ایم کیوایم کے زیر اہتمام عالمی شہرت یافتہ قوال حضرت امجد صابری شہیدؒ کی یاد میں جناح گراؤنڈ عزیز آباد میں شمع فروزاں کی کی گئی

کراچی۔۔۔26جون2016ء

متحدہ قومی موومنٹ کے زیر اہتمام عالمی شہرت یافتہ قوال حضرت امجد صابری شہیدؒ کی یاد میں ایم کیوایم کے مرکز نائن زیرو سے متصل جناح گراؤنڈ عزیز آباد میں شمعیں روشن کی گئی اور شہید امجد صابری کو بردست خراج عقیدت پیش کیا گیا۔ اس سلسلے میں جناح گراؤنڈ عزیز آباد میں ایک اسٹیج بنایا گیا جس پر جلی حروف سے ’’شمع فروزاں حق پرستوں کے عظیم فنکار حضرت امجد فرید صابری شہیدؒ کی یاد‘‘ تحریر تھا۔ منعقدہ تقریب میں ایم کیوایم کی رابطہ کمیٹی کے سینئر ڈپٹی کنونیر ڈاکٹر فاروق ستار، ارکان رابطہ کمیٹی، سینٹر ل ایگزیکٹو کونسل کے انچارج و اراکین، حق پرست ارکان قومی وسوبائی اسمبلی، نامزد حق پرست ڈپٹی میئر کراچی، چیئر مینز، وائس چیئر مینز ، کونسلرز،شہید امجد صابری کے بڑے بھائی ثروت صابری،امجد صابری کے شاگردجمشید صابری،قوال فرازصابری ،فیصل صابری، سابق وائس چانسلر جامعہ اردوظفر اقبال، صدر کراچی آرٹس کونسل اعجازفاروقی ممتاز دانشور خان ظفر افغانی،پروفیسر ڈاکٹر ظفر عارف ،سیکریٹری جنرل جنگ گروپ ایمپلائز یونین شکیل یامین کانگا،رکن پی ایف یو جے واجداصفہانی ،سینئر صحافی رفیق شیخ ،اینکر رضوان جعفر گلوکا امجد رانا،معروف کامیڈین سلیم آفریدی ،دانشوروں اور مختلف شعبہ ہائی زندگی سے تعلق رکھنے والے افراد کے علاوہ ایم کیوایم مختلف شعبہ جات کے اراکین ، ٹاؤن آرگنائرز ، یوسی آرگنائزرزکے ذمہ داران وکارکنان اور ہمدردوں نے بڑ تعداد میں شرکت کی۔

















تصاویر