تھا۔ جناب الطاف حسین نے کہاکہ 28 سال گزرجانے کے باوجود سانحہ حیدرآباد کے شہداء کے قاتلوں کو انصاف کے کٹہرے میں نہیں لایاگیا ، سانحہ حیدرآبادکے مرکزی کردار نام نہاد قوم پرست قادرمگسی اور جانو آرائیں آج بھی کھلے عام گھو م رہے ہیں اورآج بھی کراچی اور حیدرآبادکے بے گناہ مہاجروں کو انصاف دلانے کیلئے کوئی صدائے احتجاج بلند نہیں کرتا۔ جناب الطاف حسین نے کہاکہ سانحہ30 ستمبر، حیدرآباد کے شہداء کی قربانیاں ناقابل فراموش ہیں اور تحریک کے پرخلوص اور پرعزم کارکنان شہداء کی قربانیاں ہرگز رائیگاں نہیں جانے دیں گے۔جناب الطاف حسین نے حق پرست ماؤں ، بزرگوں اورکارکنوں سے کہاکہ وہ حق پرست شہداء کے ایصال ثواب کیلئے قرآن خوانی وفاتحہ خوانی کریں ۔ انہوں نے دعا کی کہ اللہ تعالیٰ سانحہ حیدرآباد 30 ستمبرسمیت تحریک کے تمام شہداء کے درجات بلند فرمائے ، انہیں اپنی جواررحمت میں اعلیٰ ترین مقام عطا کرے ،سوگواران کو صبرجمیل عطا کرکے اور حق پرست شہداء کی قربانیوں کے صدقے ایم کیوایم کے حق پرستانہ مشن ومقصد کو کامیابی سے ہمکنارکرے ۔ (آمین)

*****
4/12/2026 6:22:03 PM