Home  Altaf Hussain  English News  Urdu News  Sindhi News  Photo Gallery
International Media Inquiries
+44 20 3371 1290
+1 909 273 6068
[email protected]
 
 Events  Blogs  Fikri Nishist  Study Circle  Songs  Videos Gallery
 Manifesto 2013  Philosophy  Poetry  Online Units  Media Corner  RAIDS/ARRESTS
 About MQM  Social Media  Pakistan Maps  Education  Links  Poll
 Web TV  Feedback  KKF  Contact Us        

کراچی سٹی کونسل میں قائدتحریک الطاف حسین کے خلاف اپوزیشن کی قرارداد قابل مذمت ہے۔ایم کیوایم


کراچی سٹی کونسل میں قائدتحریک الطاف حسین کے خلاف اپوزیشن کی قرارداد قابل مذمت ہے۔ایم کیوایم
 Posted on: 9/28/2016
کئی سیاسی رہنماؤں نے فوج اورریاست کی غلط پالیسیوں پر تنقیدکی لیکن کسی کے خلاف اس طرح طوفان کھڑانہیں کیاگیا
عمران خان نے پارلیمنٹ ہاؤس اورپی ٹی وی پر حملہ کرایا، سرکاری ٹی وی کی نشریات بند کرائیں ،
عمران خان نے سول نافرمانی کی تحریک چلائی، سرکاری بل نذرآتش کرکے ریاست سے کھلی بغاوت کی اور اپنی منفی سیاست سے
پاکستان کو نقصان پہنچانے کی کوششیں کیں لیکن انکے خلاف کچھ نہیں کیاگیا
کارکنوں اور مہاجروں پرڈھائے جانے والے مظالم کے خلاف آوازاحتجاج بلند کرنے پر قائدتحریک الطاف حسین کے
خلاف مذمتی قراردادیں منظورکروائی جارہی ہیں
سب کچھ کسی ’’ وش لسٹ ‘‘ کے تحت اور قائدتحریک الطاف حسین، ایم کیوایم اورمہاجروں کے ساتھ نفرت اورتعصب کی بنیادپر ہورہاہے
وہ لوگ جو پاکستان کودولخت کرنے کے ذمہ دارہیں ان کے خلاف آج تک کوئی قراردادپیش کیوں نہیں کی گئی ؟
پاکستان کو درپیش چیلنجزسے نمٹنے کے بجائے ایم کیوایم اورمہاجروں کو کچلنے اور انکے اتحادکوختم کرنے کے منصوبوں پر کام کیا جارہاہے
سیاسی مخالفین اورتمام مہاجردشمن عناصر ایم کیوایم کوکچلنے اور مہاجروں کوصفحہ ہستی سے مٹانے کی دھن میں اندھے ہوچکے ہیں
ایم کیوایم کوختم کرنے ،مہاجروں کو مٹانے اور کارکنان وعوام کو قائدتحریک الطاف حسین سے الگ کرنے کے منصوبے کامیاب نہیں ہونگے 
ایم کیوایم کے رہنماؤں محمد اشفاق، واسع جلیل، مصطفی عزیز آبادی اور قاسم علی رضا کامشترکہ بیان

متحدہ قومی موومنٹ کے رہنماؤں محمد اشفاق، واسع جلیل، مصطفی عزیز آبادی اور قاسم علی رضا نے کراچی سٹی کونسل کے اجلاس میں قائدتحریک الطاف حسین کے خلاف اپوزیشن کی جانب سے پیش کردہ قرارداد کی شدید الفاظ میں مذمت کی ہے اوراسے اسٹیبلشمنٹ کے شدیددباؤکانتیجہ قراردیا ہے۔اپنے مشترکہ بیان میں انہوں نے کہاکہ پاکستان کے کئی سیاسی رہنماؤں نے مختلف اوقات میں فوج کے غلط اقدامات اورریاست کی غلط پالیسیوں پر تنقیدکی ہے جوریکارڈپر موجود ہے،حتیٰ کہ پی ٹی آئی کے سربراہ عمران خان نے تو دھرنے کے دوران پارلیمنٹ ہاؤس اورپی ٹی وی پر حملہ کرایا، سرکاری ٹی وی کی نشریات بند کرائیں ، سول نافرمانی کی تحریک چلائی اورسرعام جلسوں میں سرکاری بل نذرآتش کرکے ریاست سے کھلی بغاوت کی اور اپنی منفی سیاست سے ریاست پاکستان کو نقصان پہنچانے کی کوششیں کیں لیکن آج تک عمران خان یا کسی بھی دیگرسیاسی رہنماکے خلاف ملک میں کہیں بھی اس طرح طوفان نہیں کھڑاکیاگیا، کسی کے خلاف کسی ایوان میں کوئی قراردادپیش نہیں کی گئی لیکن آپریشن کے دوران ایم کیوایم کے کارکنوں اور مہاجروں پرڈھائے جانے والے مظالم کے خلاف آواز احتجاج بلند کرنے پر قائدتحریک الطاف حسین کے خلاف ہر ایوان میں دباؤڈال کرمذمتی قراردادیں منظورکروائی جارہی ہیں، یہ سب کچھ اصولوں کی بنیاد پر نہیں بلکہ کسی ’’ وش لسٹ ‘‘ کے تحت اور صرف اور صرف قائدتحریک الطاف حسین، ایم کیوایم اورمہاجروں کے ساتھ نفرت اورتعصب کی بنیادپر ہورہاہے۔ ایم کیوایم کے رہنماؤں نے کہاکہ آج پاکستان کو ملکی وبین الاقوامی سطح پر سنگین چیلنجز درپیش ہیں، سفارتی سطح پر پاکستان کوتنہا کیاجارہاہے، سارک کے رکن ممالک کے انکارکے باعث کانفرنس منسوخ ہوگئی ہے، امریکہ میں پاکستان کودہشت گردی کی سرپرست ریاست قراردینے کی قراردادیں اوربل پیش ہورہے ہیں لیکن اس صورتحال پر توجہ دینے اوراس سے نمٹنے کیلئے عملی کوششیں کرنے کے بجائے ایم کیوایم اورمہاجروں کو کچلنے اور ان کے اتحادکوختم کرکے انہیں صفحہ ہستی سے مٹانے کے منصوبوں پر کام کیا جارہاہے ۔کیا اس طرح کا عمل کرکے پاکستان سے محبت کاثبوت دیاجارہاہے؟انہوں نے کہاکہ وہ لوگ جو پاکستان کودولخت کرنے کے ذمہ دارہیں، جنہوں نے پاکستان کو دہشت گردی کی آماجگاہ بنادیا اورجو آج بین الاقوامی دنیامیں پاکستان کو تنہاکرنے کے ذمہ دار ہیں ان کے خلاف آج تک کوئی قراردادپیش کیوں نہیں کی گئی ؟انہوں نے کہا کہ ایسا لگتاہے کہ سیاسی مخالفین اورتمام مہاجردشمن عناصر ایم کیوایم کوکچلنے اور مہاجروں کوصفحہ ہستی سے مٹانے کی دھن میں اندھے ہوچکے ہیں۔انہوں نے کہا کہ نفرت، تعصب، جبر اور دباؤکے تحت کئے جانے والے یہ اقدامات محبتوں کو پروان چڑھانے کانہیں بلکہ نفرتوں میں اضافے کاسبب بن رہے ہیں۔انہوں نے کہاکہ مہاجردشمن عناصر چاہے کیسے ہی ہتھکنڈے کیوں نہ اختیار کرلیں ، ایم کیوایم کو ختم کرنے ، اسے ٹکڑے ٹکڑے کرنے ،مہاجروں کو صفحہ ہستی سے مٹانے اورایم کیوایم کے کارکنان وعوام کو قائدتحریک الطاف حسین سے الگ کرنے کے منصوبے کامیاب نہیں ہوں گے ۔ 

*****
8/18/2019 8:18:09 AM