Altaf Hussain  English News  Urdu News  Sindhi News  Photo Gallery
International Media Inquiries
+44 20 3371 1290
+1 909 273 6068
[email protected]
 
 Events  Blogs  Fikri Nishist  Study Circle  Songs  Videos Gallery
 Manifesto 2013  Philosophy  Poetry  Online Units  Media Corner  RAIDS/ARRESTS
 About MQM  Social Media  Pakistan Maps  Education  Links  Poll
 Web TV  Feedback  KKF  Contact Us        

عوامی عدالت کئی بار اپنا فیصلہ ایم کیو ایم کے حق میں دے چکی ہے اس کے باوجود ایم کیو ایم پر ظلم و جبر کا سلسلہ جاری ہے ،عبدالحسیب


عوامی عدالت کئی بار اپنا فیصلہ ایم کیو ایم کے حق میں دے چکی ہے اس کے باوجود ایم کیو ایم پر ظلم و جبر کا سلسلہ جاری ہے ،عبدالحسیب
 Posted on: 5/25/2016
عوامی عدالت کئی بار اپنا فیصلہ ایم کیو ایم کے حق میں دے چکی ہے اس کے باوجود ایم کیو ایم پر ظلم و جبر کا سلسلہ جاری ہے ،عبدالحسیب 
ضمیر فروش ٹولے کی خواہش پر سادہ لباس اہلکار ندیم قاضی کو گرفتار کر کے لے گئے جو ظلم وزیادتی کے مترادف ہے،عبدالحسیب
حیدرآباد قلعہ الطاف ہے اور اس قلعے میں بسنے والا ایک ایک بچہ ،بزرگ ، نوجوان ،مائیں ،بہنیں قائد تحریک کے وفادار ہیں،عبدالحسیب 
ظلم و جبر کا سلسلہ بند نہ ہوا تو الطافیوں کا صبر کا دامن چھوٹ گیا تو نادیدہ قوتوں کو سر چھپانے کی جگہ نہیں ملے گی،عبدالحسیب 
ارباب اختیار سے مطالبہ کیا کہ وہ ندیم قاضی کی رہائی کیلئے فی الفور اقدامات کریں اور مہاجر قوم کے ساتھ تعصب برتنے والے حکمران اور افسران کا محاسبہ کریں ،عبدالحسیب 
ندیم قاضی کی گرفتاری انہیں راہ حق پرستی سے ہٹانے کی کوشش ہے،عائشہ آفتاب
گرفتاریاں اور چھاپے ایم کیو ایم کے کارکنان کو حق پرستانہ جدوجہد ہٹانہیں سکتے،عائشہ آفتاب
بزرگوں اور خواتین کا یہ احتجاج نادیدہ قوتوں کیلئے پیغام ہے کہ وہ ایم کیو ایم کے خاتمے کے خواب دیکھنا چھوڑ دیں،محمد ظفر خان 
تعصب پرست حکمران اور افسران نے مہاجروں پر ظلم وستم کا سلسلہ بندنہ کیا تو ایم کیو ایم کے احتجاج کا سلسلہ مزید وسیع سے وسیع تر ہوتا چلے جائے گا،محمد ظفر 
ایم کیو ایم کے سابقہ سیکٹر انچارج وسینئر کارکن ندیم قاضی کی ناجائز گرفتاری کے بعد لاپتہ کیئے جانے کے خلاف ایم کیو ایم حیدرآباد زون شعبہ خواتین اورایلڈرونگ کے زیر اہتمام ہونے والے احتجاجی مظاہرے سے خطاب
خبر نمبر1))
حیدرآباد۔۔۔25،مئی،2016 ء
عوامی عدالت کئی بار اپنا فیصلہ ایم کیو ایم کے حق میں دے چکی ہے اس کے باوجود ایم کیو ایم پر ظلم و جبر کا سلسلہ جاری ہے ۔ان خیالات کا اظہار ایم کیو ایم رابطہ کمیٹی کے رکن و حق پرست ایم پی اے عبدالحسیب پر ایم کیو ایم کے سابقہ سیکٹر انچارج وسینئر کارکن ندیم قاضی کی ناجائز گرفتاری کے بعد لاپتہ کیئے جانے کے خلاف ایم کیو ایم حیدرآباد زون شعبہ خواتین اورایلڈرونگ کے زیر اہتمام ہونے والے احتجاجی مظاہرے سے خطاب کرتے ہوئے کیا۔ احتجاجی مظاہرے میں اراکین رابطہ کمیٹی ڈاکٹر خالد مقبول صدیقی ، اقبال مقدم ،سندھ تنظیمی کمیٹی کے اراکین نبیل احمد ،عائشہ آفتاب ،ظفرراجپوت ،ایم کیو ایم حیدرآباد کے نگراں زونل انچارج محمد ظفر خان و اراکین زونل کمیٹی ،حق پرست ارکان اسمبلی انجینئر صابرحسین قائم خانی ، راشدخلجی اور ندیم قاضی کے اہلخانہ سمیت خواتین ، بزرگوں اور تعلیمی بورڈ حیدرآباد کے ملازمین نے کثیر تعداد میں شرکت کی۔ انہوں نے مزید کہا کہ ندیم قاضی کسی کیس میں مطلوب نہیں تھا بورڈ آفس حیدرآباد میں چیف سیکیورٹی آفسیر کی ڈیوٹی سر انجام دے رہا تھا اس کے باوجود ضمیر فروش ٹولے کی خواہش پر سادہ لباس اہلکار انہیں گرفتار کر کے لے گئے ظلم وزیادتی کے مترادف ہے۔ انہوں نے کہا کہ حق پرست عوام اور کارکنان ماضی میں بھی ثابت قدم رہے اور آج بھی نادیدہ قوتوں کے تمام ظلم و جبر کے باوجود استقامت اور ثابت قدمی سے حق پرستانہ جدوجہد جاری رکھے ہوئے ہیں۔انہوں نے کہا کہ حیدرآباد قلعہ الطاف ہے اور اس قلعے میں بسنے والا ایک ایک بچہ ،بزرگ ، نوجوان ،مائیں ،بہنیں قائد تحریک جناب الطاف حسین کے وفادار ہیں ۔ انہوں نے کہا کہ ظلم و جبر کا سلسلہ بند نہ ہوا تو الطافیوں کا صبر کا دامن چھوٹ گیا تو نادیدہ قوتوں کو سر چھپانے کی جگہ نہیں ملے گی ۔ انہوں نے چیف جسٹس آف پاکستان ،آرمی چیف ،صدر پاکستان ،وزیر اعظم پاکستان ،کور کمانڈر سندھ ،ڈی جی رینجرز ،چیف جسٹس سندھ ہائی کورٹ ، وزیر اعلیٰ سندھ اور دیگر ارباب اختیار سے مطالبہ کیا کہ وہ ندیم قاضی کی رہائی کیلئے فی الفور اقدامات کریں اور مہاجر قوم کے ساتھ تعصب برتنے والے حکمران اور افسران کا محاسبہ کریں ۔احتجاجی مظاہرے سے رکن سندھ تنظیمی کمیٹی و حق پرست ایم پی اے عائشہ آفتاب نے خطاب کرتے ہوئے کہا کہ ندیم قاضی کی گرفتاری انہیں راہ حق پرستی سے ہٹانے کی کوشش ہے ۔ انہوں نے کہا کہ گرفتاریاں اور چھاپے ایم کیو ایم کے کارکنان کو حق پرستانہ جدوجہد ہٹانہیں سکتے ۔انہوں نے کہا کہ ہم پر جاری ظلم و بربت کا خاتمہ یقیناًبہت جلد ہوگاکیونکہ حق آنے کیلئے ہے اور باطل مٹ جانے کیلئے ہے ۔ احتجاجی مظاہرے سے ایم کیو ایم حیدرآباد کے نگراں زونل انچارج محمد ظفر خان نے خطاب کرتے ہوئے کہا کہ بزرگوں اور خواتین کا یہ احتجاج نادیدہ قوتوں کیلئے پیغام ہے کہ وہ ایم کیو ایم کے خاتمے کے خواب دیکھنا چھوڑ دیں کیونکہ حیدرآباد کا بچہ بچہ ،بزرگ ، مائیں ،بہنیں کل بھی قائد تحریک جناب الطاف حسین کے وفادار تھے اور آج بھی ہیں اور ہمیشہ رہیں گے۔انہوں نے کہا کہ تعصب پرست حکمران اور افسران نے مہاجروں پر ظلم و ستم کا سلسلہ بند نہ کیا تو ایم کیو ایم کے احتجاج کا سلسلہ مزید وسیع سے وسیع تر ہوتا چلے جائے گا۔انہوں نے کہا کہ مہاجر محب وطن ہیں انہیں غدار وطن سمجھنے والے ملک و قوم کے دشمن ہیں ۔ 







تصاویر

9/26/2016 10:36:23 PM