ڈاکٹر فاروق ستار کے کو آرڈی نیٹر آفتاب احمد کی رینجرز کی حراست میں ہلاکت کے باعث ایم کیوایم کے زیراہتمام آج کرا چی پریس کلب کے باہر ہونے والا احتجاجی مظاہرہ منسوخ کردیا

کراچی ۔۔۔3، مئی 2016ء 

متحدہ قومی موومنٹ کی رابطہ کمیٹی کے سینئر ڈپٹی کنوینر و قومی اسمبلی میں ایم کیوایم کے پارلیمانی لیڈر ڈاکٹر فاورق ستار کے کو آرڈی نیٹر اور ایم کیوایم کے کارکن آفتاب احمد کی رینجرز کی حراست میں ہلاکت کے باعث کراچی پریس کلب پر آج متحدہ قومی موومنٹ کے زیراہتمام ہونے والا احتجاجی مظاہرہ منسوخ کردیا گیا ہے ۔آفتاب احمد شہید کی نماز جنازہ آج شام 4:00بجے نمائش چورنگی پر ادا کی جائے گی ۔

دریں اثناء ایم کیوایم کی رابطہ کمیٹی نے آفتاب احمد کی رینجرز کی حراست میں ہلاکت کی شدید مذمت کی اور ان کے سوگوار لواحقین سے دلی تعزیت ہمدردی کااظہارکرتے ہوئے انہیں صبر کی تلقین کی ۔ رابطہ کمیٹی نے دعا کی کہ اللہ تعالیٰ آفتاب احمد شہید کو جنت الفردوس میں اعلیٰ مقام عطا فرمائے اور سوگواران کو صبر جمیل عطاکرے ۔ رابطہ کمیٹی نے عوام و کارکنان سے اپیل کی ہے کہ وہ نمائش چورگی پر آفتاب احمد شہید کی نمازجنازہ میں زیادہ سے زیادہ تعداد میں شرکت کریں ۔