ڈاکٹرفاروق ستارکے کوآرڈی نیٹراورایم کیوایم کے سینئر کارکن آفتاب احمدشہیدکے ایصال ثواب کیلئےایم کیوایم انٹرنیشنل سیکریٹریٹ میں فاتحہ خوانی کی گئی

لندن ۔۔۔ 4 مئی 2016 ء

ایم کیوایم کے سینئرڈپٹی کنوینر ڈاکٹرفاروق ستارکے کوآرڈی نیٹراورایم کیوایم کے سینئر کارکن آفتاب احمدشہیدکے ماورائے عدالت قتل کے خلاف منائے جانے والے یوم سوگ کے موقع پر آج لندن میں ایم کیوایم انٹرنیشنل سیکریٹریٹ میں بھی شہیدکے لئے فاتحہ خوانی کی گئی۔ فاتحہ خوانی میں ایم کیوایم لندن کی رابطہ کمیٹی اورانٹرنیشنل سیکریٹریٹ میں تنظیمی فرائض انجام دینے والے کارکنوں اورخواتین نے شرکت کی ۔ آفتاب احمدشہیدکے سوگ میں تمام ذمہ داران وکارکنان اورخواتین نے اپنے بازؤوں پر سیاہ پٹیاں باندھی ہوئی تھیں۔ اس موقع پرآفتاب احمدشہیدکوزبردست خراج عقیدت پیش کیاگیااوران کی روح کے ایصال ثواب کے لئے فاتحہ خوانی کی گئی اوردعاکی گئی کہ اللہ تعالیٰ آفتاب شہیدکی بیوہ، بچوں اورتمام لواحقین کو صبرجمیل عطاکرے اورشہیدکوجنت الفردوس میں جگہ دے۔ شرکاء نے پاکستان کے ارباب اختیارسے مطالبہ کیاکہ آفتاب احمدشہید کے ماورائے عدالت قتل کی اعلیٰ سطحی تحقیقات کرائی جائیں اوراس میں ملوث رینجرز اہلکاروں کے خلاف کارروائی کی جائے ۔ اس موقع پر تحریک کے تمام شہیدوں کیلئے بھی دعائے مغفرت کی گئی اورتحریک کی کا میابی اورقائدتحریک الطاف حسین کی درازی عمرکے لئے دعاکی گئی۔