Home  Altaf Hussain  English News  Urdu News  Sindhi News  Photo Gallery
International Media Inquiries
+44 20 3371 1290
+1 909 273 6068
[email protected]
 
 Events  Blogs  Fikri Nishist  Study Circle  Songs  Videos Gallery
 Manifesto 2013  Philosophy  Poetry  Online Units  Media Corner  RAIDS/ARRESTS
 About MQM  Social Media  Pakistan Maps  Education  Links  Poll
 Web TV  Feedback  KKF  Contact Us        

ایم کیوایم ناظم آباد گلبہار سیکٹر کے کارکن سہیل ارشد کے بہیمانہ قتل کا نوٹس لیا جائے، رابطہ کمیٹی


ایم کیوایم ناظم آباد گلبہار سیکٹر کے کارکن سہیل ارشد کے بہیمانہ قتل کا نوٹس لیا جائے، رابطہ کمیٹی
 Posted on: 9/5/2013 1
سہیل ارشد شہید کے سوگوار لواحقین سے رابطہ کمیٹی کا اظہار تعزیت
سہیل ارشد شہید کو خاموش کالونی قبرستان میں سپرد خاک کردیا گیا، نماز جنازہ اور تدفین میں رابطہ کمیٹی، منتخب نمائندوں اور دیگر کی شرکت
کراچی :۔۔۔5، ستمبر2013ء
متحدہ قومی موومنٹ کی رابطہ کمیٹی نے ایم کیوایم ناظم آبادگلبہارسیکٹریونٹ 169کے کارکن 24سالہ سہیل ارشدکوگینگ وارکے دہشت گردوں کی جانب سے اغواء کے بعدبہیمانہ تشدد کانشانہ بناکرقتل کرنے کی سخت ترین الفاظ میں مذمت کی ہے اورمطالبہ کیاہے کہ سہیل ارشدکے بہیمانہ قتل کانوٹس لیاجائے۔ایک بیان میں رابطہ کمیٹی نے کہاکہ گینگ وارسے تعلق رکھنے والے جرائم پیشہ دہشت گردشہرکاامن خراب کرنے کیلئے تسلسل کے ساتھ ایم کیوایم کے کارکنان اورہمدردشہریوں کودہشت گردی کانشانہ بنارہے ہیں اور گزشتہ ماہ سے اب تک 150سے زائدکارکنان وہمدرد شہریوں کوقتل کیاجاچکاہے ۔رابطہ کمیٹی نے کہاکہ سہیل ارشد4ستمبرکی صبح تین ہٹی کے علاقے فلمستان سینما کے قریب کسی کام سے گئے تھے کہ گینگ وارکے دہشت گردوں نے انہیں اغواء کرلیااوربہیمانہ تشددکانشانہ بناکرزخمی حالت میں پھینک دیاجس کے بعدانہیں عباسی شہیداسپتال لیجایاگیاجہاں وہ زخموں کی تاب نہ لاکرخالق حقیقی سے جاملے۔رابطہ کمیٹی نے سہیل ارشدشہیدکے سوگوارلواحقین سے دلی تعزیت و ہمدردی کااظہارکرتے ہوئے دعاکی کہ اللہ تعالیٰ شہیدکوجنت الفردوس میں جگہ عطافرمائے اورسوگواران کوصبرجمیل دے۔رابطہ کمیٹی نے وزیراعظم میاں نواز شریف، وفاقی وزیرداخلہ چوہدری نثارعلی،گورنرسندھ ڈاکٹرعشرت العباد اوروزیراعلیٰ سندھ سیدقائم علی شاہ سے مطالبہ کیاکہ سہیل ارشدکے اغواء کے بعد بہیمانہ قتل کانوٹس لیاجائے۔دریں اثناء سہیل ارشد شہیدکوسینکڑوں سوگواران کی آہوں اورسسکیوں کے درمیان خاموش کالونی قبرستان میں سپردخاک کردیاگیا۔شہیدکی نماز جنازہ بعدنمازعصرعثمانیہ مسجدناظم آبادنمبر1میں اداکی گئی۔نمازجنازہ اورتدفین میں ایم کیوایم کی رابطہ کمیٹی کے رکن یوسف شاہوانی،حق پرست اراکین اسمبلی،کراچی تنظیمی کمیٹی کے ارکان،ناظم آبادگلبہارسیکٹرکمیٹی کے ذمہ داران،کارکنان،ہمدردوں اورشہیدکے عزیزواقارب نے بڑی تعدادمیں شرکت کی۔
4/12/2026 5:49:40 AM