Altaf Hussain  English News  Urdu News  Sindhi News  Photo Gallery
International Media Inquiries
+44 20 3371 1290
+1 909 273 6068
[email protected]
 
 Events  Blogs  Fikri Nishist  Study Circle  Songs  Videos Gallery
 Manifesto 2013  Philosophy  Poetry  Online Units  Media Corner  RAIDS/ARRESTS
 About MQM  Social Media  Pakistan Maps  Education  Links  Poll
 Web TV  Feedback  KKF  Contact Us        

کارکنان کی گرفتاریوں کے خلاف ایم کیوایم کی بھوک ہڑتال۔۔۔تحریر:ریاض سہیل،بشکریہ بی بی سی اردو


کارکنان کی گرفتاریوں کے خلاف ایم کیوایم کی بھوک ہڑتال۔۔۔تحریر:ریاض سہیل،بشکریہ بی بی سی اردو
 Posted on: 8/18/2016

ریاض سہیل
بی بی سی اردو ڈاٹ کام، کراچی
پاکستان کے سب سے بڑے شہر کراچی میں متحدہ قومی موومنٹ نے اپنے کارکنان کے گھروں اور دفاتر پر چھاپوں، گرفتاریوں اور انسانی حقوق کی مبینہ خلاف ورزیوں کے خلاف تادم مرگ بھوک ہڑتال کا آغاز کردیا ہے۔
بدھ کو کراچی پریس کلب کے سامنے لگائے گئے کیمپ میں رابطہ کمیٹی کے سینئر ڈپٹی کنوینر ڈاکٹر فاروق ستار، ڈپٹی کنوینر کنور نوید جمیل سمیت اراکین اسمبلی، نومنتخب بلدیاتی نمائندگان موجود تھے۔
ایم کیو ایم کے سربراہ الطاف حسین نے پارٹی کے رہنماؤں اور منتخب اراکین سے خطاب کرتے ہوئے کہا کہ رینجرز، پولیس اور دیگر ادارے مکمل طور پر ایم کیو ایم دشمنی پر اتر آئے ہیں اور روزانہ صبح و شام ایم کیوایم کے کارکنوں کی اندھا دھند گرفتاریاں کی جارہی ہیں۔
ان کا کہنا تھا کہ عدالتوں کی آئینی، قانونی اور اخلاقی ذمہ داری ہے کہ جب حکومتیں اور قانون نافذ کرنے والے ادارے بے گناہ شہریوں کو ہراساں کریں، انھیں غیر قانونی طور پر گرفتار کریں اور انسانی حقوق کی خلاف ورزیوں کے مرتکب ہوں تو وہ مداخلت کر کے وعوام کو انصاف کی فراہمی یقینی بنائیں اور سرکاری اداروں کے مظالم سے نجات دلائیں۔
ایم کیو ایم کے سربراہ نے پاک سرزمین پارٹی کا نام لیے بغیر کہا کہ جن افراد کو کرپشن اور جرائم میں ملوث ہونے کی بنیاد پر پارٹی سے نکالا گیا آج انھیں شہریوں پر مسلط کرنے کی کوششیں کی جارہی ہیں۔
انھوں نے کہا کہ گذشتہ تین سال سے جاری آپریشن میں ہزاروں کارکنان کا گرفتار کیاگیا، 150 سے زائد لاپتہ ہیں اور 62 کارکنان کا ماورائے عدالت قتل کیا جاچکا ہے۔
۔

12/11/2016 2:04:53 AM