شاہ لطیف ٹاؤن میں ایم کیوایم کراچی مضافاتی آرگنائزنگ کمیٹی کے سیکٹر ممبر غلام سرور ڈاہری کے کلینک پر پیپلز امن کمیٹی کے مسلح دہشت گردوں کی وحشیانہ فائرنگ کا واقعہ کھلی دہشت گردی اور بربریت ہے۔ الطاف حسین

لندن۔۔۔31، اگست2013ء

متحدہ قومی موومنٹ کے قائدجناب الطاف حسین نے بھینس کالونی کے علاقے شاہ لطیف ٹاؤن میں ایم کیوایم کراچی مضافاتی آرگنائزنگ کمیٹی کے بن قاسم سیکٹرکے سیکٹرممبرغلام سرورڈاہری کے کلینک پر پیپلزامن کمیٹی کے مسلح دہشت گردوں کی وحشیانہ فائرنگ کی شدیدالفاظ میں مذمت کی ہے اوراس واقعہ میں غلام سرورڈاہری کے صاحبزادے غلام مرتضیٰ ڈاہری، بھتیجے محمدسلیم ڈاہری، کمپاؤڈر خادم شیرلاشاری اورایک مریض شہزادکی شہادت پر دلی صدمہ اور افسوس کا اظہار کیا ہے۔ مسلح دہشت گردوں کی وحشیانہ فائرنگ سے کئی افراد زخمی بھی ہوئے جن میں ایم کیوایم کے ایک کارکن حق نوازبھی شامل ہیں۔ جناب الطاف حسین نے کہا کہ یہ واقعہ کھلی دہشت گردی اوربربریت کی بدترین مثال ہے اوراسی ایک واقعہ سے اندازہ لگایاجاسکتاہے کہ شہرمیں قتل وغارتگری اوردہشت گردی کا بازارکس نے گرم کیا ہوا ہے ۔ جناب الطاف حسین نے صدر آصف زرداری، وزیراعظم میاں محمدنوازشریف اوروفاقی وزیرداخلہ چوہدری نثار علی سے مطالبہ کیا کہ دہشت گردی کے اس سنگین واقعہ کافوری نوٹس لیاجائے اورمعصوم وبے گناہ افرادکاخون بہانے والے درندہ صفت دہشت گردوں کوفی الفورگرفتارکرکے قانون کے مطابق سخت سے سخت سزادی جائے ۔ جناب الطاف حسین نے اس سانحہ پر ایم کیوایم کے سیکٹرممبرغلام سرورڈاہری اورانکے اہل خانہ اور واقعہ میں شہیدہونے والے دیگر افرادکے لواحقین سے دلی تعزیت کااظہارکرتے ہوئے کہاکہ آپ صبرکریں اوریقین رکھیں کہ معصوموں کاخون بہانے والے اللہ تعالیٰ کے عذاب سے نہیں بچ سکیں گے۔ انہوں نے دعاکی کہ اللہ تعالیٰ واقعہ میں شہیدہونے والے غلام مرتضیٰ ڈاہری شہید، بھتیجے محمدسلیم ڈاہری شہید، کمپاؤڈرخادم شیرلاشاری شہید اور شہزاد شہیدکی مغفرت فرمائے ، انہیں جنت الفردوس میں جگہ دے ،انکے لواحقین کوصبرجمیل عطاکرے اورزخمیوں کوصحتیاب کرے۔