کراچی کے مختلف علاقوں میں ایم کیوایم کے کارکنوں اورذمہ داروں کے گھروں پر چھاپوں اور گرفتاریوں کا سلسلہ صبح تک جاری رہا
متعدد کارکنان و ذمہ داران گرفتار کرلئے گئے
جو کارکنان گھروں پر نہ ملے انکے بھائیوں کو گرفتار کرلیا گیا۔چھاپوں کے دوران کارکنان کی ماؤں، بہنوں کے ساتھ بدسلوکی،
بزرگوں کے ساتھ توہین آمیز سلوک۔ گرفتار کئے گئے کارکنوں کو سرکاری حراست میں انسانیت سوز تشدد کا نشانہ بنایا جا رہا ہے
پیپلز پارٹی خدا کے عذاب سے ڈرے ورنہ خدا کا عذاب اسے خس و خاشاک کی طرح بہالے جائے گا
ایم کیوایم کے بے گناہ کارکنوں کی گرفتاریوں کا سلسلہ بند کیاجائے اورگرفتارشدگان کورہا کیاجائے۔ ارکان قومی اسمبلی
کراچی ۔۔۔29، اگست 2013 ء
آخری اطلاعات تک کراچی کے مختلف علاقوں میں ایم کیوایم کے کارکنوں کے گھروں پر غیرقانونی چھاپوں کا سلسلہ جاری ہے اور غیرقانونی چھاپوں کے دوران بڑی تعداد میں ایم کیوایم کے کارکنان کو گرفتارکرکے حراست کے دوران بہیمانہ تشدد کا نشانہ بنایاجارہا ہے ۔ دریں اثناء متحدہ قومی موومنٹ کے ارکان قومی اسمبلی نے کراچی کے مختلف علاقوں میں ایم کیوایم کے کارکنوں اورذمہ داروں کے گھروں پر چھاپوں اورگرفتاریوں کی شدید الفاظ میں مذمت کی ہے ۔ ا پنے بیان میں ارکان قومی اسمبلی نے کہاکہ کراچی کے مختلف علاقوں میں ایم کیوایم کے کارکنوں اورذمہ داروں کے گھروں پر اندھا دھند غیرقانونی چھاپے مارے جارہے ہیں اورگرفتاریاں کی جارہی ہیں ،جوذمہ داران وکارکنان گھروں پرنہیں مل رہے ہیں انکے بھائیوں کوگرفتارکیا جارہا ہے۔ایم کیوایم کے ذمہ داروں اورکارکنوں کے گھروں پرغیرقانونی چھاپوں اورگرفتاریوں کاسلسلہ صبح تک جاری تھا ۔چھاپوں کے دوران چادر چہار دیواری کاتقدس پامال کیا جارہا ہے۔ کارکنان کی ماؤں، بہنوں کے ساتھ بدسلوکی کی جارہی ہے اوربزرگوں کے ساتھ توہین آمیز سلوک کیاجارہاہے ، جو کارکنان گرفتار کئے گئے ہیں انہیں سرکاری حراست میں انسانیت سوزتشددکانشانہ بنایاجارہاہے۔ارکان قومی اسمبلی نے کہاکہ پیپلز پارٹی خدا کے عذاب سے ڈرے ورنہ خداکاعذاب اسے خس وخاشاک کی طرح بہالے جائے گا۔حق پرست ارکان قومی اسمبلی نے وفاقی حکومت سے مطالبہ کیاکہ ایم کیوایم کے رہنماؤں ، منتخب نمائندوں اورکارکنوں کے گھروں پرغیر چھاپوں اورگرفتاریوں کا سلسلہ بند کیاجائے اورگرفتارشدگان کورہا کیاجائے ۔