لانڈھی میں حقیقی دہشت گردوں کی جانب سے ایم کیوایم کے کارکنوں اورکونسلروں کے گھروں پر حملوں اورانکے اہل خانہ کوتشددکانشانہ بنانے اوردھمکیاں دیناقابل مذمت ہے ۔ رابطہ کمیٹی

کراچی ۔۔۔ یکم مئی 2016ء

متحدہ قومی موومنٹ کی رابطہ کمیٹی نے لانڈھی میں حقیقی دہشت گردوں کی جانب سے ایم کیوایم کے کارکنوں اورکونسلروں کے گھروں پر حملوں اوران کے اہل خانہ کوتشددکانشانہ بنانے اوردھمکیاں دینے کی شدیدالفاظ میں مذمت کی ہے ۔اپنے ایک بیان میں رابطہ کمیٹی نے کہاکہ لانڈھی میں حقیقی دہشت گردوں نے اپنی روایت کے تحت ایک بارپھرغنڈہ گردی کابازارگرم کرناشروع کردیاہے ، حقیقی دہشت گردمسلح ہوکرلانڈھی کے مختلف علاقوں میں ایم کیوایم کے کارکنوں کے ساتھ راہ چلتے مارپیٹ کررہے ہیں،کارکنوں کے گھروں پرحملے کررہے ہیں ،کارکنوں کے اہل خانہ کودھمکیاں دے رہے ہیں کہ وہ اپنے بچوں سے کہیں کہ وہ تحریری طورپرلکھ کردیدیں کہ اب ان کاایم کیوایم سے کوئی تعلق نہیں ہے، جولکھ کرنہیں دے گااس کوسنگین نتائج بھگتنے ہوں گے ۔ ایم کیوایم کے ارکان اسمبلی اورمقامی منتخب نمائندے پولیس اوررینجرزکومسلسل اس صورتحال سے آگاہ کررہے ہیں لیکن چونکہ حقیقی دہشت گردوں کوسرکاری ایجنسیوں کی حمایت حاصل ہے اسی لئے ان حقیقی دہشت گردوں کے خلاف کوئی کارروائی نہیں کی جارہی ہے ۔رابطہ کمیٹی نے کہاکہ حقیقی دہشت گردوں کی غنڈہ گردی کی وجہ سے علاقے کے عوام میں اشتعال پھیل رہاہے ۔رابطہ کمیٹی نے حکومت سندھ سے مطالبہ کیاکہ لانڈھی میں حقیقی دہشت گردوں کی جانب سے کی جانے والی اس غنڈہ گردی کافوری نوٹس لیاجائے اوراس میں ملوث دہشت گردوں کے خلا ف کارروائی کی جائے ۔