Altaf Hussain  English News  Urdu News  Sindhi News  Photo Gallery
International Media Inquiries
+44 20 3371 1290
+1 909 273 6068
[email protected]
 
 Events  Blogs  Fikri Nishist  Study Circle  Songs  Videos Gallery
 Manifesto 2013  Philosophy  Poetry  Online Units  Media Corner  RAIDS/ARRESTS
 About MQM  Social Media  Pakistan Maps  Education  Links  Poll
 Web TV  Feedback  KKF  Contact Us        

متحدہ قومی موومنٹ پاکستان کے مفاد میں وفاق کو مضبوط دیکھنا چاہتی ہے، ڈاکٹر محمد فاروق ستار


متحدہ قومی موومنٹ پاکستان کے مفاد میں وفاق کو مضبوط دیکھنا چاہتی ہے، ڈاکٹر محمد فاروق ستار
 Posted on: 5/27/2016
متحدہ قومی موومنٹ پاکستان کے مفاد میں وفاق کو مضبوط دیکھنا چاہتی ہے، ڈاکٹر محمد فاروق ستار
شفاف مردم شماری اور کرپشن کا خاتمہ قومی ایجنڈا ہے، ایم کیوایم کا سیاسی ایجنڈا اور منشور قومی ایجنڈا اور قومی منشور ہے
تمام سیاسی جماعتیں پانامہ لیکس کے معاملے پر اپنے مفادات کے تحت بات کررہی ہیں مگر صرف ایم کیوایم قومی مفاد کے تحت بات کررہی ہے
جیلوں میں ایم کیوایم کے اسیر کارکنان پر دباؤ غیرآئینی، غیرسیاسی اور غیرجمہوری ہی نہیں بلکہ سیاسی پانامہ لیکس ہے
پی ایس 117 کے ضمنی انتخاب کے سلسلے میں پی آئی بی جہانگیرروڈ ٹاؤن آفس امام بارگاہ شاہ نجف سے نکالی جانے والی انتخابی ریلی کے آغاز سے قبل میڈیا کے نمائندوں سے گفتگو 
کراچی:۔۔۔27؍مئی2016ء
متحدہ قومی موومنٹ کی رابطہ کمیٹی کے سینئرڈپٹی کنوینرڈاکٹرمحمدفاروق ستارنے کہاہے کہ ایم کیوایم کاسیاسی ایجنڈااورمنشورقومی ایجنڈا اور قومی منشورہے، ایم کیوایم پاکستان کے مفاد میں وفاق کومضبوط دیکھناچاہتی ہے۔ شفاف مردم شماری قومی ایجنڈاہے ،کرپشن کا خاتمہ قومی ایجنڈا ہے،تمام سیاسی جماعتیں پانامہ لیکس کے معاملے پراپنے اپنے مفادات کے تحت بات کررہی ہیں مگرایم کیوایم صرف قومی مفاد کے تحت بات کررہی ہے ،جیلوں میں اسیرایم کیوایم کے کارکنان پردباؤ غیرآئینی،غیرسیاسی اورغیرجمہوری ہے بلکہ سیاسی پانامہ لیکس ہے۔ان خیالات کا اظہار انہوں نے پی ایس 117کے ضمنی انتخاب کے سلسلے میں منعقدہونیوالی ریلی سے قبل میڈیاکے نمائندوں سے گفتگو کرتے ہوئے کیا۔ اس موقع پرنامزد حق پرست امیدوارمیجر(ر)سیدقمرعباس رضوی،رابطہ کمیٹی کے ارکان محمد حسین، زاہد منصوری، سینٹرل ایگزیکٹو کونسل کے ارکان ابوبکرصدیق،خالدسلطان، عوامی نمائندے،چیئرمین ووائس چیئرمین ،کونسلرز، ٹاؤن اوروارڈکے کارکنان اور حق پرست عوام کی بڑی تعداد موجود تھی ۔ڈاکٹرمحمدفاروق ستار نے کہاکہ ایم کیوایم کامنشورعوام کے مسائل کوحل کرناہے،انہیں باعزت روزگارمہیا کرنے کے ساتھ ساتھ بنیادی سہولیات فراہم کرناہے جس کے لئے ہم الیکشن کے بعدبلدیاتی اداروں کے لئے اختیارات حاصل کریں گے۔ انہوں نے کہاکہ یہ ایم کیویم کی خوبی ہے کہ ایم کیوایم ضمنی انتخاب کوبھی ایک چیلنج کے طورپرلیتی ہے جس میں عوام کومتحد کرنے کے لئے ان سے گھرگھررابطے کیے جاتے ہیں ۔انہوں نے کہاکہ اس مرتبہ انشاء اللہ تعالیٰ تمام سابقہ ریکارڈٹوٹ جائیں گے اورعوام کے تعاون سے نامزدحق پرست امیدوارمیجر (ر) سید قمرعباس رضوی بھاری اکثریت سے کامیابی حاصل کرینگے۔انہوں نے کہاکہ ہماری کامیابی کا فارمولایہ ہے کہ ہم ووٹرز سے صرف ایک درخواست کرتے ہیں کہ وہ ہرآزمائش میں اپنی یکجہتی کوہرحال میں قائم رکھیں ان کی یکجہتی ہی کراچی کوایشیاء کاترقی یافتہ اور تعلیم یافتہ شہربنائیگی۔میری اپیل ہے کہ عوام کسی سازش کی وجہ سے ووٹ بینک کوتقسیم نہ ہونے دیں ،انشاء اللہ ایک وقت ایسا آئے گاکہ ہم عزت کے ساتھ جیءں گے اورعزت کے مریں گے۔ڈاکٹرمحمدفاروق ستارنے مزیدکہاکہ ہماری کامیابی کی ضمانت ہمارااتحادہے اورہم ہر حال میں قائدتحریک الطاف حسین کے ساتھ جڑے رہیں گے۔انہوں نے کہاکہ اگر ووٹنگ ٹرن آؤٹ میں کچھ کمی ہوتی ہے توہمارے مخالفین کے ٹرن آؤٹ میں بھی 80فیصدکمی ہوتی ہے۔انہوں نے کہا کہ شہادتوں کاسلسلہ بھی جاری ہے چھاپے اور گرفتاریاں جاری ہیں مگرگمشدہ کارکنان بھی بازیاب ہورہے ہیں مشکلات بھی ہیں،اللہ کی طرف سے آسانیاں بھی آرہی ہیں۔ ایک سوال کے جواب میں ڈاکٹر محمد فاروق ستارکا کہنا تھاکہ جیل میں کارکنان پردباؤ بڑھایاجارہاہے اگریہ اطلاعات درست ہیں توسہولت کار کون ہے؟یہ اقدام غیرآئینی غیرسیاسی اورغیر جمہوری ہے بلکہ یہ کہاجائے کہ یہ عمل سیاسی پانامہ لیکس ہے۔بعدازاں ڈاکٹر محمد فاروق ستارکی قیادت میں انتخابی ریلی نکالی گئی جو پی آئی بی جہانگیر روڈ ٹاؤن آفس امام بارگاہ شاہ نجف سے شروع ہوئی اورپی آئی بی کالونی کے مختلف راستوں اورشاہراہوں سے ہوتی ہوئی نفیس آباد،اقبالّ آباد، تین ہٹی،جہانگیرروڈ،گرومندر،سولجربازار اور نشترپارک گراؤنڈ پہنچی اور واپس جمشیدروڈنمبر2،یادگارفش سے ہوتے ہوئے امام بارگاشاہ نجف پراختتام پذیرہوئی ۔اس موقع پرریلی کے شرکاء نے ہاتھوں میں ایم کیوایم کے پرچم ،قائد تحریک الطاف حسین کی تصاویراٹھارکھی تھیں۔ایم کیوایم کی ریلی کاعوام کی جانب سے زبردست خیرمقدم کیا گیا اور وکٹری کا نشان بنا کراپنی بھرپورحمایت کایقین دلایا۔

مزید تصاویر

9/28/2016 6:55:22 PM