استحصالی عناصر کی یہ بھول ہے کہ وہ ایم کیوایم کو جبر و تشدد کے اوچھے ہتھکنڈوں سے ختم کردینگے ،رابطہ کمیٹی

کراچی:۔۔۔2، مئی 2016ء 

متحدہ قومی موومنٹ کی رابطہ کمیٹی کے ارکان گلفراز خان خٹک اور اسماعیل قریشی نے کہا ہے کہ استحصالی عناصر کی یہ بھول ہے کہ وہ ایم کیوایم کو جبر و تشدد کے اوچھے ہتھکنڈوں سے ختم کردینگے ،ایم کیوایم ایک نظریاتی تحریک ہے جو جناب الطاف حسین کے فکر وفلسفہ اور نظریئے سے آراستہ ہے ۔ان خیالات کاظہار انہوں نے خورشید بیگم سیکریٹریٹ عزیز آباد میں ایم کیوایم کراچی مضافاتی آرگنائزنگ کمیٹی کے ذمہ داران کی تربیتی نشست سے خطاب کرتے ہوئے کیا ۔ تربیتی نشست میں کراچی مضافاتی آرگنائزنگ کمیٹی کے ٹاؤن اور یوسی ذمہ داران نے کثیر تعداد میں شرکت کی ۔ تربیتی نشست سے خطاب کرتے ہوئے رابطہ کمیٹی کے ارکان گلفراز خان خٹک اور اسماعیل قریشی نے کہا کہ جیسے جیسے ایم کیوایم کو ختم کرنے کیلئے جتنا ظلم و جبر کیاجائے گا ویسے ویسے جناب الطاف حسین کا حقیقت پر مبنی آفاقی نظریہ ملک بھر سمیت دنیا کے گوشے گوشے میں پھیلتا جائے گا ۔ انہوں نے کہاکہ اس ملک پرقابض 2فیصدمراعات یافتہ طبقے سے تعلق رکھنے والی اسٹیبلشمنٹ نے اپناتمام زورلگاکردیکھ لیاتاہم وہ ایم کیوایم کوختم نہیں کرپائی بلکہ ایم کیوایم کی مقبولیت میں مزیداضافہ ہواہے۔انہوں نے کہاکہ الطاف حسین ایک فکرواورنظریہ ہے جوایک رہبرکی حیثیت رکھتے ہیں اورجنہوں نے اس ملک کے متوسط طبقے کوسیاسی شعوردینے کے ساتھ ساتھ ملک وملت کی ترقی کی طرف گامزن کیاہے۔گلفرازخان اوراسماعیل قریشی نے کہاکہ ملک ،سندھ بالخصوص کراچی کے عوام قائدتحریک الطاف حسین کے ساتھ ہیں اورعوام نے ہرانتخاب میں ثابت کیاہے کہ کوئی بھی ظلم وجبراورمنفی ہتھکنڈہ الطاف حسین سے جدانہیں کرسکتا۔