کراچی پریس کلب پر لگائے گئے ایم کیوایم کے بھوک ہڑتالی کیمپ میں تیسرے دن حق پرست ارکان سندھ اسمبلی سیف الدین خالد اور یوسف شاہوانی کی طبیعت بگڑ گئی ۔

کراچی پریس کلب پر لگائے گئے ایم کیوایم کے بھوک ہڑتالی کیمپ میں تیسرے دن حق پرست ارکان سندھ اسمبلی سیف الدین خالد اور یوسف شاہوانی کی طبیعت بگڑ گئی ۔
 حق پرست ارکان اسمبلی سیف الدین خالد اور یوسف شاہوانی کی طبیعت بی پی اور شوگر ڈاؤن ہونے کے باعث ناسا ز ہوگئی ۔ سیف الدین خالد اور یوسف شاہوانی کو بھوک ہڑتالی کیمپ سے کے کے ایف کی ایمبولینس کے ذریعے عباسی شہید اسپتال منتقل کردیا گیا۔ رکن سندھ اسمبلی یوسف شاہوانی کو بھوک ہڑتال پر بیٹھے ہوئے آج تیسر ا دن تھا جبکہ رکن سندھ اسمبلی سیف الدین خالد کو آج بھوک ہڑتال پر بیٹھے ہوئے دوسرا دن تھا ۔ حق پرست ارکان اسمبلی کو بھوک ہڑتالی کیمپ سے جب اسپتال منتقل کیا جارہا تھا تو کارکنان جذبات میں آگئے اور انہوں نے
نعرہ الطاف جئے الطاف ، ہم نہ ہوں ہمارے بعد الطاف الطاف ، ظلم کے ضابطے ہم نہیں مانتے اور دیگر نعرے پرجوش انداز میں لگائے ۔