ایم کیوایم حیدرآباد کے سینئر کارکن، سابق زونل ممبر محمد فاروق قریشی کے انتقال پر رابطہ کمیٹی کا اظہار تعزیت

کراچی:27؍ جولائی 2016ء 

متحدہ قومی موومنٹ رابطہ کمیٹی نے ایم کیو ایم حیدرآبادزون کے سینئر کارکن اور سابق زونل ممبر محمد فاروق قریشی کے انتقال پر تعزیت کا اظہار کیا ہے ۔ ایک تعزیتی بیان میں رابطہ کمیٹی نے محمد فاروق قریشی (مرحوم) کے تمام سوگوار لواحقین سے دلی تعزیت وہمدردی کااظہار کرتے ہوئے انہیں صبر کی تلقین کی ۔رابطہ کمیٹی نے دعا کی کہ اللہ تعالیٰ مرحوم کو جنت الفردوس میں اعلیٰ مقام عطا فرمائے اورمرحوم کے تمام سوگوار لواحقین کو یہ صدمہ برداشت کرنے کا حوصلہ عطاکرے۔ (آمین)