Home  Altaf Hussain  English News  Urdu News  Sindhi News  Photo Gallery
International Media Inquiries
+44 20 3371 1290
+1 909 273 6068
[email protected]
 
 Events  Blogs  Fikri Nishist  Study Circle  Songs  Videos Gallery
 Manifesto 2013  Philosophy  Poetry  Online Units  Media Corner  RAIDS/ARRESTS
 About MQM  Social Media  Pakistan Maps  Education  Links  Poll
 Web TV  Feedback  KKF  Contact Us        

لندن میں ایم کیوایم کے قائد الطاف حسین کی 63 ویں سالگرہ روایتی جوش وجذبے سے منائی گئی


لندن میں ایم کیوایم کے قائد الطاف حسین کی 63 ویں سالگرہ روایتی جوش وجذبے سے منائی گئی
 Posted on: 9/18/2016

Founder and Leader MQM Mr. Altaf Hussain 63rd... From MQMOfficial
ایم کیوایم یوکے کے زیراہتمام مقامی ہال میں اجتماع کا انعقاد
تقریب میں رابطہ کمیٹی کے کنوینرندیم نصرت ، اراکین رابطہ کمیٹی ، ایم کیوایم برطانیہ کی آرگنائزنگ کمیٹی کے ارکان، شعبہ خواتین، شہیدانقلاب کے اہل خانہ اور مختلف یونٹوں کے ذمہ داران وکارکنان کی بڑی تعداد میں شرکت
تقریب میں لوگوں کی بڑی تعدادمیں شرکت کے باعث پنڈال تنگ پڑگیا
کارکنوں کے ایم کیوایم اور جناب الطاف حسین کی حمایت میں فلک شگاف نعرے ، تنظیمی ترانوں پر کارکنان کا والہانہ رقص
تقریب سے کنوینرندیم نصرت ، آرگنائزر ہاشم اعظم ،رکن محترمہ شبنم طارق اور شعبہ خواتین کی انچارج محترمہ صفیہ اکبر نے خطاب کیا
مصطفی عزیزآبادی ، قاسم علی رضا اورسہیل زیدی نے خوبصورت کلام پیش کیا
قائدتحریک الطاف حسین کی سالگرہ کا کیک کاٹاگیا تو پورا پنڈال ’’ ہیپی برتھ ڈے ٹو الطاف بھائی ‘‘ کی صداؤں سے گونج اٹھا
لندن۔۔۔17، ستمبر2016ء
ایم کیوایم کے بانی وقائد جناب الطاف حسین کی 63 ویں سالگرہ پاکستان اوردنیاکے مختلف ممالک کی طرح لندن میں بھی روایتی جوش وجذبے سے منائی گئی۔ سالگرہ کے سلسلے میں ایم کیوایم یوکے کے زیراہتمام لندن میں ہفتہ کی شام لندن کے علاقے ایجوئیر میں واقع سنگم ہال میں تقریب منعقد ہوئی جس میں رابطہ کمیٹی کے کنوینر ندیم نصرت ، رابطہ کمیٹی کے ارکان ، ایم کیوایم برطانیہ کی آرگنائزنگ کمیٹی کے اراکین ، ایم کیوایم برطانیہ شعبہ خواتین کی ارکان وکارکنان، شہیدانقلاب ڈاکٹرعمران فاروق کی اہلیہ ، صاحبزادوں اوربرطانیہ کے مختلف یونٹوں سے تعلق رکھنے والے ذمہ داران ، کارکنان ، ہمدردوں اوران کے اہل خانہ نے بچوں سمیت بڑی تعداد میں شرکت کی ۔ تقریب میں لوگوں کی بڑی تعدادمیں شرکت کے باعث پنڈال تنگ پڑگیا ۔ اس موقع پر ایم کیوایم کے کارکنان کا جوش وخروش قابل دیدتھا، تقریب کے شرکاء ایم کیوایم اور جناب الطاف حسین کی حمایت میں فلک شگاف نعرے لگاتے رہے جس کا سلسلہ کافی دیر تک جاری رہا۔ اس موقع پر لندن کی فضائیں نعرہ الطاف۔۔۔جئے الطاف ، ہم نہ ہوں ہمارے بعد۔۔۔الطاف الطاف ، نعرہ مہاجر۔۔۔جئے مہاجراور دیگر نعروں سے گونجتی رہیں۔ تقریب میں ایم کیوایم کے تنظیمی ترانے بجائے گئے جن کی دھنوں پر کارکنان نے رقص کرتے رہے اور اپنی والہانہ خوشی کا اظہار کرتے رہے ۔ تنظیمی ترانوں پر کارکنان کے رقص ، فلک شگاف نعروں کی گونج اور شرکاء کی زبردست تالیوں کے شور نے خوبصورت سماں باندھ دیا جس کا سلسلہ بہت دیر تک چلتا رہا۔تقریب کی نظامت کے فرائض ایم کیوایم برطانیہ کی آرگنائزنگ کمیٹی کے رکن سہیل خانزادہ نے ادا کیے جبکہ کمسن بچی علیشا آصف نے تلاوت کلام پاک پیش کرکے تقریب کا باقاعدہ آغاز کیا۔ رابطہ کمیٹی کے کنوینرندیم نصرت ، ایم کیوایم برطانیہ کے آرگنائزر ہاشم اعظم ، آرگنائزنگ کمیٹی کی رکن محترمہ شبنم طارق اور شعبہ خواتین کی انچارج محترمہ صفیہ اکبر نے تقریب کے شرکاء سے خطاب کیا جبکہ رابطہ کمیٹی کے ارکان مصطفی عزیزآبادی ، قاسم علی رضا اور ایم کیوایم برطانیہ کی آرگنائزنگ کمیٹی کے جوائنٹ انچارج سہیل زیدی نے خوبصورت کلام پیش کرکے حاضرین سے خوب داد وصول کی۔ بعدازاں رابطہ کمیٹی کے کنوینر ندیم نصرت نے جناب الطاف حسین کی سالگرہ کا کیک کاٹا تو پورا پنڈال ’’ہیپی برتھ ڈے ٹو الطاف بھائی ‘‘ کی صداؤں سے گونج اٹھا۔ سالگرہ کی تقریب کا سلسلہ رات گئے تک جاری رہا۔
7/3/2026 6:09:12 AM