حقیقی دہشت گردوں کی جانب سے لائنزایریا ٹاؤن میں شدید ہوائی فائرنگ کرنے اور کمیٹی کے رکن مسرور اور کارکن ولی محمد کو بہیمانہ تشدد کا نشانہ بنا کر شدید زخمی کرنے پر رابطہ کمیٹی کا اظہار مذمت
ایم کیوایم کے نہتے کارکنان کو تشدد کا نشانہ بنانے والے حقیقی دہشت گردوں کو گرفتار کرکے عبرت ناک سزا دی جائے، رابطہ کمیٹی
مسرور اور کارکن ولی محمد میدان کے باہر بیٹھے تھے کہ 40 سے 50 موٹر سائیکلوں پر سوار حقیقی دہشت گردوں نے انہیں بہیمانہ تشدد کا نشانہ بنایا
حقیقی دہشت گردوں نے گزشتہ دنوں بھی فائرنگ کرکے ملیر ٹاؤن کے کارکنان عاصم حسین، فہد ذکی اور ہمدرد امیر کو شہید کیا تھا
جبکہ لانڈھی، شاہ فیصل کالونی اور کورنگی میں بھی حقیقی دہشت گردوں نے دہشت گردی کا بازار گرم کر رکھا ہے
ایم کیوایم کو ختم کرنے کے لئے جرائم پیشہ حقیقی دہشت گردوں کو کھلی چھوٹ دیدی گئی ہے جس کے باعث شہر میں حقیقی دہشت گردوں کی کارروائیاں بڑھتی جارہی ہے اور ایک بار پھر شہر میں نوگوایریا قائم ہوتے نظر آرہے ہیں
حقیقی دہشت گردوں کی جانب سے کارکنان کو تشدد کا نشانہ بنانے کے واقعات کا سختی سے نوٹس لیا جائے اور تشدد میں ملوث دہشت گردوں کو گرفتار کرکے سزا دی جائے، رابطہ کمیٹی کا مطالبہ
کراچی:۔۔۔29؍مئی2016ء
متحدہ قومی موومنٹ کی رابطہ کمیٹی نے جرائم پیشہ حقیقی دہشت گردوں کی جانب سے لائنزایریاٹاؤن میں شدیدہوائی فائرنگ اورایم کیوایم لائنز ایریا ٹاؤن آرگنائزنگ کمیٹی کے رکن سروراور کارکن ولی محمد کوبہیمانہ تشددکا نشانہ بناکرشدیدزخمی کرنے کی سخت ترین الفاظ میں مذمت کی ہے اورمطالبہ کیاہے کہ ایم کیوایم کے نہتے کارکنان کوتشدد کا نشانہ بنانے والے حقیقی دہشت گردوں گرفتارکرکے عبرت ناک سزا دی جائے۔ایک بیان میں رابطہ کمیٹی نے واقعے کی تفصیلات بتاتے ہوئے کہاکہ لائنزایریا ٹاؤن کمیٹی کے رکن مسروراورکارکن ولی محمد لائنزایریا میں واقع چھوٹو میدان کے باہربیٹھے ہوئے تھے کہ40سے 50 موٹرسائیکلوں پرسوارحقیقی دہشت گردوں نے انہیں بہیمانہ تشدد کا نشانہ بنایا اور جان سے مارنے کی کوشش کی اور شدید زخمی حالت میں چھوڑکرفائرنگ کرتے ہوئے چلے گئے جس کے بعدمسروراور اور ولی محمد کوجناح ہسپتال لے جایاگیاجہاں انہیں طبّی امدادفراہم کی جارہی ہے۔رابطہ کمیٹی نے کہا کہ چندروزقبل بھی ملیرکے علاقے میں حقیقی دہشت گردوں نے فائرنگ کرکے کارکنان عاصم حسین ، فہد ذکی کو شہید اور ہمدرد امیر حیدر کو زخمی دیاتھااسی طرح لانڈھی ،شاہ فیصل کالونی اورکورنگی میں بھی حقیقی دہشت گردوں نے دہشت گردی کا بازار گرم کررکھاہے ۔رابطہ کمیٹی نے مزیدکہاکہ ایم کیوایم کوختم کرنے کے لئے حقیقی دہشت گردوں کوکھلی چھوٹ دیدی گئی ہے جس کے باعث شہرمیں حقیقی دہشت گردوں کی کارروائیاں بڑھتی جارہی ہے اور ایک بار پھر شہر میں نوگوایریا قائم کردیئے گئے ہیں۔رابطہ کمیٹی نے کہاکہ شہرمیں بھاری نفری اوررینجرزکی موجودگی میں جدید ہتھیاروں سے مسلح حقیقی دہشت گردوں کا سرعام ایم کیوایم کے دفاتراورکارکنان کے گھروں اورباہر بیٹھے کارکنان پرمسلح حملے کے واقعات اس بات کاثبوت ہیں کہ جرائم پیشہ حقیقی دہشت گردوں کوسرکاری سرپرستی حاصل ہے۔رابطہ کمیٹی نے وزیراعلیٰ سندھ سیدقائم علی شاہ، وزیر داخلہ سندھ انور سیال، ڈی جی رینجرزبلال اکبر اورپولیس کے اعلیٰ احکام سے مطالبہ کیاکہ وہ حقیقی دہشت گردوں کی جانب سے کارکنان کوتشدد کا نشانہ بنانے کے واقعات کاسختی سے نوٹس لیں اور تشدد میں ملوث حقیقی دہشت گردوں اور ان کے سرپرستوں کو گرفتار کرکے عبرتناک سزادیں۔