ایم کیوایم کارکن اورڈاکٹرمحمدفاروق ستارکے کوآرڈی نیٹرآفتاب احمدشہیدکافاتحہ سوئم بعدنمازظہر ان کی رہائش گاہ پرہوا
فاتحہ سوئم میںآفتاب احمدشہیدکی روح کے ایصال ثواب کے لئے قرآن خوانی وفاتحہ خوانی کی گئی اورسلام عقیدت پیش کیاگیا
آفتاب احمدشہیدکے سوئم میں ایم کیوایم کی رابطہ کمیٹی،حق پرست اراکین سینیٹ،قومی وصوبائی اسمبلی،یوسی چیئرمین،وائس چیئرمین، کونسلرز،مرکزی ونگزاورشعبہ جات کے ارکان،ٹاؤن ،یوسیز کے عہدیداران،کارکنان اورایم کیوایم کے ہمدردعوام نے شرکت کی
رکن رابطہ کمیٹی عبدالحسیب نے خشوع وخضوغ کے ساتھ آفتاب احمدشہیدسمیت تمام حق پرست شہداء کے بلنددرجات کے لئے فاتحہ خوانی کی
سوئم کے اجتماع میں قائدتحریک الطاف حسین سمیت شہیدکے تمام سوگوارلواحقین کے صبرجمیل ،لاپتہ کارکنان کی بازیابی، جیلوں میں اسیرکارکنان کی رہائی اورکراچی آپریشن کی آڑمیں ظلم وستم کے خاتمے سمیت قائدتحریک الطاف حسین کی صحت وتندرستی درازی عمرکے لئے دعائیں کرائی گئیں
ایم کیوایم کے مطالبہ پرکراچی میں مذہبی انتہاء پسندوں،گینگ وار،جرائم پیشہ عناصر،اغواء برائے تاوان اوربھتہ خوری میں ملوث عناصرکی سرکوبی کے لئے شروع ہونیوالے ٹارگٹڈ آپریشن کی آڑ میں ایم کیوایم کوہی انتقامی کارروائیوں کانشانہ بنایاجارہاہے
عبدالحسیب ،اسماعیل قریشی اور خالدمقبول صدیقی کی آفتاب احمدشہیدکے فاتحہ سوئم کے بعد میڈیاکے نمائندوں سے گفتگو
کراچی:۔۔۔4؍مئی2016ء
رینجرز حراست میں بہیمانہ تشددسے جاں بحق ہونے والے ایم کیوایم کے کارکن اوررابطہ کمیٹی کے سینئرڈپٹی کنوینرڈاکٹرمحمدفاروق ستارکے کوآرڈی نیٹرآفتاب احمدشہیدکافاتحہ سوئم جمعرات کوبعدنمازظہر فیڈرل بی ایریامکان نمبر1291بلاک14میں واقع ان کی رہائش گاہ پرمنعقدہوا جس میں شہیدکی روح کے ایصال ثواب کے لئے قرآن خوانی وفاتحہ خوانی کی گئی اورشہیدکوان کی تنظیمی خدمات اورثابت قدمی پرزبردست خراج عقیدت وسلام عقیدت پیش کیاگیا۔سوئم کے اجتماع میں ایم کیوایم کی رابطہ کمیٹی کے ڈپٹی کنوینرکہف الوریٰ،اراکین رابطہ کمیٹی عبدالحسیب،عبدالقادرخانزادہ،عارف خان ایڈووکیٹ ،اسماعیل قریشی، مطیع الرحمن، مرکزی رہنماء وحق پرست رکن قومی اسمبلی ڈاکٹر خالدمقبول صدیقی،حق پرست اراکین سینیٹ،قومی وصوبائی اسمبلی،یوسی چیئرمین،وائس چیئرمین، کونسلرز،ایم کیوایم کے مرکزی ونگزاورشعبہ جات کے ارکان،ٹاؤن ،یوسیزکے عہدیداران،کارکنان اورایم کیوایم کے ہمدردعوام نے بہت بڑی تعدادمیں شرکت کی اورآفتاب احمدشہیدکوخراج عقیدت پیش کیا۔اس موقع پررکن رابطہ کمیٹی عبدالحسیب نے خشوع وخضوغ کے ساتھ آفتاب احمدشہیدسمیت تمام حق پرست شہداء کے بلنددرجات کے لئے فاتحہ خوانی کی اورقائدتحریک الطاف حسین سمیت شہیدکے تمام سوگوارلواحقین کے صبرجمیل ،لاپتہ کارکنان کی بازیابی، جیلوں میں اسیرکارکنان کی جلدازجلدرہائی اورکراچی آپریشن کی آڑمیں ایم کیو ایم کے کارکنان پر ظلم وستم کے خاتمے سمیت قائدتحریک الطاف حسین کی صحت وتندرستی درازی عمرکے لئے دعائیں کرائی۔