پاکستان عوامی تحریک کے مرکزی سیکریٹری جنرل خرم نواز گنڈا پور نے اتوار کو ایم کیوایم کے مرکز نائن زیرعزیز آباد کادورہ

کراچی ۔۔۔29، مئی 2016ء 

پاکستان عوامی تحریک کے مرکزی سیکریٹری جنرل خرم نواز گنڈا پور کی سربراہی میں نمائندہ وفد نے اتوار کو ایم کیوایم کے مرکز نائن زیرعزیز آباد کادورہ کیا اور رابطہ کمیٹی کے سینئر ڈپٹی کنوینر ڈاکٹر فاروق ستار سے ملاقات کی اس موقع پر رابطہ کمیٹی کے ارکان سید امین الحق اور شبیر قائم خانی بھی موجود تھے ۔ ملاقات میں خرم نواز گنڈا پور نے 17جون کو پاکستان عوامی تحریک کے زیر اہتمام لاہور میں ہونے والے اجتماع میں شرکت کی ایم کیوایم کو دعوت دی ۔ خرم نواز گنڈا پور نے رابطہ کمیٹی کے سینئر ڈپٹی کنوینر ڈاکٹر فاروق ستار سے ایم کیوا یم کے کارکن آفتاب احمد کی رینجرز حراست میں شہادت پر گہرے دکھ اور افسوس کااظہار کیا اور ان کی مغفرت کیلئے دعا بھی کی ۔ ملاقات میں ملک کی سیاسی صورتحال پر بھی تبادلہ خیال کیا گیا ۔ وفد میں پاکستان عوامی تحریک کے ایڈیشنل سیکریٹری جنرل غلام فرید ، کراچی ڈویژن کے صدر علی اوسد اور دیگر عہدیداران بھی موجود تھے ۔