رمضان المبارک میں غیراعلانیہ اور مسلسل کی جانے والی لوڈشیڈنگ کا سلسلہ بند کیا جائے۔ خواجہ اظہار الحسن
بجلی کے بحران کی وجہ سے شہریوں کو شدید پریشانیوں کا سامنا ہے، مارکیٹوں میں کاروبار بھی شدید متاثر ہورہا ہے
حکومت سندھ بھی اس معاملے پر یکسر لاتعلق ہوکر رہ گئی اور مشکلات کا سامنا عوام کو کرنا پڑرہا ہے۔ خواجہ اظہار الحسن
تمام تر حکومتی وعدوں کے باوجود غیراعلانیہ لوڈشیڈنگ قابل مذمت ہے۔ شہریوں کو اس عذاب سے نجات دلائی جائے۔ خواجہ اظہار الحسن
کراچی ۔۔۔ 7 جون 2016 ء
ایم کیوایم کے رہنمااورسندھ اسمبلی میں اپوزیشن لیڈر خواجہ اظہارالحسن نے کراچی میں مسلسل غیراعلانیہ لوڈشیڈنگ کی شدید مذمت کی ہے۔ اپنے ایک بیان میں انہوں نے کہا کہ کے الیکٹرک کی انتظامیہ کی جانب سے ایک طرف تویہ دعوے کئے جارہے ہیں کہ رمضان المبارک میں کہیں غیراعلانیہ لوڈشیڈنگ نہیں کی جارہی ہے لیکن شہرکے بیشترعلاقے مسلسل بجلی کے بحران کا شکار ہیں جس کی وجہ سے نہ صرف شہریوں کوشدید پریشانیوں کا سامنا ہے بلکہ مارکیٹوں میں کاروباربھی شدیدمتاثرہورہاہے۔حکومت سندھ بھی اس معاملے پر یکسر لاتعلق ہوکر رہ گئی اورمشکلات کا سامنا عوام کوکرناپڑرہاہے۔خواجہ اظہارالحسن نے مطالبہ کیاکہ رمضان المبارک میں کی غیراعلانیہ اورمسلسل کی جانے والی لوڈشیڈنگ کا سلسلہ بند کیا جائے اور شہریوں کواس عذاب سے نجات دلائی جائے۔