حق پرست عوام وکارکنان وزیراعظم پاکستان میاں محمدنوازشریف کی صحت یابی کے لئے اللہ تعالیٰ کے حضوردعائیں کریں،ڈاکٹرمحمدفاروق ستار
کراچی:۔۔۔28؍مئی2016ء
متحدہ قومی موومنٹ کی رابطہ کمیٹی کے سینئرڈپٹی ڈاکٹرمحمدفاروق ستارنے وزیراعظم پاکستان میاں محمدنوازشریف کی علالت پرگہری تشویش کااظہارکرتے ہوئے قائدتحریک الطا ف حسین اورایم کیوایم کی قیادت اورکارکنان کی جانب سے ان کی صحت یابی کے لئے دعاکی ہے۔ایک بیان میں ڈاکٹرمحمدفاروق ستارنے ملک بھرکے عوام اورایم کیوایم کی تحریک میں شامل تمام حق پرست ماؤں،بہنوں،بزرگوں،نوجوانوں اوربچوں بچیوں سے اپیل کی کہ وہ پاکستان کے وزیراعظم میں محمدنواز شریف کی جلدومکمل صحت یابی کے لئے اللہ تعالیٰ کے حضوردعائیں کریں۔