ایم کیوایم نے غیرقانونی گرفتاریوں کے خلاف سندھ بھر میں چھ روزہ احتجاجی مظاہروں کے شیڈول کااعلان کردیا

کراچی۔۔۔۔29مئی 2016ء

متحدہ قومی موومنٹ نے حیدر آباد زون کے سابق سیکٹر انچارج ندیم قاضی و دیگر بے گناہ کارکنان کی غیر قانونی گرفتاریوں اور انہیں عدالت میں پیش نہ کرنے کے خلاف سندھ بھر میں چھ روزہ احتجاجی مظاہروں اور دھرنوں کااعلان کیا ہے ۔ایم کیوایم کے اعلامیہ کے مطابق حیدرآباد کے سابق سیکٹرانچارج ندیم قاضی سمیت دیگربے گناہ کارکنان کی غیرقانونی گرفتاریوں اور گرفتاری کے بعد انہیں لاپتہ کرنے کے واقعات کے خلاف احتجاجی مظاہرے اور دھرنے سندھ کے مختلف شہروں کے پریس کلب کے سامنے کیے جائیں گے ۔ احتجاجی مظاہروں اور دھرنوں کا آغاز 30مئی 2016سے کیاجائے گا جوکہ 04جون2016 ء جاری رہے گا۔ اس سلسلے میں کل بروز پیر مورخہ30مئی 2016ء کو حیدر آباد، ٹھٹھہ او رسجاول ،31مئی 2016ء میر پور خاص ، عمرکوٹ ،یکم جون 2016ء کو سکھر ، خیر پور، گھوٹکی ،02جون 2016ء کو ٹنڈوالہیار، قمبر شہدادکوٹ ، کشمور، جیکب آباد ،03جوان 2016ء کو سانگھڑ ، جام شورو ، لاڑکانہ ، شکار پور اور 04جون 2016ء کو نواب شاہ، نوشہرو فیروز ا،دادوکے پریس کلب کے سامنے احتجاجی مظاہرے اور دھرنے دیئے جائیں گے ۔