لاہور میں کم عمر بچی سنبل کو درندہ صفت عناصر کی جانب سے زیادتی کا نشانہ بنانے کے مذموم واقعہ پر ایم کیوایم شعبہ خواتین کا اظہار مذمت

Posted on: 9/14/2013

معصوم بچی سے زیادتی میں ملوث عناصر خواتین کے بنیادی حقوق کی پامالی کے مرتکب ہوئے ہیں اور قانون کی سخت گرفت کے مستحق ہیں، ایم کیوایم شعبہ خواتین
زیادتی کا نشانہ بننے والی معصوم بچی اور اس کے اہل خانہ سے ایم کیوایم شعبہ خواتین کی جانب سے دلی ہمدردی کا اظہار
کراچی ۔۔۔14، ستمبر2013ء
متحدہ قومی موومنٹ شعبہ خواتین کی انچارج وحق پرست رکن قومی اسمبلی کشور زہرا اورشعبہ خواتین کی اراکین نے لاہور میں کم عمر بچی سنبل کو درندہ صفت عناصر کی جانب سے زیادتی کا نشانہ بنانے کے واقعہ کی سخت ترین الفاظ میں مذمت کی ہے اورزیادتی کے اس مذموم واقعہ کو انسانیت سے محروم عناصر کی کارروائی قرار دیا ہے ۔اپنے مشترکہ بیان میں انہوں نے کہاکہ صوبہ پنجاب میں معصوم بچیوں اور خواتین کے ساتھ شرمناک واقعات کا تسلسل کے ساتھ رونما ہونا ملک بھر کے عوام کی دنیا بھر میں رسوائی کا سبب بن رہا ہے جس کا فی الفور سدباب کرنا پنجاب حکومت کی بنیادی ذمہ داری ہے ۔ انہوں نے کہا کہ خواتین اور معصوم بچیوں سے زیادتی میں ملوث عناصر خواتین کے بنیادی حقوق کی پامالی کے نہ صرف مرتکب ہیں بلکہ قانون کی سخت گرفت کے بھی مستحق ہیں ۔انہوں نے زیادتی کا نشانہ بننے والی سنبل اور اس کے اہل خانہ سے دلی ہمدردی کااظہار کیا اور معصوم بچی کی جلد و مکمل صحت یابی کیلئے دعا بھی کی ۔ شعبہ خواتین کی انچارج کشور زہرا اور اراکین نے حکومت پنجاب سے مطالبہ کیا کہ لاہور میں کم عمر بچی سنبل کو زیادتی کا نشانہ بنانے میں ملوث درندہ صفت عناصر کو فی الفور گرفتار کیاجائے اور پنجاب بھر سے خواتین اور معصوم بچیوں سے زیادتی اورظلم وناانصافی کے واقعات کی روک تھام کیلئے ٹھوس اور عملی اقدامات بروئے کار لائے جائیں۔

12/10/2025 3:24:33 PM

شہیدوں کے لواحقین کو یادگارشہداء اور شہداء قبرستان جانے تک کی اجازت ن... 09 Dec 2025	یوم شہدا کے موقع پر ایم کیوایم امریکہ کی جانب سے خصوصی ترا نہ ”شہیدوں ... 08 Dec 2025
صرف الطاف حسین ہی کے لئے نہیں بلکہ عمران خان کے لئے بھی اپنے بڑے پن کا... 07 Dec 2025	کہا جارہا ہے کہ پی ٹی آئی والوں کے پاس دو راستے ہیں کہ وہ عمران خان سے... 07 Dec 2025
پیپلزپارٹی نے اس طرح یہ تاثردیاکہ سندھی ثقافت توڑپھوڑ، جلاؤ گھیراؤاورت... 07 Dec 2025	تحریک انصاف والوں نے مجھ پربہتان لگاکر سُر چھیڑا ہے،اب انہیں پورا راگ ... 06 Dec 2025
ایم کیوایم نے فرسودہ جاگیردارانہ نظام اور کرپٹ اقتدارمافیا کو چیلنج ک... 06 Dec 2025	ایم کیوایم کے بانی وقائد جناب الطاف حسین نے پاکستان کی تیزی سےبدلتی ہ... 03 Dec 2025
اس سال میں بہت کچھ ہواہے اورمیں کہہ رہا ہوں کہ مستقبل قریب میں بھی بہت... 03 Dec 2025	ایم کیوایم کی کوآرڈی نیشن کمیٹی کے ارکان کا معصوم ابراہیم کے سوگوارلوا... 02 Dec 2025