بعض اینکر پرسنز کی جانب سے ایم کیو ایم کی قیادت جنرل پرویز مشرف کو سونپنے کی بات انتہائی مضحکہ خیز ہے ۔ایم کیو ایم

Posted on: 9/27/2016

کارکنان نے لازوال قربانیاں ایک قائد جناب الطاف حسین کی قیادت میں مہاجروں کے حقوق کے حصول کیلئے دی ہیں
الطاف حسین کل بھی کارکنان وعوام کے قائد تھے ،آج بھی قائد ہیں اور ہمیشہ وہی بانی و قائد رہیں گے۔ایم کیو ایم
اسٹیبلشمنٹ کے بل بوتے پرکوئی فردسادے کاغذوں پر جعلی قائد تو ضرور بن سکتاہے لیکن لوگوں کے دلوں میں قائد نہیں بن سکتا
ایم کیو ایم کے سینئر رہنماؤں محمد اشفاق، واسع جلیل، مصطفی عزیز آبادی اور قاسم علی رضا کا مشترکہ بیان

متحدہ قومی موومنٹ کے سینئر ترین رہنماؤں محمد اشفاق، واسع جلیل، مصطفی عزیز آبادی اور قاسم علی رضا نے معروف اینکرپرسن نجم سیٹھی اور بعض دیگر اینکر پرسنز کے اس تجزیہ کوانتہائی مضحکہ خیزقراردیاہے کہ ایم کیو ایم کی قیادت سابق چیف آف آرمی اسٹاف جنرل پرویز مشرف کو سونپ دی جائے گی ۔ اپنے مشترکہ بیان میں انہوں نے کہا ہمیں یہ نہیں پتہ کہ ان تجزیات میں کتنی صداقت ہے مگر ہم یہ ضرور کہیں گے کہ اگر عقل وشعور سے عاری کچھ افراد جنرل پرویز مشرف کے ذہن میں یہ بات ڈال بھی رہے ہیں تووہ اس خیال کو فوراً نکال پھینکیں کہ وہ ایم کیو ایم سے خارج کئے گئے افراد کے چند گروپوں کو ملا کر اس کی قیادت کرسکتے ہیں ۔ انہوں نے کہا کہ جنرل پرویز مشرف کو یہ نہ بھولیں کہ ایم کیو ایم کی تحریک گزشتہ اڑتیس برسوں سے جاری ہے اور حق پرستی کی اس جدوجہد کے دوران ہزاروں ساتھی شہید و زخمی اور معذور ہوچکے ہیں، ہزاروںآج بھی قید و بند و روپوشی کی صعوبتیں برداشت کررہے ہیں ، سینکڑوں لاپتہ ہیں اور ہزاروں آج بھی جلاوطنی کی زندگی گزار رہے ہیں ۔ ان تمام کارکنان نے تمام تر قربانیاں صرف ایک قائد جناب الطاف حسین کی قیادت میں مہاجروں کے حقوق کے حصول کیلئے دی ہیں جو کل بھی ان کے قائد تھے ،آج بھی قائد ہیں اور ہمیشہ وہی بانی و قائد رہیں گے۔ انہوں نے کہا کہ تحریک کے باضمیر اورخوددار رہنماؤں و کارکنان کی اکثریت نے اب تک اپنے حلف کا پاس رکھا ہوا ہے اورآج وہ خاموش رہ کریہ سارے ڈرامے اور تماشے دیکھ دیکھ کر اپنا خون جلانے اور صبر کرنے کے علاوہ کچھ نہیں کررہے ہیں مگر وقت آنے پر یہ ہزاروں کارکنان نتائج کی پرواہ کئے بغیر ماضی کی طرح قائد تحریک جناب الطاف حسین سے اپنی والہانہ محبت و عقیدت کا اظہار کریں گے۔انہوں نے کہاکہ اسٹیبلشمنٹ کے بل بوتے پرکوئی بھی فرد سادے کاغذوں پر جعلی قائد تو ضرور بن سکتاہے لیکن لوگوں کی روحوں اور دلوں میں اسے قائد اور بانی کارتبہ کبھی نہیں مل سکتا کیونکہ عوام کے دلوں میں صرف اور صرف قائدتحریک الطاف حسین ہی بستے ہیں ۔
*****

9/23/2018 11:42:01 PM

ایم کیوایم اوورسیز جرمنی کی سینٹرل آرگنائزنگ کمیٹی کے ارکان افضل شمسی... 23 Sep 2018	ریاستی مظالم اورناانصافیوں کے خلاف ہماری جدوجہدجاری ہے اورجاری رہے گی۔... 23 Sep 2018
اس سے پہلے کہ انڈیا ایٹمی حملہ کرے ،سیاسی وفوجی قیادت وقت ضائع کیے بغی... 22 Sep 2018	مظلوم قومیتیں متحد ہوجائیں تو اپنے مشترکہ دشمن کو شکست دے سکتی ہیں، قا... 19 Sep 2018
ہمیں ایسے ظالمانہ نظام سے آزادی چاہیے جہاں انصاف نہ ہو۔الطا ف حسین ... 17 Sep 2018	انشاء اللہ جلد مظلوموں کا اتحاد تشکیل پائے گا ، قائد تحریک الطاف حسین ... 17 Sep 2018
ڈاکٹرعمران فاروق کے قاتلوں اور ان کے سرپرستوں پراللہ تعالیٰ کا عذاب نا... 16 Sep 2018	ایم کیوایم کے شہیدکنوینرشہید انقلاب ڈاکٹرعمران فاروق کی آٹھویں برسی ان... 16 Sep 2018
بلوچستان میں فوج کشی کاسلسلہ بند کیاجائے ،بلوچستان کے مسئلے کومذاکرات ... 16 Sep 2018	مسئلہ بلوچستان کے حوالے سے ایم کیوایم کے بانی وقائد جناب الطاف حسین کا... 14 Sep 2018