قائد حزب اختلاف سندھ اسمبلی خواجہ اظہار الحسن کے والد نور الحسن مرحوم کو محمد شاہ کے قبرستان میں سپرد خاک کردیا گیا

کراچی ۔۔۔ 25، جولائی 2016ء 

سندھ اسمبلی میں ایم کیوایم کے قائد حزب اختلاف خواجہ اظہار الحسن کے والد خواجہ نور الحسن کو آہوں ا ور سسکیوں کے درمیان شادمان ٹاؤن میں واقع محمد شاہ قبرستان میں سپرد خاک کردیا گیا ۔ مرحوم کی نمازجنازہ بفرزون میں واقع محمودیہ مسجد میں ادا کی گئی ۔ نما زجنازہ اور تدفین میں ایم کیوایم کی رابطہ کمیٹی کے ڈپٹی کنوینر عامرخان، اسپیکر سندھ اسمبلی آغا سراج درانی ، صوبائی وزیر بلدیات جام خان شورو ، جماعت اسلامی کراچی کے امیر حافظ نعیم الرحمن ، ایم کیوایم رابطہ کمیٹی کے دیگر اراکین رابطہ کمیٹی ، حق پرست اراکین قومی وصوبائی اسمبلی ، ایم کیوایم سینٹرل ایگزیکٹو کونسل کے انچارج و اراکین ، ایم کیوایم کے مختلف ونگز اور شعبہ جات کے ذمہ داران ، ٹاؤن آرگنائزر و آرگنائزنگ کمیٹی کے اراکین ، یوسیز انچارج و اراکین سمیت مرحوم کے عزیز واقارب نے کثیر تعداد میں شرکت کی ۔