حقیقی دہشت گردوں کی فائرنگ سے شہید ہونیوالے ایم کیوایم ملیر ٹاؤن کے کارکنان سید عاصم حسین اور امیر حیدر کا سوئم
سوئم کے اجتماع میں رابطہ کمیٹی کے ارکان عارف خان ایڈووکیٹ، مطیع الرحمن، حق پرست اراکین قومی و صوبائی اسمبلی، سی ای سی کے اراکین، ذمہ داران کارکنان اور شہداء کے عزیز واقارب کی شرکت
کراچی ۔۔۔30، مئی 2016ء
حقیقی دہشت گردوں کی فائرنگ سے ملیر جعفر طیار سوسائٹی میں شہید ہونے والے متحدہ قومی موومنٹ ملیر ٹاؤن کے کارکنان سید عاصم حسین اور امیر حید کا سوئم جعفر طیار سوسائٹی میں واقع مرکز امام بارگاہ میں ہوا جس میں شہداء کی روح کے ایصال ثواب کیلئے مجلس منعقد ہوئی اور فاتحہ خوانی کی گئی۔ سوئم کے اجتماع میں ایم کیوایم کی رابطہ کمیٹی کے ارکان عارف خان ایڈووکیٹ، مطیع الرحمن، ایم کیوایم سینٹرل ایگزیکٹو کونسل کے اراکین، حق پرست اراکین قو می وصوبائی اسمبلی ، ایم کیوایم ملیر ٹاؤن کے آرگنائز و آرگنائزنگ کمیٹی کے اراکین، یوسیز کے ذمہ داران، کارکنان ، ہمدردوں اور شہداء کے عزیز و اقارب نے بڑی تعداد میں شرکت کی ۔