ایم کیوایم حیدرآباد کی زونل کمیٹی کے ارکان سہیل مشہدی، رفیق اجمیری اورراحیل فہیم کو رہاکردیاگیا

کراچی ۔۔۔ 17، مئی 2016ء

ایم کیوایم حیدرآبادکے تینوں مقامی رہنمااورزونل کمیٹی کے ارکان سیدسہیل مشہدی، رفیق اجمیری اورراحیل فہیم کوپیر کی شب رہاکردیاگیا۔ تینوں ذمہ داروں کو ہفتہ کی شب ان کے گھروں سے پرچھاپے مارکرگرفتارکیاگیاتھا۔ تینوں رہنماؤں کوایم کیوایم کی رابطہ کمیٹی کے ارکان گلفرازخان خٹک، محفوظ یار خان ایڈوکیٹ،ایم کیوایم کے ارکان اسمبلی ڈاکٹرخالدمقبول صدیقی ، وسیم احمد، راشدخلجی، صابرقائم خانی ، دلاورقریشی ،حیدرآبادکی زونل کمیٹی کے ار کان اوروکلاء لے کرحیدرآبادبھائی خان چاڑی میں واقع زونل آفس پہنچے توبھائی خان چاڑی کاعلاقہ ’’ نعرہ الطاف ۔۔۔جئے الطاف ‘‘ کے نعروں سے گونج اٹھا ۔ اس موقع پر کارکنوں، خواتین اوربزرگوں کی بڑی تعداد نے ان کاپرجوش استقبال کیا، انہیں پھولوں کے ہارپہنائے اوران کی رہائی پر مبارکبادپیش کی۔ رہائی کی اطلاع ملتے ہی ایم کیوایم کے قائدجناب الطاف حسین نے حیدرآبادزون فون کرکے سیدسہیل مشہدی، رفیق اجمیری اورراحیل فہیم کورہائی پرمبارکبادپیش کی اوران کی ثابت قدمی پر انہیں خراج تحسین پیش کیا ۔ انہوں نے تینوں رہنماؤں کی رہائی پر حیدرآبادزون کے تمام کارکنوں، ماؤں، بہنوں اوربزرگوں کوبھی مبارکباد پیش کی۔انہوں نے ذمہ داروں کی گرفتاری پر اتحادویکجہتی اورثابت قدمی کا شاندار مظاہرہ کرنے پرحیدرآبادکے زونل انچارج ظفرخان،زونل کمیٹی کے تمام ارکان،حیدرآبادکے ارکان قومی وصوبائی اسمبلی وسیم احمد، راشدخلجی، صابرقائم خانی ، دلاورقریشی ،عائشہ آفتاب،رعناانصارنقوی،شعبہ خواتین ،ایلڈرزونگ، لیگل ایڈکمیٹی،ایک ایک کارکن، ماں بہن، بزرگ، حیدرآبادکی زونل کمیٹی کے اکان، حق پرست ارکان قومی وصوبائی اسمبلی اوررابطہ کمیٹی کوزبردست خراج تحسین پیش کیا۔ اس موقع پر رابطہ کمیٹی پاکستان اورلندن کے ارکان اوراسلام آبادمیں موجودارکان قومی اسمبلی اورمحبان پاکستان کے ذمہ داروں نے بھی سہیل مشہدی، رفیق اجمیری اورراحیل فہیم کوان کی رہائی پر مبارکبادپیش کی۔ اس موقع پر رہائی پانے والے تینوں ذمہ داروں نے جناب الطاف حسین کویقین دلایا کہ چاہے کیسے ہی حالات ہوں وہ تحریک اوراپنے قائدکاساتھ نہیں چھوڑیں گے اورمشن ومقصدکی کامیابی تک جدوجہد جاری رکھیں گے۔اس موقع پرزونل کمیٹی کی رہائی پر زونل آفس پرموجود کارکنوں میں مٹھائی بھی تقسیم کی گئی ۔

تصاویر