Home  Altaf Hussain  English News  Urdu News  Sindhi News  Photo Gallery
International Media Inquiries
+44 20 3371 1290
+1 909 273 6068
pressoffice@mqm.org
 
 Events  Blogs  Fikri Nishist  Study Circle  Songs  Videos Gallery
 Manifesto 2013  Philosophy  Poetry  Online Units  Media Corner  RAIDS/ARRESTS
 About MQM  Social Media  Pakistan Maps  Education  Links  Poll
 Web TV  Feedback  KKF  Contact Us        

ذمہ داران وکارکنان کے گھروں پرپولیس اوررینجرز کے مسلسل چھاپے اورگرفتاریاں قابل مذمت ہیں ، ندیم نصرت


ذمہ داران وکارکنان کے گھروں پرپولیس اوررینجرز کے مسلسل چھاپے اورگرفتاریاں قابل مذمت ہیں ، ندیم نصرت
 Posted on: 9/23/2016
رینجرز اور پولیس نے غیرقانونی چھاپے مارکر متعدد ذمہ داران اورکارکنان کو گرفتارکرلیا، ندیم نصرت
ماورائے عدالت قتل کیے گئے کارکنان کے اہل خانہ کو انصاف فراہم نہیں کیاجارہا، ندیم نصرت
ایم کیوایم کے 135 لاپتہ کارکنان کی بحفاظت واپسی یقینی نہیں بنائی جارہی ہے
وزیراعظم ، وزیرداخلہ اور وزیراعلیٰ سندھ غیرقانونی چھاپوں گرفتاریوں اوردفاترمسمار کرنے کا نوٹس لیں، ندیم نصرت
انسانی حقوق کی تنظیمیں کارکنان کی مسلسل گرفتاریوں اور دفاترمسمارکرنے کے خلاف آواز بلند کریں، ندیم نصرت

متحدہ قومی موومنٹ کی رابطہ کمیٹی کے کنوینر ندیم نصرت نے کراچی میں رینجرز اور پولیس کی جانب سے ایم کیوایم کے بے گناہ ذمہ داران وکارکنان کے گھروں پر مسلسل چھاپوں ، گرفتاریوں اور دفاترمسمار کرنے کی شدیدالفاظ میں مذمت کی ہے اور ان غیرقانونی کارروائیوں کو ایم کیوایم کوختم کرنے کی سازشوں کا حصہ قراردیا ہے ۔ ایک بیان میں ندیم نصرت نے کہاکہ گزشتہ روز بھی رینجرز اور پولیس نے کراچی کے مختلف علاقوں میں ایم کیوایم کے ذمہ داران اورکارکنان کے گھروں پر غیرقانونی چھاپے مارے ، گھروں میں موجود اہل خانہ سے بدتمیزی کی اور متعدد ذمہ داران اورکارکنان کو گرفتارکرلیا۔ ندیم نصرت نے کہاکہ ایک جانب ماورائے عدالت قتل کیے گئے کارکنان کے اہل خانہ کو انصاف فراہم نہیں کیاجارہا اور135لاپتہ کارکنان کی بحفاظت واپسی یقینی نہیں بنائی جارہی ہے جبکہ دوسری جانب ایم کیوایم کے ذمہ داروں اورکارکنوں کے گھروں پر چھاپوں،گرفتاریوں اورایم کیوایم کے دفاترمسمار کرنے کا سلسلہ بدستور جاری ہے جس کی جتنی بھی مذمت کی جائے کم ہے ۔ندیم نصرت نے کہاکہ غیرقانونی چھاپوں اورگرفتاریوں سے ایم کیوایم کے پرعزم اورثابت قدم کارکنان کے حوصلے پست نہیں کیے جاسکتے اور نہ ہی انہیں قائد تحریک جناب الطاف حسین سے دورکیاجاسکتا ہے ۔انہوں نے کہاکہ ایم کیوایم ، مہاجروں کے حقوق کیلئے پرامن جمہوری جدوجہد پر یقین رکھتی ہے ، غیرقانونی چھاپوں ، گرفتاریوں اورظلم وجبر کے باوجود ایم کیوایم کے پرعزم کارکنان ، مہاجرقوم کے حقوق کی جمہوری جدوجہد جاری رکھیں گے ۔ندیم نصرت نے وزیراعظم میاں محمد نواز شریف، وفاقی وزیرداخلہ چوہدری نثارعلی خان اوروزیراعلیٰ سندھ مراد علی شاہ سے مطالبہ کیاکہ ایم کیوایم کے بے گناہ ذمہ داروں اورکارکنوں کے گھروں پر چھاپوں اورگرفتاریوں کا فوری نوٹس لیاجائے اور ایم کیوایم کے دفاترمسمار کرنے کا سلسلہ بند کرایاجائے۔ندیم نصرت نے انسانی حقوق کی تنظیموں سے اپیل کی کہ ایم کیوایم کے کارکنان کی مسلسل گرفتاریوں اور دفاترمسمار کرنے کے واقعات کا نوٹس لیاجائے اور اس کے خلاف آواز بلند کی جائے۔

*****
6/26/2025 8:30:29 PM