ایم کیوایم کے قائد جناب الطاف حسین کی خصوصی ہدایت پر رکن رابطہ کمیٹی اظہار احمد خان، اراکین سی ای سی، نامزد ڈپٹی میئر کراچی، اراکین اسمبلی، منتخب بلدیاتی نمائندگان کا بارش سے متاثرہ علاقوں کا ہنگامی دورہ

کراچی ۔۔۔ 07، اگست 2016ء

متحدہ قومی موومنٹ کی رابطہ کمیٹی کے رکن اظہار احمد خان، اراکین سی ای سی، سندھ اسمبلی میں قائد حزب اختلاف خواجہ اظہار الحسن، نامزد حق پرست ڈپٹی میئر کراچی ارشد وہرا، حق پرست اراکین اسمبلی، منتخب چیئر مین، وائس چیئرمین اور بلدیاتی نمائندگان نے ایم کیو ایم کے قائد جناب الطاف حسین کی خصوصی ہدایت پر کراچی میں حالیہ طوفانی بارشوں سے متاثرہ گجر نالہ، اورنگی نالہ، چمن سنیما، بسم اللہ ہوٹل پاک کالونی، جہانگیر آباد، لانڈھی، کورنگی، ملیر، شاہ فیصل، گلستانِ جوہر، گلشن اقبال، اسکیم 33، لائنزایریا، سوسائٹیم محمود آباد، ڈیفنس، برنس روڈ، رنچھوڑ لائن، بلدیہ ٹاؤن، قصبہ علیگڑھ، اورنگی ٹاؤن، سرجانی، نیو کراچی، نارتھ کراچی، نارتھ ناظم آباد، ناظم آباد گلبہار، لیاقت آباد، فیڈرل بی ایرا سمیت شہر کے دیگر متاثرہ علاقوں کا ہنگامی دورہ کیا اوروہاں ایم کیو ایم کے کارکنان کی جانب سے اپنی مدد آپ کے تحت نکاسی آب کے کاموں کا جائزہ لیا۔ اس موقع پر اراکین رابطہ کمیٹی نے بارش سے متاثرہ علاقوں کے لوگوں سے ملاقات کی اور انہیں قائد تحریک جناب الطاف حسین اور متحدہ قومی موومنٹ کی جانب سے ہر مکمل تعاون کا یقین دلاتے ہوئے کہا کہ مشکل کے اس گھڑی میں ایم کیوایم کے ذمہ داران ، کارکنان اور منتخب نمائند گان آپ کے ساتھ ہیں اور آئندہ بھی آپ کے ساتھ رہیں گے۔




تصاویر