کراچی میں اسلحہ کی تلاشی کے نام پر گھرگھر چھاپے مارنے والی پولیس اور رینجرز کو لاہور میں جدید و خودکار اسلحہ لیکرگھومنے والے اور شہریوں کو دہشت گردی کا نشانہ بنانے والے عسکری ونگ کیوں نظر نہیں آتے؟ رابطہ کمیٹی

کراچی ۔۔۔ 28 جولائی 2016 ء

متحدہ قومی موومنٹ کی رابطہ کمیٹی نے لاہورمیں مسلح عسکری ونگ کے دہشت گردوں کی جانب سے لاہورکی سڑکوں پر کھلے عام جدید وخطرناک اسلحہ کی نمائش اور شہریوں کوہراساں کرنے کے واقعات کی شدیدمذمت کی ہے ۔ اپنے ایک بیان میں رابطہ کمیٹی نے کہا کہ بعض ٹی وی چینلز پر کئی روزسے اپنی خبروں میں یہ فلم رپورٹس نشرکررہے ہیں کہ لاہورمیں ایک عسکری ونگ کے مسلح افراد شہرکی سڑکوں پر جدید وخودکار ہتھیاروں سے مسلح ہوکر گھومتے ہیں، شدید فائرنگ کرتے ہیں، شہریوں کوہراساں کرتے ہیں لیکن انہیں روکنے والا کوئی نہیں ہے اسلئے کہ اس خطر ناک عسکری ونگ کو سیاسی کی سرپرستی حاصل ہے۔ رابطہ کمیٹی نے کہاکہ کراچی کواسلحہ سے پاک کرنے کے اعلانات کرنے والوں، کراچی میں اسلحہ کی تلاشی کے نام پر گھرگھرچھاپے مارنے والوں، مکانوں، دفتروں، پارکوں ، میدانوں اورعلاقوں کوکھودنے والی پولیس اوررینجرز کو لاہور میں جدید وخودکاراسلحہ لیکرگھومنے والے اورشہریوں کودہشت گردی کا نشانہ بنانے والے یہ مسلح لشکر، یہ عسکری ونگ کیوں نظرنہیں آتے؟ کراچی کی طرح لاہوراورپورے ملک کواسلحہ سے پاک کرنے کی بات کیوں نہیں کی جاتی ؟ کرمنلائزیشن پالیسی کے تحت کراچی میں عسکری ونگ کا الزام لگانے والوں کولاہورمیں یہ عسکری ونگ کیوں نظرنہیں آتے؟آخرلاہورکیلئے نیشنل ایکشن پلان پرعمل درآمدکی بات کیوں نہیں کی جاتی ؟ کیا لاہورکے یہ مسلح لشکر ہرقسم کے قانون سے آزاد ہیں؟ یا اسلئے کہ انہیں سیاسی سرپرستی حاصل ہے رابطہ کمیٹی نے کہاکہ اگرایک ہی ملک کے جغرافیہ میں قانون کا اطلاق ملک کے باقی حصوں میں ہوگااورملک کاایک شہریاایک خطہ قانون سے بالاترسمجھاجائے گااور قانون کایہ دوہرامعیاررہے گا تو اس سے ملک کے باقی حصوں کے عوام میں امتیازی سلوک کااحساس مزیدشدت اختیارکرے گا جو پہلے ہی بہت بڑھ چکا ہے۔