Altaf Hussain  English News  Urdu News  Sindhi News  Photo Gallery
International Media Inquiries
+44 20 3371 1290
+1 909 273 6068
[email protected]
 
 Events  Blogs  Fikri Nishist  Study Circle  Songs  Videos Gallery
 Manifesto 2013  Philosophy  Poetry  Online Units  Media Corner  RAIDS/ARRESTS
 About MQM  Social Media  Pakistan Maps  Education  Links  Poll
 Web TV  Feedback  KKF  Contact Us        

مہاجر قوم پر جو ظلم و ستم ہورہا ہے اس سے ہمارے قدم لڑ کھڑانے والے نہیں ہیں، آرمی چیف ایم کیوایم کے نوجوانوں کو گلے لگائیں ،کارکنان ملک کے استحکام اور سا لمیت کیلئے جانیں قربان کرنے کیلئے تیار ہیں، سینئر ڈپٹی کنوینر عامر خان


مہاجر قوم پر جو ظلم و ستم ہورہا ہے اس سے ہمارے قدم لڑ کھڑانے والے نہیں ہیں، آرمی چیف ایم کیوایم کے نوجوانوں کو گلے لگائیں ،کارکنان ملک کے استحکام اور سا لمیت کیلئے جانیں قربان کرنے کیلئے تیار ہیں، سینئر ڈپٹی کنوینر عامر خان
 Posted on: 5/29/2016
مہاجر قوم پر جو ظلم و ستم ہورہا ہے اس سے ہمارے قدم لڑ کھڑانے والے نہیں ہیں، آرمی چیف ایم کیوایم کے نوجوانوں کو گلے لگائیں، کارکنان ملک کے استحکام اور سا لمیت کیلئے جانیں قربان کرنے کیلئے تیار ہیں، سینئر ڈپٹی کنوینر عامر خان 
ضمیر فروشوں کے ٹولہ کو استعمال کرکے مہاجروں کی طاقت کو پارہ پارہ کرنے کی گھناؤنی سازش کی جارہی ہے، رکن رابطہ کمیٹی محمد کمال 
کراچی صوبے کی قرار داد سندھ اسمبلی میں خود پیش کروں گا ، نامزد حق پرست امیدوار محفوظ یار خان
پیپلزپارٹی اور مسلم لیگ ن نے سیاست کو پیسہ بنانے والی انڈسٹری بنایا ہوا ہے، نامزد حق پرست میئر وسیم اختر
پی ایس 106کی سیٹ کو چند پیسوں کی خاطر چھوڑنے والا بد نصیب اب کونسلر کا الیکشن بھی لڑے گا تو اسے اس کے گھر والے بھی ووٹ نہیں دیں گے ، حق پرست رکن سندھ اسمبلی عظیم فاروقی 
پی ایس 106میں کی انتخابی مہم کے سلسلے میں الکرم اسکوائر لیاقت آباد میں منعقدہ بڑی انتخابی اجتماع کے شرکاء سے خطاب
کراچی ۔۔۔29، مئی 2016ء
متحدہ قومی موومنٹ کی رابطہ کمیٹی کے سینئر ڈپٹی کنوینر عامر خان نے کہا ہے کہ کراچی کے عوام نے 1993ء کے الیکشن میں ثابت کیا تھا کہ وہ مہاجروں میں تقسیم کا عمل نہیں ہونے دیں گے ،مہاجر قوم پر جو ظلم و ستم ہورہا ہے اس سے ہمارے قدم لڑ کھڑانے والے نہیں ہیں، ملک میں آج کوئی مہاجروں کے بغیر حکومت نہیں بنا سکتا اور سب کو آکر نائن زیرو پر سر جھکانا پڑتا ہے اور جب ہی جاکر ملک میں حکومت بنتی ہے،آرمی چیف ایم کیوایم کے نوجوانوں کو گلے لگائیں اور ایم کیوایم کے کارکنان پاکستان کے استحکام اور سا لمیت کیلئے اپنی جانیں قربان کرنے کیلئے تیار ہیں۔ان خیالات کااظہار انہوں نے اتوار کے روز لیاقت آباد الکرم اسکوائر پر پی ایس 106کی نشست پر ہونے والے ضمنی الیکشن میں نامزد حق پرست امیدوار محفوظ یار خان کی انتخابی مہم کے سلسلے میں منعقدہ بڑاجتماع کے شرکاء سے خطاب کرتے ہوئے کیا جو بعد میں جلسہ کی شکل اختیار کرگئی ۔ کارنر میٹنگ میں پی ایس 106کے علاقے شریف آباد ، موسیٰ کالونی ، اسحاق آباد ، غریب آباد ، بندھانی کالونی ، یوسی 2ابن سینا ، لیاقت آباد 2، 4نمبر ، لیاقت آباد 10، 9، 8، پیلی کوٹھی اور راجپوت کالونی سمیت دیگر علاقوں سے تعلق رکھنے والے نوجوانوں ، بزرگوں اور خواتین ریلیوں اور جلوسوں کی شکل میں ہزاروں کی تعداد میں شرکت کی۔کارنر میٹنگ سے ایم کیوایم کی رابطہ کمیٹی کے رکن محمد کمال ،نامزد حق پرست امیدوار محفوظ یار خان اور حق پرست رکن سندھ اسمبلی عظیم فاروقی نے بھی خطاب کیا۔عامر خان نے اپنے خطاب میں کہا کہ لیاقت آبادجناب الطاف حسین کے چاہنے والوں اورجیالوں کا علاقہ ہے اور مجھے اس بات پر فخر ہے کہ میرا تعلق بھی لیاقت آباد سے ہے ۔انہوں نے کہا کہ گزشتہ تین برس سے ایم کیوایم کے کارکنان پر ریاستی آپریشن مسلط ہے ، ماورائے عدالت قتل اور جبری طور پر لاپتہ کیاجارہا ہے لیکن اس باوجود عوام جناب الطاف حسین کے ساتھ کھڑے ہیں جو لوگ یہ سمجھنے ہیں کہ وہ چند مفاد پرست ، چائنا کٹنگ کے ماسٹروں اور ٹارگٹ کلنگ والوں کو ایک جگہ اکٹھا کر مہاجر قوم میں تقسیم کردیں گے انہیں یاد دلانا چاہتا ہوں کہ 1992ء میں ایک ایسا ہی عمل ہوا تھا جب حقیقی کو لایا گیا تھا اور میں بھی اس کا حصہ تھا لیکن کراچی کے عوام نے 1993ء کے الیکشن میں ثابت کیا تھا کہ وہ ایسی کسی سازش اور مہاجروں میں تقسیم کا عمل نہیں ہونے دیں گے ۔ 
انہوں نے کہاکہ 1992ء میں جس طرح حقیقی دہشت گردوں کو مٹی چٹا دی گئی تھی اسی طرح 2جون کو جو عناصر سازش کررہے ہیں انہیں بتاناہے کہ مہاجر عوام الطاف حسین کے ساتھ تھی اور ہے ۔ انہوں نے کہاکہ مہاجر قوم پر جو ظلم و ستم ہورہا ہے اس سے ہمارے قدم لڑ کھڑانے والے نہیں ہیں لیکن اس کے باوجود ہمارے حوصلے جوان ہیں ، ہمارے اجداد نے ہی اس پاکستان کو بنایا تھا اور 20لاکھ جانیں قربان کیں جو عناصر یہ سوچ رہے ہیں کہ وہ مہاجر اتحاد کو پارہ پارہ کردیں گے انہیں بتا دوں کہ اللہ تعالیٰ نے ان کے نصیب میں ذلت لکھی ہے اور ذلت ان کا مقدر بنے گی ، کراچی سے لیکر حیدرآباد، میر پور خاص اور پاکستان بھر کے لوگ جناب الطاف حسین سے جڑے ہوئے ہیں کیونکہ جناب الطا ف حسین نے مہاجر قوم کو شناخت دی ہے ، ملک میں آج کوئی مہاجروں کے بغیر حکومت نہیں بنا سکتا اور سب کو آکر نائن زیرو پر سر جھکانا پڑتا ہے اور جب ہی جاکر ملک میں حکومت بنتی ہے ۔ انہوں نے چیف جسٹس سپریم کورٹ ، چیف جسٹس سندھ ہائی کورٹ سے اپیل کی کہ کراچی ، حیدرآباد شہر کو تباہ برباد کردیا گیا ہے خدارا بلدیاتی نمائندوں کے انتخابات کا انعقاد جلد ممکن بنایاجائے تاکہ منتخب نمائندے عوام کو مشکلات اور پریشانیوں سے نجات دلا سکیں ۔ انہوں نے کہاکہ چیف آف آرمی اسٹاف سے جناب الطا ف حسین نے اپیل کی تھی کہ ہم پاکستان کے دوست ہیں اور پاکستان کو بچانا چاہتے ہیں خدارا آرمی چیف اس پیغام کو محسوس کریں کیونکہ پاکستان شدید بحران سے دوچار ہے ، افغان اور ایران اور انڈیا کے مسائل چل رہے ہیں ،ہمارے تعلقات ان ممالک سے خراب ہوچکے ہیں ، آرمی چیف ایم کیوایم کے نوجوانوں کو گلے لگائیں اور ایم کیوایم کے کارکنان پاکستان کے استحکام اور سا لمیت کیلئے اپنی جانیں قربان کرنے کیلئے تیار ہیں ۔ رابطہ کمیٹی کے رکن محمد کمال نے کہاکہ 5دسمبر کو کراچی میں بلدیاتی الیکشن ہوئے دنیا بھر میں کہیں بھی الیکشن ہوتے ہیں ایک ہفتے میں منتخب نمائندے کو اس کے عہدے کا چارج دیا جاتا ہے تاکہ وہ لوگوں کی خدمت کرسکے لیکن اس ملک کے قانون بنانے والے اور عملدرآمد کرانے والے افسوس یہ ہے کہ چھ مہینے گزر چکے ہیں بلدیاتی الیکشن ہوئے اور حق پرست نمائندے کو جمہوری حق سے محروم رکھا جارہا ہے ۔ انہوں نے کہاکہ نام نہاد قوتیں ایم کیوایم جیسی جمہوری جماعت کو ختم کرنے کیلئے اوچھے ہتھکنڈے استعمال کررہے ہیں لیکن میں تنبیہ کردوں کہ مہاجر قوم وفادار اور باشعور ہے ، آج ضمیر فروشوں کے ٹولہ کو استعمال کرکے مہاجروں کی طاقت کو پارہ پارہ کرنے کی گھناؤنی سازش کی جارہی ہے ۔ انہوں نے کہاکہ کراچی صوبہ ہماری منزل اور ہمارے مسائل کا حل ہے اور آئندہ ایم کیوایم کی جدوجہد صرف اور صرف کراچی صوبے کیلئے ہوگی ۔ نامزد حق پرست امیدوار برائے پی ایس 106محفوظ یار خان نے کہا کہ جب ساتھیوں کی شہادت کی بات آتی ہے تو ہم ان ساتھیوں کیلئے دعائے مغفرت کرتے ہیں لیکن اس دعا میں ہم اپنے ان ساتھیوں کو فراموش نہیں کرتے جو متحدہ قومی موومنٹ سے قبل اردو کی حمایت میں شہید ہوئے انہیں ہم زبردست خراج عقیدت آج بھی پیش کرتے ہیں ۔ انہوں نے کہاکہ میرے سامنے واقع مسجد شہداء میں وہ لوگ دفن ہیں جنہیں گولی تین ہٹی ، لالو کھیت ڈاکخانہ یا کریم آباد میں لگی ہو اس وقت ساتھی ان کی میتوں کو میرے گھر لے آتے تھے ہم ان کی تدفین کرتے تھے ۔ انہوں نے شہدائے اردو نے ظلم و جبر اور استبداد کے خلاف ہر وقت حق گوئی کی ۔انہوں نے کہاکہ کراچی صوبے کی قرار داد سندھ اسمبلی میں میں خود پیش کروں گا اور قائد تحریک جناب الطاف حسین کی قیادت میں یہ صوبہ ضرور بنے گا ۔ انہوں نے عوام سے اپیل کی کہ وہ 2جون کو زیادہ سے زیادہ تعداد میں پتنگ کے انتخابی نشان پر مہر ثبت کریں ۔ نامزد حق پرست میئر کراچی وسیم اختر نے کہا کہ ضمنی الیکشن میں ہمارا مقابلہ اس سازشی ٹولے سے ہے جو مائنس ون فارمولے پر عمل پیرا ہے اور ایم کیوایم کے ووٹ بنک کو توڑنا چاہتے ہیں ، الیکشن تو ہم جیت ہی جائیں گے مگر ہم نے یہ ثابت کرنا ہے کہ جو الزامات قائدتحریک جناب الطاف حسین پر لگائے جارہے ہیں ، اس کی آڑ میں ان کی آواز ، تصویر پر پابندی لگا دی گئی ہے ، ہم پر ’’را‘‘ ، دہشت گردی ، ٹارگٹ کلنگ کا الزام لگایا گیا ہے ہمیں ان الزامات کو بھی رد کرنا ہے۔ انہوں نے کہاکہ الزامات کو رد کرنے والے سب سے بڑی عدالت عوام کی ہوتی ، اب وقت آچکا ہے کہ مہاجر قوم اور وہ ہماری مظلوم قومیتیں جو یہاں مختلف صوبوں سے تعلق رکھتی ہیں ان سب پر یہ ذمہ داری عائد ہوتی ہے کہ ایم کیوایم پر لگنے والے ان الزامات کو رد کریں اور اس کا سب سے اچھا طریقہ یہ ہے کہ آپ 2جون کو زیادہ سے زیادہ تعداد میں حق پرست امیدوار کو ووٹ دیکر کامیاب بنائیں ۔انہوں نے کہاکہ پیپلزپارٹی اور مسلم لیگ ن نے سیاست کو پیسہ بنانے والی انڈسٹریاں بنایا ہوا ہے اور یہ جماعتیں ملک میں مثبت تبدیلی کی مخالف ہیں ۔ انہوں نے سپریم کورٹ سے اپیل کی کہ فیصلے کے مطابق 60دن کے اندر میئر ، ڈپٹی میئر کے الیکشن یقینی بنائیں ۔حق پرست رکن صوبائی اسمبلی عظیم فاروقی نے کہاکہ پی ایس 106کی ضمنی نشست جس شخص کو قائد تحریک جناب الطاف حسین نے دی اس نے چند پیسوں کی خاطر یہ سیٹ چھوڑ دی اور وہ بد نصیب اس بات کو نہیں جانتا کہ اب اگر وہ کونسلر کے لئے بھی الیکشن لڑے گا تو اسے اس کے گھر والے بھی ووٹ نہیں دیں گے ۔ انہوں نے جناب الطاف حسین پاکستان کی وہ واحد شخصیت ہیں جن کیلئے ہر ماں ،بہن ، بھائی اوربیٹی قربان ہونے کیلئے تیار ہے ۔





مزید تصاویر

12/11/2016 12:07:12 AM