Home  Altaf Hussain  English News  Urdu News  Sindhi News  Photo Gallery
International Media Inquiries
+44 20 3371 1290
+1 909 273 6068
[email protected]
 
 Events  Blogs  Fikri Nishist  Study Circle  Songs  Videos Gallery
 Manifesto 2013  Philosophy  Poetry  Online Units  Media Corner  RAIDS/ARRESTS
 About MQM  Social Media  Pakistan Maps  Education  Links  Poll
 Web TV  Feedback  KKF  Contact Us        

پاکستان، اسٹیبلشمنٹ بشمول جنر ل راحیل شریف، ڈی جی رینجرز جنرل بلال اکبر کے خلاف الفاظ استعمال کرنے پر خلوص دل کے ساتھ معافی کا طلبگارہوں۔الطاف حسین


پاکستان، اسٹیبلشمنٹ بشمول جنر ل راحیل شریف، ڈی جی رینجرز جنرل بلال اکبر کے خلاف الفاظ استعمال کرنے پر خلوص دل کے ساتھ معافی کا طلبگارہوں۔الطاف حسین
 Posted on: 8/23/2016
اپنے ساتھیوں کے ماورائے عدالت قتل ،مسلسل گرفتاریوں اوران کی مشکلات اور بھوک ہڑتال پربیٹھے ساتھیوں کی
بگڑتی ہوئی صورتحال کی وجہ سے شدید ذہنی تناؤ کاشکارتھا۔الطاف حسین
اسٹیبلشمنٹ بشمول جنر ل راحیل شریف، ڈی جی رینجرز جنرل بلال اکبراورپاکستان کے خلاف جوالفاظ استعمال کئے اس پر میں نادم ہوں
میں ایک پاکستانی کی حیثیت سے پاکستان کے عوام ، اسٹیبلشمنٹ، فوج، آئی ایس آئی،تمام ارباب اختیار اورحکمرانوں کویقین دلاتا
ہوں کہ آئندہ میری جانب سے ایسے الفاظ ہرگزاستعمال نہیں ہوں گے۔الطاف حسین
ارباب اختیارسے یہی درخواست ہے کہ وہ ایم کیوایم کے خلاف کئے گئے اقدامات کو ختم کردیں،ایم کیوایم کوقومی دھارے
سے خدارا نہ کاٹیں اور ایم کیوایم کوملک کی سلامتی ،بقاء اورترقی وخوشحالی کے لئے کام کرنے دیں 
پاکستان ہمارے بزرگوں نے بڑی قربانیاں دے کربنایاتھا، میں اس کے خلاف کس طرح بات کرسکتاہوں۔الطاف حسین
خلوص دل کے ساتھ کہتاہوں کہ ایم کیوایم پاکستان کی دشمن نہیں ہے ، کچھ ملک دشمن عناصر نے فوج اورایم کیوایم میں دوریاں پیداکی ہیں
میڈیا کے ساتھ جوناخوشگوارواقعات پیش آئے اس پر میں میڈیا کے ایک ایک ساتھی سے بھی معافی کاطلبگارہوں
ایم کیوایم کے تمام گرفتارشدگان رہنماؤں اورکارکنوں کورہاکیاجائے اورانہیں سیاسی سرگرمیاں انجام دینے کی اجازت دی جائے

متحدہ قومی موومنٹ کے قائدجناب الطاف حسین نے پاکستان کی اسٹیبلشمنٹ بشمول جنر ل راحیل شریف، ڈی جی رینجرز جنرل بلال اکبراورپاکستان کے خلاف الفاظ استعمال کرنے پرندامت کااظہارکرتے ہوئے پاکستان کے عوام ، مسلح افواج، جنرل راحیل شریف، ڈی جی رینجرز جنرل بلال اکبر اور تمام ارباب اختیارسے خلوص دل کے ساتھ معذرت کی ہے۔
اپنے بیان میں انہوں نے کہاکہ میں الطاف حسین ولدنذیرحسین مرحوم اپنے ساتھیوں کے ماورائے عدالت قتل اورساتھیوں کی مسلسل گرفتاریوں اوران کی مشکلات دیکھ دیکھ کر شدیدذہنی تناؤکاشکارہوا بھوک ہڑتال پربیٹھے ساتھیوں کی بگڑتی ہوئی صورتحال کی وجہ سے میراذہنی تناؤ آہستہ آہستہ بڑھتاگیا جس کی وجہ سے میں نے بھوک ہڑتالی کیمپ پر جمع ہونے والے ساتھیوں سے خطاب کرتے ہوئے پاکستان کے خلاف جوالفاظ استعمال کئے وہ انتہائی ذہنی دباؤکے نتیجے میں کہے گئے ۔اورمیں شدت جذبات سے مغلوب ہوکروہ الفاظ اداکر بیٹھا جومجھے ہرگز ہرگز استعمال نہیں کرنے چاہیے تھے۔میں واضح الفاظ میں کہتاہوں کہ میں نے پاکستان کی اسٹیبلشمنٹ بشمول جنر ل راحیل شریف، ڈی جی رینجرز جنرل بلال اکبراورپاکستان کے خلاف جوالفاظ استعمال کئے اس پر میں نادم ہوں اورپاکستان کے عوام ، مسلح افواج، جنرل راحیل شریف، ڈی جی رینجرز جنرل بلال اکبرسے خلوص دل کے ساتھ معافی کاطلبگارہوں اوران سے کہتا ہوں کہ میرے الفاظ کی سزا ایم کیوایم اوراس کے کارکنان کونہ دیں۔ میں ایک پاکستانی کی حیثیت سے پاکستان کے عوام ، اسٹیبلشمنٹ، فوج، آئی ایس آئی ، تمام ارباب اختیار اورحکمرانوں کویقین دلاتاہوں کہ آئندہ میری جانب سے ایسے الفاظ ہرگزاستعمال نہیں ہوں گے۔میری تمام ارباب اختیارسے یہی درخواست ہے کہ وہ ایم کیوایم کے خلاف کئے گئے اقدامات کوبرائے مہربانی ختم کردیں،ایم کیوایم کوقومی دھارے سے خدارا نہ کاٹیں اور اورایم کیوایم کوملک کی سلامتی ،بقاء اورترقی وخوشحالی کے لئے کام کرنے دیں ۔ میں یہ بھی بتاناچاہتاہوں کہ پاکستان ہمارے بزرگوں نے بڑی قربانیاں دے کربنایاتھا، میں اس کے خلاف کس طرح بات کرسکتاہوں۔میں خلوص دل کے ساتھ کہتاہوں کہ ایم کیوایم پاکستان کی دشمن نہیں ہے ، کچھ ملک دشمن عناصر نے فوج اورایم کیوایم میں دوریاں پیداکی ہیں۔پاکستان ہم سب کاہے اورہم ملکرہی ملک کوآگے لیکرجاسکتے ہیں۔
گزشتہ روز میڈیا کے ساتھ بھی جوناخوشگوارواقعات پیش آئے اس پر میں میڈیا کے ایک ایک ساتھی سے بھی معافی کاطلبگارہوں۔ میراتمام ارباب اختیارسے مطالبہ ہے کہ ایم کیوایم کے تمام گرفتارشدگان رہنماؤں اورکارکنوں کورہاکیاجائے اورانہیں سیاسی سرگرمیاں انجام دینے کی اجازت دی جائے ۔ 

*****
7/11/2026 5:35:15 PM