Altaf Hussain  English News  Urdu News  Sindhi News  Photo Gallery
International Media Inquiries
+44 20 3371 1290
+1 909 273 6068
[email protected]
 
 Events  Blogs  Fikri Nishist  Study Circle  Songs  Videos Gallery
 Manifesto 2013  Philosophy  Poetry  Online Units  Media Corner  RAIDS/ARRESTS
 About MQM  Social Media  Pakistan Maps  Education  Links  Poll
 Web TV  Feedback  KKF  Contact Us        

ایم کیوایم کے کارکنان کی بلاجواز گرفتاریوں اور لاپتہ کرنے سلسلے کے خلاف سکھر پریس کلب کے سامنے ایم کیوایم کا احتجاجی دھرنا


 ایم کیوایم کے کارکنان کی بلاجواز گرفتاریوں اور لاپتہ کرنے سلسلے کے خلاف سکھر پریس کلب کے سامنے ایم کیوایم کا احتجاجی دھرنا
 Posted on: 6/1/2016 1
ایم کیوایم کو کچلنے اور محب وطن ایم کیوایم کے کارکنان کو مسلسل جبر و تشدد، دھونس، دھمکیاں دینے کا سرکاری اور غیر سرکاری عمل جاری ہے۔ رکن رابطہ کمیٹی عبد الحسیب
ایم کیوایم ایک لبرل اور جمہوریت پسند جماعت ہے جو گزشتہ تین دہائیوں سے قائد تحریک جناب الطاف حسین کی قیادت میں تمام بلدیاتی اور عام انتخابات میں کامیابیاں حاصل کرتی چلی آرہی ہے۔ رکن رابطہ کمیٹی اقبال مقدم
اوچھے ہتھکنڈے ہمیں اپنے مقصد سے پیچھے نہیں ہٹا سکتے ہم کل بھی قائد کے وفادار تھے اور مرتے دم تک قائد سے وفا کے تمام تقاضوں کو نبھائیں گے۔ ڈسٹرکٹ انچارج شہزاد گلفام
متحدہ قومی موومنٹ سکھر ڈسٹر کٹ کے زیر اہتما م سکھر پر یس کلب کے سامنے پرامن احتجاجی دھرنے کے شرکاء سے خطاب 
سکھر ۔۔۔ 01؍ جون 2016ء
متحدہ قومی موومنٹ سکھر ڈسٹرکٹ کے زیراہتمام سکھر پریس کلب پر ایم کیوایم حیدرآباد کے سینئر کارکن وسا بقہ سیکٹرانچا رج ند یم قاضی کی غیرقانونی گرفتاری اور لاپتہ کرنے اور ایم کیو ایم کے کارکنا ن کے گھروں پر چھاپے و گرفتاری سمیت حق پرست بلدیاتی نمائندوں کو اختیار منتقل نہ کرنے کے خلا ف احتجاجی دھرنا دیا گیا۔ احتجاجی دھرنا صبح 08بجے سے رات 08بجے تک جا ری رہا، احتجاجی دھرنے میں رابطہ کمیٹی پاکستان کے اراکین عبد الحسیب ، اقبال مقدم، سند ھ تنظیمی کمیٹی کے اراکین اصغر کامریڈ ناہید بیگم، سکھر ڈسٹرکٹ کے انچارج شہزادہ گلفام و اراکین ڈسٹرکٹ کمیٹی، حق پرست ایم پی اے دیوان چندچاؤلہ سمیت یونٹس کے ذمہ دران و کارکنان ،شعبہ خواتین، اے پی ایم ایس او، لیبرڈویثرن ،ڈسٹرکٹ الیکشن سیل، سول سوسائٹی ،تاجر انجمنوں، مختلف سیاسی و مذہبی جماعتوں کے رہنماؤں اور حق پرست عوام نے کثیر تعداد میں شرکت کی۔ احتجاجی دھرنے کے شرکاء سے خطاب کرتے ہوئے رکن ایم کیوایم رابطہ کمیٹی عبد الحسیب نے کہا کہ ایم کیو ایم کو کچلنے اور محب وطن ایم کیوایم کے کارکنان کو مسلسل جبر و تشدد ، دھونس ، دھمکیاں دینے کا سرکاری اور غیر سرکاری عمل جاری ہے۔ شرکاء سے خطاب کرتے ہوئے رکن ایم کیو ایم رابطہ کمیٹی اقبا ل مقدم نے کہا کہ ایم کیوایم ایک لبرل اور جمہوریت پسند جماعت ہے جو گزشتہ تین دہائیوں سے قائد تحریک جناب الطاف حسین کی قیادت میں تمام بلدیاتی اور عام انتخابات میں کامیابیاں حاصل کرتی چلی آرہی ہے اور سندھ کے شہری علاقوں کے عوام پچھلے تمام عام انتخابات و بلدیاتی انتخابات میں اپنی نمائندگی کا حق ایم کیو ایم کو دیتے رہے ہیں لیکن ایم کیو ایم کو حاصل اس عوامی مینڈیٹ کو تسلیم کرنے سے عوام دشمن قوتیں مسلسل انکار کررہی ہیں۔ اس موقع پردھرنے کے شرکاء سے سکھر ڈسٹر کٹ کے انچارج شہزا دہ گلفام نے گفتگو کر تے ہو ئے کہا کہ ہم اس ریاستی بربریت کی شدید الفاظ میں مذمت کرتے ہیں اور اس عزم کا اعادہ کرتے ہیں کہ اس طرح کے اوچھے ہتھکنڈے ہمیں اپنے مقصد سے پیچھے نہیں ہٹا سکتے ہم کل بھی قائد کے وفا دار تھے اور مرتے دم تک قائد سے وفا کے تمام تقاضوں کو نبھائیں گے۔ ا نہو ں نے کہا کہ ہم محب وطن ارباب اختیار و اقتدار سے مطالبہ کرتے ہیں کہ وہ ملکی اداروں کو متعصب لوگوں سے پاک کیا جائے اور ایم کیو ایم کے مینڈیٹ کو تسلیم کیا جائے اور ایم کیوایم کے خلاف روز روز نئی سازشیں بند کی جائیں۔ بعدا زاں رابطہ کمیٹی کے رکن عبد الحسیب نے چیف آف آرمی اسٹا ف جنر ل را حیل شریف اور چیف جسٹس آف پا کستان سے مطالبہ کیا کہ ندیم قاضی سمیت ایم کیو ایم کے تما م لا پتہ کارکنان کو فی الفور بازیاب کرایا جائے۔






12/5/2016 12:42:47 PM