ایم کیو ایم کے شہید چیئرمین عظیم احمد طارق کی 23ویں برسی عقیدت و احترام سے منائی گئی

کراچی ۔۔۔ یکم؍ مئی 2016ء

متحدہ قومی موومنٹ کے زیراہتمام لال قلعہ گراؤنڈ، عزیزآباد میں ایم کیوایم کے چیئرمین عظیم احمد طارق شہید کی 23 ویں برسی عقیدت و احترام کے ساتھ منائی گئی۔ برسی کے موقع قرآن خوانی اور فاتح خوانی کے لئے ایم کیو ایم کے مرکز نائن زیرو سے متصل لال قلعہ گراؤنڈ عزیز آباد میں خصوصٰ انتظامات کئے گئے جس میں ایم کیو ایم رابطہ کمیٹی کے ڈپٹی کنونیر کہف الوریٰ، اراکین رابطہ کمیٹی، حق پرست اراکین قومی و صوبائی اسمبلی، حق پرست سینیٹرز، نومنتخب بلدیاتی نمائندوں سمیت ایم کیو ایم کے ذمہ داران و کارکنان اور حق پرست عوام نے بڑی تعداد میں شرکت کی۔ برسی کے موقع پر شرکاء سے چیئرمین عظیم احمد طارق شہید کی تحریکی خدمات پر انہیں زبردست خراج عقیدت پید کیا اور قرآن خوانی اور فاتحہ خوانی کے بعد حق پرست سینیٹر تنویر الحق تھانوی نے شہید چیئرمین عظیم احمد طارق کے ایصال ثواب اور بلندئ درجات کے لئے خصوصی دعا کرائی۔